Yangiliklar
Xalqaro Nordik universiteti rektorining talabalar va ota-onalarga MUROJAATI
December 02 , 2025
157
Hurmatli talaba-yoshlar, aziz ota-onalar!
Bugungi kunda jamiyatimizni xavf ostiga qo‘yayotgan eng og‘ir muammolardan biri — giyohvandlik va narkotik vositalar tarqalishi yoshlarimizning salomatligi va kelajagi uchun jiddiy tahdid solayotgan jinoyatchilik holatlaridir. Ogohlik har qachongidan ham dolzarb ahamiyat kasb etayotgan davrda barchamizning eng asosiy vazifamiz — talabalarning nafaqat ilmiy, balki ma’naviy, ijtimoiy va jismoniy jihatdan sog‘lom, barkamol shaxs sifatida kamolga yetishishini ta’minlashdir.
Giyohvandlik faqatgina shaxsiy hayotga zarar yetkazmaydi, balki oilani parchalash, do‘stlar va jamiyat bilan aloqalarni buzish, hatto kelajakdagi imkoniyatlarni yo‘qotish bilan ham kelajakka tahdid soladi. Har bir yosh hayotning qadrini anglab, o‘z salomatligi va aqliy rivojlanishi uchun mas’uliyatni his qilishi shart. Narkojinoyatchilik esa nafaqat qonunga zid ish, balki inson qadr-qimmatiga putur yetkazuvchi og‘ir jinoyatdir.
Shu bois, Xalqaro Nordik universiteti rahbariyati va jamoasi barcha talabalarni:
Giyohvandlik va noqonuniy moddalarning barcha xavf-xatarlarini chuqur anglash
Do‘stlar va oila bilan mustahkam ijtimoiy aloqalarni rivojlantirish
Sog‘lom turmush tarziga amal qilib, sport bilan muntazam shug‘ullanish
Muammolarni hal qilishda yordam so‘rashdan tortinmaslikka chaqiradi!
Aziz ota-onalar!
Farzandlaringiz hayotida doimo ustuvor qo‘llab-quvvatlovchi va ogohlantiruvchi bo‘lishingiz maqsadga muvofiqdir. Ularni nafaqat ilmga chorlash, balki hayotiy tajribalarni bo‘lishish va to‘g‘ri yo‘lni ko‘rsatishga ko‘proq vaqt ajratish orqali giyohvandlik va jinoyatchilikning og‘ir oqibatlaridan himoya qilish zarur.
Birgalikda yoshlarimizning kelajagini asrab-avaylab, jamiyatimizda xavfsiz va sog‘lom muhit barqarorligiga hissa qo‘sha olamiz. E’tiborsiz qoldirilgan lahzalarda farzandlarning butun bir hayoti barbod bo‘lishi mumkin...
Shuning uchun ogohlik va mas’uliyatga birinchi qadriyat sifatida qaraylik!
Kelajakka ishongan, hayotini qadrlagan har bir talaba, ota-ona, ustoz, shuningdek barcha kuzatuvchilarimizni Xalqaro Nordik universiteti nomidan ogohlikka chorlaymiz: hayotingizni, sog‘ligingizni va kelajagingizni himoya qiling. Narkotik va giyohvandlik yo‘lidan uzoq turing!
Barchangizga tinchlik, sog‘lik va barkamol hayot tilayman!
Sherzod Mustafakulov,
Xalqaro Nordik universiteti rektori
So'nggi yangiliklar
Nordikning yangi adabiyotlari nashrga tasdiqlandi
📘 "Jahon tarixi: Eng qadimgi davr va ilk davlatlar" — mualliflar: Muxriddin Pardayev, Najmiddin Qodirov.
Bu o‘quv qo‘llanma talabalar va tarix ixlosmandlari uchun yangi ilmiy poydevordir.
📗 "Iqtisodiy rivojlanish" darsligi — mualliflar Raʼno Mardonova, Javlonbek O‘razaliyev, Mashhurbek Maqsudov, Madina Shakirova.
Darslik global iqtisodiyot, barqaror o‘sish, zamonaviy islohotlardan xabardorlik darajasini oshiradi, tahliliy fikrlashni oshiruvchi zamonaviy qo‘llanmadir.
💻 "Digital Technologies" o‘quv qo‘llanmasi — muallif Muzaffarjon Abdulaxatov.
Bu adabiyot raqamli dunyo, sun’iy intellekt, zamonaviy IT yechimlar — kelajak kasblariga tayyorlaydigan amaliy va innovatsion qo‘llanmadir.
📖 Nordik nashrlari bilan ilm doirangizni kengaytirib boring!
Komil inson sari: bo‘lajak pedagoglar uchun motivatsion uchrashuv
“Komil inson, mahoratli mutaxassis va shaxs” mavzusida o‘tgan mazkur dars ilmiy-motivatsion maydonga aylandi.
