- Pedagogika kafedrasi
- Sanoatni boshqarish va raqamli texnologiyalar kafedrasi
- Iqtisodiyot va biznesni boshqarish kafedrasi
- Musiqa ta'limi kafedrasi
- Psixologiya va maktabgacha ta’lim kafedrasi
- Chet tillar kafedrasi
- Xorijiy til va adabiyoti kafedrasi
- Ijtimoiy fanlar va Jurnalistika kafedrasi
Ijtimoiy fanlar va Jurnalistika kafedrasi
Xalqaro Nordik universitetining "Ijtimoiy fanlar va Jurnalistika" kafedrasi 2024-yil 22-aprelda tashkil etilgan. "Ijtimoiy fanlar va Jurnalistika" kafedrasi o‘quv, o‘quv-uslubiy, ilmiy-tadqiqot, ustoz-shogird ishlari, shuningdek, ilmiy-pedagog kadrlar tayyorlash, ma’naviy-ma’rifiy va tarbiyaviy ishlarni amalga oshiradi.
Hozirgi kunda Ijtimoiy fanlar va jurnalistika kafedrasida 4 nafar professor-o‘qituvchi va 1 nafar o‘quv-yordamchi xodim faoliyat olib bormoqda.
Kafedraning ustuvor maqsadlari raqobatbardosh va yuqori salohiyatga ega kadrlar tayyorlash, jamiyat uchun zarur bo‘lgan iqtidorli kadrlarni tarbiyalash, ijtimoiy-gumanitar fanlarni fanlarning eng so‘nggi yutuqlarini qo‘llagan holda o‘qitishga qaratilgan.
Kafedra bakalavriat bosqichida 2 ta ta’lim dasturlarini amalga oshiradi:
- Tarix – 60220300
- Jurnalistika – 60320100
Shuningdek, magistratura bosqichida 1 ta mutaxassislik bo‘yicha kadrlar tayyorlanadi:
- Jurnalistika – 70320101
Jurnalistika ta’lim yo‘nalishi talabalari uchun UzReport va Xalqaro Nordik Universiteti bilan hamkorlikda dual ta’lim imkoniyatlari yaratilgan. Ushbu yangi ta’lim dasturi, nafaqat zamonaviy jurnalistika va media sohalarida chuqur bilim olish, balki xalqaro miqyosda raqobatbardosh mutaxassis bo‘lish imkoniyatini yaratadi.
Xodimlar
Qodirov Najmiddin Ne'matovich
Qodirov Najmiddin Ne'matovich Toshkent davlat iqtisodiyot universitetida kafedra mudiri, prorektor lavozimlarida ishlagan. 50 dan ortiq ilmiy maqola va ilmiy-uslubiy ishlar, jumladan 1 ta darslik, 5 ta oʻquv qoʻllanma, 2 ta oʻquv-uslubiy qoʻllanma, 3 ta monografiya muallifi. “Oʻzbekiston tarixi”, “Falsafa”, “Oʻzbekistonning korrupsiyaga qarshi kurash strategiyasi”, “Biznes huquqi”, “Global siyosat, migratsiya va notekis rivojlanish”, “Xalqaro siyosat va global xavfsizlik” kabi darslik va oʻquv qoʻllanmalaridan talabalar keng foydalanmoqda.Tadqiqot sohalari: XIX asrda Turkistonda taʼlim tizimi, Mustaqillik davrida yoshlar ijtimoiy faolligini oshirish va fuqarolik jamiyati institutlari faoliyati.
Kafedra mudiri
Artikova Yulduz Akmalovna
Artikova Yulduz Akmalovna. Filologiya fanlari doktori (DSc) dosent. Yigirma yil davomida O‘zbekiston Milliy Teleradiokompaniyasi telekanallarida katta muharrir sifatida faoliyat yuritgan. Tayyorlagan mualliflik ko‘rsatuvlari "MTRK sovrini", "Yilning faol jurnalisti" tanlovlarida sovrindor bo‘lgan. Yuzdan oshiq ilmiy va publisistik maqolalari nufuzli nashrlarda chop etilgan. Ikkita monografiya, to‘rtta o‘quv qo‘llanmalarining muallifi. "Interaktiv jurnalistika", "Sport jurnalistikasi", "Jurnalistikada kreativ fikrlash", "Rejissura, tasvirga olish va montaj amaliyoti" qo‘llanmalari sohadagi zamonaviy mavzularning tahlili bilan mutaxassislar e'tirofiga sazovor bo‘lgan
DSc , dotsent
Asqarova Jamila Baxodirovna
Asqarova Jamila Baxodirovna Filologiya fanlari doktori (DSc). "Respublika yosh olimlarining innovatsion loyihalari" grant tanlovi g‘olibi. 2 ta monografiya, 1 ta risola muallifi. Respublika va xorij ilmiy jurnallarida 50 dan ortiq maqolasi nashr qilingan. “O‘zbek xalq ijodi yodgorliklari” 100 jildligini nashrga tayyorlash va uni tekstologik o‘rganish masalalari” nomli fundamental loyiha ishtirokchisi.
DSc , dotsent
Namazova Guljahon Berdiqulovna
Namazova Guljahon Berdiqulovna,filologiya fanlari bo'yicha falsafa doktori (Phd). Nordic xalqaro universiteti o'qituvchisi, Respubblika Ma'naviyat va ma'rifat markazi muassisligidagi "Ma'naviy hayot" jurnali yetakchi muharriri. O'zbekiston davlat jahon tillari universiteti "Xalqaro jurnalistika" fakultetini tugatgan. O'zbekiston Fanlar akademiyasi "O'zbek tili, adabiyoti va folklori institutida ilmiy ish olib borgan. Belarus fanlar milliy akademiyasining Yanka Kupala nomidagi adabiyotshunoslik institutida malaka oshirgan. Xitoy xalq respublikasida o'tkazilgan Service Trade Cooperation for ASEAN, BRICS, Lancang-Mekong and CICA Countries seminari ishtirokchisi. Yigirmaga yaqin ilmiy maqola va tezislar muallifi.
PhD
Yuldashev Begzodjon Baxtiyorjon o'g'li
Yuldashev Begzodjon Baxtiyorjon o’g’li 2023-yilda Qo’qon davlat pedagogika institutini bakalavr darajasi bilan tamomlab, hozirda Xalqaro Nordik Universitetining Ta’lim Muassasalari Boshqaruvi yo’nalishi bo’yicha 2-bosqich magistratura talabasi sifatida o’qimoqda. Ilmiy qiziqishlari ta’lim muassasalarini boshqarish, milliy g’oya va ma’naviyat asoslari ta’limiga qaratilgan. Rus va ingliz tillarini biladi. Kompyuter savodxonligi bo’yicha keng qamrovli bilimlarga ega. Shu bilan birga, 3 ta ilmiy maqola va tezislarni chop ettirgan. Maqsadi – ta’lim tizimining samaradorligini oshirish va zamonaviy boshqaruv usullarini tadbiq etish.
Ish yurituvchi