Yangiliklar
Respublikamizda pedagog kadrlar tayyorlash tizimi yanada rivojlantiriladi
February 07 , 2025
224
Nordik universitetida Oʻzbekiston-Finlandiya pedagogika instituti (OʻzFIPI) rektori va tuzilmalari rahbarlari bilan uchrashuv bo‘lib o‘tdi.
Respublika oliy taʼlim Kengashi huzurida kichik loyiha guruhlari faoliyat yurityapti. Xalqaro Nordik universiteti rektori Sherzod Mustafakulov pedagog kadrlarni tayyorlashni muvofiqlashtirish ishlariga boshchilik qilmoqda.
Nordik huzurida pedagogika sohasida kadrlar tayyorlayotgan oliy taʼlim tashkilotlari rektorlari va mutaxassislari bilan doimiy aloqa o‘rnatish, sohada mavjud muammolar bazasini shakllantirish bo‘yicha platforma tashkil etilmoqda.
Bugun kichik loyiha ishchi guruhi aʼzosi - O‘zFIPI rektori Shahzoda Negmatova boshchiligidagi delegatsiya tashrif buyurdi.
Uchrashuvda oliy taʼlim tizimida natijadorlikka erishish, yangi tashabbuslarni ishlab chiqish, zamonaviy fikrlaydigan amaliy ko‘nikmalarga ega mutaxassislar tayyorlash tizimini takomillashtirish bo‘yicha muhim takliflar ilgari surildi.
O‘zbekiston Respublikasi Prezidenti tomonidan 18-20-noyabr kunlari Oliy Majlis palatalari majlislarida belgilangan strategik vazifalar o‘rganib chiqilib, amalga oshirilayotgan chora-tadbirlar xususida fikr almashildi.
Oliy taʼlimda sifat ko‘rsatkichlariga erishish, o‘quv-meʼyoriy hujjatlar ishlab chiqish va qabul parametrlarini shakllantirishda ish beruvchilar va mehnat bozori ehtiyojlarini to‘liq inobatga olish ustuvor vazifalar ekanligi taʼkidlandi.
Pedagog kadrlar tayyorlashda oliygoh bitiruvchilari va mehnat bozori talabi o‘rtasida vujudga kelayotgan nomutanosibliklarni bartaraf etish, dual taʼlim, ilmiy-innovatsion faoliyatni zamon talablariga muvofiq tashkillash masalalarida ham so‘z bordi. Nordik universiteti ko‘magida pedagog kadrlarning malakasini oshirish, taʼlim safarlari tashkillab, xorijiy tajribalarni o‘rganishga kelishildi.
Uchrashuvda pedagog kadrlar tayyorlashda oliygohlarda o‘zaro uyg‘un siyosat olib borish, kichik guruh barcha aʼzolarini jalb etgan holda pedagog kadrlar tayyorlash tizimini takomillashtirish bo‘yicha konsepsiya takliflarini yanada boyitish xususida so‘z bordi.
Kichik guruh faoliyati doirasida pedagog kadrlar salohiyati va kasbiy mahoratini oshirish orqali kelgusida maktablar taʼlimini yangi sifat bosqichiga olib chiqish chora-tadbirlariga eʼtibor qaratilmoqda.
Zero, yoshlar ong-u tafakkurida milliy g‘urur va umumbashariy qadriyatlarga hurmat hissini kamol toptirish, ularni zamonaviy bilim va dunyoqarash, daromadli kasb egalari, ilm-fan, IT texnologiyalar bilimdoni etib tarbiyalash har jihatdan pedagoglar mahorati va kasbiy ko‘nikmalarga egaligiga bog‘liqdir.
So'nggi yangiliklar
Koreya bilan hamkorlik: Dongseo University bilan yangi kelishuv
Busan shahrida joylashgan, mintaqada va mamlakat miqyosida yetakchi innovatsion universitet vakillari bilan qiziqarli muloqot bo‘lib o‘tdi. Unda integratsiyalashgan qo‘shma taʼlim dasturlari ochish, talabalar va professor-o‘qituvchilar almashish, amaliy o‘rganish imkoniyatini oshiruvchi virtual taʼlim strategiyalari bo‘yicha tajriba almashish xususida so‘z bordi.
Tashrif davomida har ikki tomon uchun manfaatli yo‘nalishlarda dastlabki kelishuvlarga erishildi.
Nordik dunyo investorlari bilan!
30 dan ortiq yetakchi hamkor davlatlardan 200 dan ziyod kompaniya rahbarlari, Toshkentdagi diplomatik korpus vakillari, mutaxassislar va olimlar ishtirok etayotgan forumda investitsion, turizm salohiyati va yuqori inson kapitali ustunliklari namoyish etilmoqda.
Shuningdek, tadbir doirasida "yashil transformatsiya", agrosanoat rivojlanishi, investitsiyaviy loyihalarni o‘zlashtirish darajasi xususida so‘z bordi.
Xalqaro Nordik universiteti rasmiy delegati N.Islamov B2B formatdagi muzokaralar davomida O‘mon Sultonligi biznes vakillari, xususan "Oman Trading Establishment Group" (2021-yil Forbes ro‘yxatiga kirgan) kompaniya rahbari S.Mohamed va "GreenOasis AG" direktori S.Muhammad bilan istiqbolli loyihalar bo‘yicha uchrashuv o‘tkazdi.
😎Endilikda hamkorlarimiz qatorida Forbes ro‘yxatidagi investorlar ham bor!
Zulfiya Xamidova dotsent ilmiy unvoniga ega bo‘ldi!
U "Iqtisodiyot nazariyasi" ixtisosligi bo‘yicha O‘zbekiston Respublikasi Oliy attestatsiya komissiyasi tomonidan tasdiqlangan dotsentlik diplomiga sazovor bo‘ldi.
Zulfiya Xamidovani ushbu yutuq bilan muborakbod etamiz va kelgisi ilmiy faoliyatida ham muvaffaqiyat tilaymiz!
Xorijdagi vatanparvar farzandlarimiz uchun hayotiy ahamiyatga ega loyiha
"Xalq so‘zi" gazetasida O‘zbekiston Oliy taʼlim, fan va innovatsiyalar vazirligi, Xalqaro Nordik universiteti, Shvetsiyadagi elchixonamiz va uning huzuridagi Milliy madaniyat markazi hamkorligida Yevropa davlatlari, xususan Nordik mamlakatlaridagi vatandoshlarimizning farzandlari uchun katta hayotiy ahamiyatga ega loyiha haqida maqola nashr etildi.
Bu loyiha ona tilini asrash va avlodlar orasida milliy qadriyatlar uzviyligini taʼminlashga qaratilganligi bilan ahamiyatli. Shunchaki ona tili darsi emas, balki chet ellarda ham milliy o‘zlikni unutmaslik, O‘zbekiston va uning qadriyatlarini qalblarda bardavom saqlash harakatidir.
Gazetaning bugungi sonida XNU rektori Sherzod Mustafakulovning maqolasini o‘qing.