Yangiliklar
Musiqa taʼlimi: ilg‘or tajriba va rivojlanish yo‘nalishlari tadqiq etilmoqda
March 17 , 2025
102
O‘zbekistonda masofaviy musiqa taʼlimini joriy etish va samaradorligini oshirish bo‘yicha ilmiy tadqiqotlar o‘tkazildi.
Musiqa taʼlimi kafedrasi mudiri, pedagogika fanlari doktori Qurbonniyoz Panjiveyning "O‘zbekistonda xalqaro tajribalarga asoslangan masofaviy musiqa taʼlimi modellarini joriy etish" mavzusidagi ilmiy maqolasi Innovatsion Akademiya rasmiy platformasida eʼlon qilindi.
Tadqiqotda masofaviy taʼlim orqali musiqiy bilim va ko‘nikmalarni egallashning afzalliklari, istiqbollari va ilg‘or tajribalar tahlil etilib, ularni qo‘llash bo‘yicha tavsiyalar ishlab chiqilgan.
Shuningdek, Qurbonniyoz Panjiyev "Zamonaviy dunyoda Innovatsion tadqiqotlar: nazariya va amaliyot" nomli ilmiy konferensida "Musiqa taʼlimini xalqaro akkreditatsiya va sertifikatsiyadan o‘tkazish strategiyalari" mavzusidagi ilmiy maqolasi bilan ishtirok etdi.
Ushbu maqolada musiqa taʼlimida sifat standartlarini joriy etish masalalari chuqur o‘rganildi
So'nggi yangiliklar
Koreya bilan hamkorlik: Dongseo University bilan yangi kelishuv
Busan shahrida joylashgan, mintaqada va mamlakat miqyosida yetakchi innovatsion universitet vakillari bilan qiziqarli muloqot bo‘lib o‘tdi. Unda integratsiyalashgan qo‘shma taʼlim dasturlari ochish, talabalar va professor-o‘qituvchilar almashish, amaliy o‘rganish imkoniyatini oshiruvchi virtual taʼlim strategiyalari bo‘yicha tajriba almashish xususida so‘z bordi.
Tashrif davomida har ikki tomon uchun manfaatli yo‘nalishlarda dastlabki kelishuvlarga erishildi.
Nordik dunyo investorlari bilan!
30 dan ortiq yetakchi hamkor davlatlardan 200 dan ziyod kompaniya rahbarlari, Toshkentdagi diplomatik korpus vakillari, mutaxassislar va olimlar ishtirok etayotgan forumda investitsion, turizm salohiyati va yuqori inson kapitali ustunliklari namoyish etilmoqda.
Shuningdek, tadbir doirasida "yashil transformatsiya", agrosanoat rivojlanishi, investitsiyaviy loyihalarni o‘zlashtirish darajasi xususida so‘z bordi.
Xalqaro Nordik universiteti rasmiy delegati N.Islamov B2B formatdagi muzokaralar davomida O‘mon Sultonligi biznes vakillari, xususan "Oman Trading Establishment Group" (2021-yil Forbes ro‘yxatiga kirgan) kompaniya rahbari S.Mohamed va "GreenOasis AG" direktori S.Muhammad bilan istiqbolli loyihalar bo‘yicha uchrashuv o‘tkazdi.
😎Endilikda hamkorlarimiz qatorida Forbes ro‘yxatidagi investorlar ham bor!
Zulfiya Xamidova dotsent ilmiy unvoniga ega bo‘ldi!
U "Iqtisodiyot nazariyasi" ixtisosligi bo‘yicha O‘zbekiston Respublikasi Oliy attestatsiya komissiyasi tomonidan tasdiqlangan dotsentlik diplomiga sazovor bo‘ldi.
Zulfiya Xamidovani ushbu yutuq bilan muborakbod etamiz va kelgisi ilmiy faoliyatida ham muvaffaqiyat tilaymiz!
Xorijdagi vatanparvar farzandlarimiz uchun hayotiy ahamiyatga ega loyiha
"Xalq so‘zi" gazetasida O‘zbekiston Oliy taʼlim, fan va innovatsiyalar vazirligi, Xalqaro Nordik universiteti, Shvetsiyadagi elchixonamiz va uning huzuridagi Milliy madaniyat markazi hamkorligida Yevropa davlatlari, xususan Nordik mamlakatlaridagi vatandoshlarimizning farzandlari uchun katta hayotiy ahamiyatga ega loyiha haqida maqola nashr etildi.
Bu loyiha ona tilini asrash va avlodlar orasida milliy qadriyatlar uzviyligini taʼminlashga qaratilganligi bilan ahamiyatli. Shunchaki ona tili darsi emas, balki chet ellarda ham milliy o‘zlikni unutmaslik, O‘zbekiston va uning qadriyatlarini qalblarda bardavom saqlash harakatidir.
Gazetaning bugungi sonida XNU rektori Sherzod Mustafakulovning maqolasini o‘qing.