Yangiliklar
XNU Kengashining 12-son yig‘ilishi: 2025-yil sarhisobi va 2026-yil istiqbollari
December 27 , 2025
287
Kengash yig‘ilishida universitet ilmiy salohiyati, ta’lim jarayoni sifati va kelgusida rivojlanish istiqbollarini belgilovchi muhim masalalar muhokama qilindi.
Dastlab “Universitetda 2025-yil davomida olib borilgan ilmiy tadqiqot ishlari sarhisobi hamda 2026-yil rejasini tasdiqlash” masalasi yuzasidan mas’ullarning hisobotlari tinglandi. Ilmiy faoliyat samaradorligi, nashrlar va tadqiqotlar sifati, muhim ilmiy yo‘nalishlar natijalari tahlil qilindi. 2026-yil uchun maqsadlar va natijadorlik ko‘rsatkichlari belgilab olindi.
Kengashda ta’lim jarayonini tartibga soluvchi qator muhim hujjatlar — tartib-qoidalar, "Yo‘l xarita" va yo‘riqnomalar qayta ko‘rib chiqilib, tasdiqlandi.
Jumladan, sun’iy intellektdan foydalanish bo‘yicha qabul qilingan yo‘riqnomada ta’lim va ilmiy tadqiqotlarda zamonaviy texnologiyalardan mas’uliyatli, shaffof va samarali foydalanish tartib-qoidalari belgilandi.
Yig‘ilishda turli masalalar doirasida professor ilmiy unvonini olish uchun hujjatlar taqdim etish, talabalar va xodimlar o‘rtasida o‘tkazilgan anketa-so‘rovnoma natijalari: muammolar banki, takliflar va xulosalar, professor-o‘qituvchilar tomonidan yaratilgan o‘quv adabiyotlarini nashrga tavsiya etish kabi qator masalalar ko‘rib chiqildi.
Kengash yig‘ilishida universitetda ilmiy boshqaruv, akademik sifat va innovatsion yondashuvlar uyg‘unligini mustahkamlashga xizmat qiladigan muhim qarorlar qabul qilindi. 2026-yilda ilmiy-tadqiqotlar samaradorligini oshirish va ta’lim sifatini yangi bosqichga olib chiqishga yo‘naltirilgan vazifalar belgilandi.
Yig‘ilishda yil davomida ilmiy yutuqlar, eʼtiroflarga sazovor bo‘lgan ustozlarga samimiy ehtirom ko‘rsatilib, muvaffaqiyatlari bilan qutlandi.
So'nggi yangiliklar
Nordikning yangi adabiyotlari nashrga tasdiqlandi
📘 "Jahon tarixi: Eng qadimgi davr va ilk davlatlar" — mualliflar: Muxriddin Pardayev, Najmiddin Qodirov.
Bu o‘quv qo‘llanma talabalar va tarix ixlosmandlari uchun yangi ilmiy poydevordir.
📗 "Iqtisodiy rivojlanish" darsligi — mualliflar Raʼno Mardonova, Javlonbek O‘razaliyev, Mashhurbek Maqsudov, Madina Shakirova.
Darslik global iqtisodiyot, barqaror o‘sish, zamonaviy islohotlardan xabardorlik darajasini oshiradi, tahliliy fikrlashni oshiruvchi zamonaviy qo‘llanmadir.
💻 "Digital Technologies" o‘quv qo‘llanmasi — muallif Muzaffarjon Abdulaxatov.
Bu adabiyot raqamli dunyo, sun’iy intellekt, zamonaviy IT yechimlar — kelajak kasblariga tayyorlaydigan amaliy va innovatsion qo‘llanmadir.
📖 Nordik nashrlari bilan ilm doirangizni kengaytirib boring!
Komil inson sari: bo‘lajak pedagoglar uchun motivatsion uchrashuv
“Komil inson, mahoratli mutaxassis va shaxs” mavzusida o‘tgan mazkur dars ilmiy-motivatsion maydonga aylandi.
Trenerlar — Nordik universiteti ilmiy ishlar va innovatsiyalar bo‘yicha prorektori, professor Odil Qo‘ysinov hamda Pedagogik ta’lim va psixologiya kafedrasi professori Sherali Abduraimov ishtirokchilarga zamonaviy ta’lim falsafasi mazmun-mohiyatini tahliliy yondashuvlar bilan ochib berdilar.