Trenerlar — Nordik universiteti ilmiy ishlar va innovatsiyalar bo‘yicha prorektori, professor Odil Qo‘ysinov hamda Pedagogik ta’lim va psixologiya kafedrasi professori Sherali Abduraimov ishtirokchilarga zamonaviy ta’lim falsafasi mazmun-mohiyatini tahliliy yondashuvlar bilan ochib berdilar.
Ochiq muloqot formatida o‘tgan dars davomida ta’lim islohotlarining amaliy natijalari, Finlandiya tajribasi va xalqaro standartlarga asoslangan yondashuvlar, real keyslar asosidagi yechimlar muhokama qilindi.
Shuningdek, Xalqaro Nordik universitetining zamonaviy ta’lim xizmatlari, kadrlar tayyorlash va malaka oshirishdagi innovatsion yondashuvlari, qo‘shma dasturlar hamda stajirovka imkoniyatlari haqida batafsil ma’lumotlar taqdim etildi.
Mahorat darsida Boshlang‘ich ta’lim yo‘nalishi talabalari hamda amaliyotchi mutaxassislar faol ishtirok etib, nazariya va amaliyotni uyg‘unlashtirish bo‘yicha muhim tavsiyalar oldilar.
Nordikdan yana bir xalqaro natija — Scopus Q1: ustozlarimiz maqolalari yuqori ilmiy segmentlarda
Bu maqola xalqaro ekspertlar taqrizidan muvaffaqiyatli o‘tgan, ilmiy yangilik va metodologik mustahkamligi isbotlangan tadqiqot demakdir.
🔬 1-MAQOLA 🧬 Sog‘liqni 24/7 nazorat qilish imkoniyatini beruvchi biointegratsiyalashgan tizimlar haqida.
“Materiallar, qurilma arxitekturasi va klinik qo‘llanmalar asosida uzluksiz tibbiy monitoring uchun biointegratsiyalashgan tizimlar” mavzusida.
Ushbu tadqiqotda inson salomatligini real vaqt rejimida monitoring qilish imkonini beruvchi biointegratsiyalashgan wearable (taqiladigan) tizimlar ilmiy tahlil qilingan. Yurak urishi, qon bosimi, glyukoza darajasi, kislorod to‘yinganligi — bularni uzluksiz kuzatish endi bugunning texnologik haqiqatidir.
Maqolada ilg‘or biomateriallar, qurilma arxitekturasi va klinik qo‘llanmalar ilmiy asosda yoritilgan.
🔗 To‘liq maqola: https://nesciences.com/article/72994/
🔬 2-MAQOLA kasallikni erta aniqlash — hayotni saqlab qolish imkoniyatiga bag‘ishlangan.
“Yuqori sezgir aniqlash va bemor yonida qaror qabul qilishni ta’minlovchi translatsion tibbiyot uchun mikro-nano muhandislik asosidagi biosensor platformalar” mavzusida.
Mazkur maqolada mikro va nano muhandislik asosidagi biosensor platformalar tahlil qilingan.
Point-of-Care texnologiyasi — laboratoriyadan tashqarida, bemor yonida tezkor diagnostika.
Yuqori sezgirlik va aniqlik zamonaviy tibbiyotning eng dolzarb talabidir.
Bu tadqiqot nafaqat ilmiy yangilik, balki klinik amaliyotga tatbiq etilishi mumkin bo‘lgan innovatsion yechimdir.
🔗 To‘liq maqola bilan tanishish: https://nesciences.com/article/72983/
O‘zbekiston 24 | Carnegie R1 darajasidagi hamkorlik: Toshkentdan Vashingtongacha ilmiy ko‘prik qurildi!
Uning ta’kidlashicha, O‘zbekistondagi Xalqaro Nordik universiteti bilan yo‘lga qo‘yilgan hamkorlik — amaliy natijaga yo‘naltirilgan ilmiy qadam.
✓ Nordic — Rowan (https://www.rowan.edu/) hamkorligida ochilgan xalqaro markazda talabalar:
➖ ikki tomonlama diplom dasturlari orqali ikki universitet diplomini qo‘lga kiritish;
➖ Toshkentdagi markazda tahsil olib, AQShdagi ta’lim muhitiga yo‘l olish;
➖ ilmiy izlanishlar, professor-o‘qituvchilar, tadqiqotchilar va talabalar almashinuvi orqali global tajribaga ega bo‘lish imkoniyatiga erishadilar.
“Mamlakatlar va xalqlarni hamkorlikka chorlaydigan har qanday tashabbus ijodiy natija beradi”, — deydi doktor Lowman.
Bu tashrif — nafaqat diplomatik muloqot, balki ilmiy integratsiya, innovatsion tafakkur va yoshlar uchun global imkoniyatlar maydonidir."
Kuz mavsumida dasturga qiziqish yanada oshishi kutilmoqda. Bu esa O‘zbekiston–AQSh ilmiy hamkorligining yangi bosqichga chiqayotganidan dalolat.