Yangiliklar
Toshkentdagi "Lider" xususiy maktabi tomonidan Xalqaro Nordik universiteti bazasida AMO-2022 xalqaro matematika olimpiadasi o‘tkaziladi
October 22 , 2022
154
2022-yil 23-oktyabr kuni universitetimizda o‘tkaziladigan olimpiadada respublikamizdagi maktab va litseylarning 2-11-sinf o‘quvchilari ishtirok etadilar.
🖇 Ushbu olimpiada Singapurlik hamkor SIMCC va AQSHning Janubiy Illinoys universiteti (SIU) bilan hamkorlikda o‘tkazilmoqda.
🔥 Ayni paytda SIMCC va SIU ikki turdagi stipendiyalarni taklif qiladi:
✔️eng kuchlilar uchun 2 yillik stipendiya (SIMOC/IJMO va AMOda eng yuqori ball olgan IJHS a’zolari);
✔️ta’lim xarajatlarini qisman qoplash uchun stipendiyalar (olimpiada natijalari asosida; 14000 dollar chegirmali). SIMCC orqali hujjatlarni topshirishda 40 AQSH dollari miqdorida ariza to‘lovi olinadi.
Olimpiadada:
☑️ 15 ta test topshiriqlari (har bir to‘g‘ri javob uchun 3 ball),
☑️ ochiq javobli 5 ta topshiriq, to‘g‘ri javob uchun 5 ball.
▪️Rus yoki ingliz tilini tanlash mumkin.
➖09.00-10.45. - 2 va 4-sinflar;
➖11.15-13.00. — 3, 6 va 9-sinflar;
➖13.45-15.15. — 5, 7, 8, 10 va 11-sinflar.
📌 Olimpiada natijalari ➡️ https://t.me/uzbcdc kanalida e’lon qilinadi.
So'nggi yangiliklar
Mustaqil izlanuvchilikka navbatdagi kirish imtihonlari o‘tkazildi
Tanlovda 08.00.03 – “Sanoat iqtisodiyoti”, 08.00.07 - “Moliya, pul muomalasi va kredit”, 08.00.13 - “Menejment” hamda 13.00.02- “Ta’lim va tarbiya nazariyasi va metodikasi (sohalar boʻyicha)” ixtisosligi bo‘yicha talabgorlar suhbatdan o‘tkazildi.
Imtihonda mustaqil izlanuvchilikka talabgorlarning mutaxassislikka oid bilimlari, innovatsion yondashuvi va ilmiy salohiyati sinaldi hamda baholandi.
Nordikda dasturchilar bahsi!
🏆 G‘oliblarimiz bilan tanishing:
🥇 1-o‘rin:
Lochinbek Abdullayev – 1-KI-24-guruhi talabasi
Imomjon Nazarov – 1-KI-24-guruhi talabasi.
🥈 2-o‘rin:
Dilmurod Almurotov – 1-KI-23-guruhi talabasi.
🥉 3-o‘rin:
Shahzod Mirzarahmatov – 1MDS-24-guruhi (magistratura) talabasi.
IQ, ijod va innovatsiya sinovlarida yuqori natijalar ko‘rsatgan talabalar taqdirlandilar.
Shvetsiya delegatsiyasi Nordik universitetida: ta’lim va sanoat integratsiyasi yo‘lida muhim uchrashuv
Shvetsiya Tashqi ishlar vazirligi Savdo siyosati departamenti bosh direktori Kamilla Mellander boshchiligidagi delegatsiya O‘zbekistonga tashrifi doirasida Nordik universitetida bo‘ldi. O‘zbekiston Respublikasi Investitsiyalar, sanoat va savdo vazirligi hamda Tog‘-kon sanoati va geologiya vazirligi mutasaddilari hamrohligidagi delegatsiya va Nordik universiteti rahbariyati o‘rtasida samimiy muloqot o‘tkazildi.
Delegatsiya tarkibida "EOL Vent Mining", "Sandvik", "Epiros", "Scania", "Skf", "Ericsson", "Atlas Copco" kabi Shvetsiyaning yirik, ilg‘or sanoat kompaniyalari rahbarlari va menejerlari ishtirok etdilar. Mazkur kompaniyalar konchilik, mashinasozlik, axborot texnologiyalari va energetika sohalarida innovatsion yechimlari bilan tanilgan.
Uchrashuvda ikki tomonlama aloqalarni mustahkamlash, innovatsion, taʼlim va sanoat hamkorligi asoslarini shakllantirishga ahamiyat qaratildi.
Tashrif doirasida mehmonlar universitet infratuzilmasi, ilmiy-tadqiqot faoliyati va xalqaro loyihalari bilan tanishtirildilar. Uchrashuvda ta’lim va sanoat integratsiyasi, talabalar amaliyoti, qo‘shma ilmiy loyihalar, hamkorlikda inkubatsiya markazlari yaratish, soha mutaxassislarini tayyorlash kabi dolzarb masalalarda fikr almashildi va kelishuvlar amalga oshirildi.
Nordik universitetining xalqaro aloqalarni rivojlantirish borasidagi strategiyasi Shvetsiya kabi ilg‘or davlatlar bilan hamkorlikda zamonaviy, raqobatbardosh va amaliy bilimlarga asoslangan ta’lim tizimini shakllantirishga xizmat qiladi.
Sharhlovchilik sanʼati: Qobilbek Karimbekov bilan ijodiy uchrashuv!
Uchrashuvda u siyosiy sharh tayyorlash bo‘yicha o‘z tajribalari, ko‘plab ommaviy axborot vositalaridagi faoliyati, yangi nashr - "Sharhlovchining mashaqqatli yo‘li" kitobi haqida so‘z yuritdi.
Sharhlovchilikda muvaffaqiyatga erishish uchun nima kerak? Bu borada ustoz-sharhlovchi talabalarga zarur tavsiyalar berdi:
🟢Tarixiy, siyosiy, geografik bilimlar;
🟢diplomatiya asoslarini o‘rganish;
🟢xalqaro materiallar tayyorlashda tashqi siyosatni chuqur bilish;
🟢xalqlarga xos urf-odatlarni bilish;
🟢savol berish madaniyati va tahliliy yondashuvga ega bo‘lish.
Uchrashuvda har bir jurnalist har doim izlanishda bo‘lishi va xalqaro maydonda sodir bo‘layotgan voqealarga befarq bo‘lmasligi kerakligi taʼkidlandi.