Ochiq muloqot formatida o‘tgan dars davomida ta’lim islohotlarining amaliy natijalari, Finlandiya tajribasi va xalqaro standartlarga asoslangan yondashuvlar, real keyslar asosidagi yechimlar muhokama qilindi.
Shuningdek, Xalqaro Nordik universitetining zamonaviy ta’lim xizmatlari, kadrlar tayyorlash va malaka oshirishdagi innovatsion yondashuvlari, qo‘shma dasturlar hamda stajirovka imkoniyatlari haqida batafsil ma’lumotlar taqdim etildi.
Mahorat darsida Boshlang‘ich ta’lim yo‘nalishi talabalari hamda amaliyotchi mutaxassislar faol ishtirok etib, nazariya va amaliyotni uyg‘unlashtirish bo‘yicha muhim tavsiyalar oldilar.
Nordikdan yana bir xalqaro natija — Scopus Q1: ustozlarimiz maqolalari yuqori ilmiy segmentlarda
Bu maqola xalqaro ekspertlar taqrizidan muvaffaqiyatli o‘tgan, ilmiy yangilik va metodologik mustahkamligi isbotlangan tadqiqot demakdir.
🔬 1-MAQOLA 🧬 Sog‘liqni 24/7 nazorat qilish imkoniyatini beruvchi biointegratsiyalashgan tizimlar haqida.
“Materiallar, qurilma arxitekturasi va klinik qo‘llanmalar asosida uzluksiz tibbiy monitoring uchun biointegratsiyalashgan tizimlar” mavzusida.
Ushbu tadqiqotda inson salomatligini real vaqt rejimida monitoring qilish imkonini beruvchi biointegratsiyalashgan wearable (taqiladigan) tizimlar ilmiy tahlil qilingan. Yurak urishi, qon bosimi, glyukoza darajasi, kislorod to‘yinganligi — bularni uzluksiz kuzatish endi bugunning texnologik haqiqatidir.
Maqolada ilg‘or biomateriallar, qurilma arxitekturasi va klinik qo‘llanmalar ilmiy asosda yoritilgan.
🔗 To‘liq maqola: https://nesciences.com/article/72994/
🔬 2-MAQOLA kasallikni erta aniqlash — hayotni saqlab qolish imkoniyatiga bag‘ishlangan.
“Yuqori sezgir aniqlash va bemor yonida qaror qabul qilishni ta’minlovchi translatsion tibbiyot uchun mikro-nano muhandislik asosidagi biosensor platformalar” mavzusida.
Mazkur maqolada mikro va nano muhandislik asosidagi biosensor platformalar tahlil qilingan.
Point-of-Care texnologiyasi — laboratoriyadan tashqarida, bemor yonida tezkor diagnostika.
Yuqori sezgirlik va aniqlik zamonaviy tibbiyotning eng dolzarb talabidir.
Bu tadqiqot nafaqat ilmiy yangilik, balki klinik amaliyotga tatbiq etilishi mumkin bo‘lgan innovatsion yechimdir.
🔗 To‘liq maqola bilan tanishish: https://nesciences.com/article/72983/
O‘zbekiston 24 | Carnegie R1 darajasidagi hamkorlik: Toshkentdan Vashingtongacha ilmiy ko‘prik qurildi!
Uning ta’kidlashicha, O‘zbekistondagi Xalqaro Nordik universiteti bilan yo‘lga qo‘yilgan hamkorlik — amaliy natijaga yo‘naltirilgan ilmiy qadam.
✓ Nordic — Rowan (https://www.rowan.edu/) hamkorligida ochilgan xalqaro markazda talabalar:
➖ ikki tomonlama diplom dasturlari orqali ikki universitet diplomini qo‘lga kiritish;
➖ Toshkentdagi markazda tahsil olib, AQShdagi ta’lim muhitiga yo‘l olish;
➖ ilmiy izlanishlar, professor-o‘qituvchilar, tadqiqotchilar va talabalar almashinuvi orqali global tajribaga ega bo‘lish imkoniyatiga erishadilar.
“Mamlakatlar va xalqlarni hamkorlikka chorlaydigan har qanday tashabbus ijodiy natija beradi”, — deydi doktor Lowman.
Bu tashrif — nafaqat diplomatik muloqot, balki ilmiy integratsiya, innovatsion tafakkur va yoshlar uchun global imkoniyatlar maydonidir."
Kuz mavsumida dasturga qiziqish yanada oshishi kutilmoqda. Bu esa O‘zbekiston–AQSh ilmiy hamkorligining yangi bosqichga chiqayotganidan dalolat.