Universitet kengashining 4-son yig‘ilishi bo‘lib o‘tdi
March 24 , 2025
188
Xalqaro Nordik universitetining navbatdagi 4-son kengash yig‘ilishi bo‘lib o‘tdi. Unda bir qator muhim masalalar ko‘rib chiqildi.
AQShning Rovan universiteti bilan hamkorlik aloqalarini yanada rivojlantirish va XNU huzurida Rovan universiteti Toshkentdagi markazining rasmiy ochilish marosimiga tayyorgarlik bo‘yicha vazifalar belgilandi. Kengash qaroriga ko‘ra, Rovan universiteti Prezidenti Ali Xushmandga universitetning Faxriy professori ilmiy unvoni berish masalasi muhokama qilindi.
Kengashda 2024-2025-o‘quv yili davomida kafedralar faoliyatini kompleks o‘rganish masalasi ko‘rilib, muntazam monitoringdan o‘tkazish rejalashtirildi.
Shuningdek, kafedra professor-o‘qituvchilarini malaka oshirishga safarbar etish bo‘yicha chora-tadbirlar belgilab olindi.
Universitet professor-o‘qituvchilari tomonidan yaratilgan adabiyotlar kengash tomonidan ko‘rib chiqildi va ularning ta’lim jarayonidagi ahamiyati yuqori baholandi.
Kengash kun tartibidagi masala - “Ma’rifat soati” darslarini yuqori saviyada tashkil etish va mazmunini boyitish, islohotlar, dunyodagi siyosiy vaziyat bo'yicha "Zakovat", debat va brain bo‘yicha qator takliflar bildirildi. Mamlakatimizda amalga oshirilayotgan ijtimoiy-iqtisodiy islohotlarning mazmun-mohiyatini talaba-yoshlarga yetkazish va jarayonlarda ularning ishtirokini taʼminlash maqsadida "Maʼrifat darslari"ga puxta hozirlik ko‘rish chora-tadbirlari belgilandi.
Kengash yig‘ilishida XNU rektori Sherzod Mustafakulov prorektor Muhammadsiddiq Amonboyeyga professorlik, Pedagogika kafedrasi mudiri Dilafruz Miraliyeva, Iqtisodiyot va biznesni boshqarish kafedrasi mudiri Xasan Sabirov va Xorijiy til va adabiyoti kafedrasi mudiri Dilshod Nasriddinovga dotsentlik diplomlarini taqdim etdi. Kengash aʼzolari diplom egalarini yangi ilmiy yutuqlari bilan samimiy tabrikladilar.
Kengashda ko‘rilgan barcha masalalar yuzasidan tegishli qarorlar qabul qilindi.
So'nggi yangiliklar
Nordikda dasturchilar bahsi!
🏆 G‘oliblarimiz bilan tanishing:
🥇 1-o‘rin:
Lochinbek Abdullayev – 1-KI-24-guruhi talabasi
Imomjon Nazarov – 1-KI-24-guruhi talabasi.
🥈 2-o‘rin:
Dilmurod Almurotov – 1-KI-23-guruhi talabasi.
🥉 3-o‘rin:
Shahzod Mirzarahmatov – 1MDS-24-guruhi (magistratura) talabasi.
IQ, ijod va innovatsiya sinovlarida yuqori natijalar ko‘rsatgan talabalar taqdirlandilar.
Shvetsiya delegatsiyasi Nordik universitetida: ta’lim va sanoat integratsiyasi yo‘lida muhim uchrashuv
Shvetsiya Tashqi ishlar vazirligi Savdo siyosati departamenti bosh direktori Kamilla Mellander boshchiligidagi delegatsiya O‘zbekistonga tashrifi doirasida Nordik universitetida bo‘ldi. O‘zbekiston Respublikasi Investitsiyalar, sanoat va savdo vazirligi hamda Tog‘-kon sanoati va geologiya vazirligi mutasaddilari hamrohligidagi delegatsiya va Nordik universiteti rahbariyati o‘rtasida samimiy muloqot o‘tkazildi.
Delegatsiya tarkibida "EOL Vent Mining", "Sandvik", "Epiros", "Scania", "Skf", "Ericsson", "Atlas Copco" kabi Shvetsiyaning yirik, ilg‘or sanoat kompaniyalari rahbarlari va menejerlari ishtirok etdilar. Mazkur kompaniyalar konchilik, mashinasozlik, axborot texnologiyalari va energetika sohalarida innovatsion yechimlari bilan tanilgan.
Uchrashuvda ikki tomonlama aloqalarni mustahkamlash, innovatsion, taʼlim va sanoat hamkorligi asoslarini shakllantirishga ahamiyat qaratildi.
Tashrif doirasida mehmonlar universitet infratuzilmasi, ilmiy-tadqiqot faoliyati va xalqaro loyihalari bilan tanishtirildilar. Uchrashuvda ta’lim va sanoat integratsiyasi, talabalar amaliyoti, qo‘shma ilmiy loyihalar, hamkorlikda inkubatsiya markazlari yaratish, soha mutaxassislarini tayyorlash kabi dolzarb masalalarda fikr almashildi va kelishuvlar amalga oshirildi.
Nordik universitetining xalqaro aloqalarni rivojlantirish borasidagi strategiyasi Shvetsiya kabi ilg‘or davlatlar bilan hamkorlikda zamonaviy, raqobatbardosh va amaliy bilimlarga asoslangan ta’lim tizimini shakllantirishga xizmat qiladi.
Sharhlovchilik sanʼati: Qobilbek Karimbekov bilan ijodiy uchrashuv!
Uchrashuvda u siyosiy sharh tayyorlash bo‘yicha o‘z tajribalari, ko‘plab ommaviy axborot vositalaridagi faoliyati, yangi nashr - "Sharhlovchining mashaqqatli yo‘li" kitobi haqida so‘z yuritdi.
Sharhlovchilikda muvaffaqiyatga erishish uchun nima kerak? Bu borada ustoz-sharhlovchi talabalarga zarur tavsiyalar berdi:
🟢Tarixiy, siyosiy, geografik bilimlar;
🟢diplomatiya asoslarini o‘rganish;
🟢xalqaro materiallar tayyorlashda tashqi siyosatni chuqur bilish;
🟢xalqlarga xos urf-odatlarni bilish;
🟢savol berish madaniyati va tahliliy yondashuvga ega bo‘lish.
Uchrashuvda har bir jurnalist har doim izlanishda bo‘lishi va xalqaro maydonda sodir bo‘layotgan voqealarga befarq bo‘lmasligi kerakligi taʼkidlandi.
Graduated: endi ular magistr!
Shu kunda universitet ilk bor o‘zining qaldirg‘och magistr-bitiruvchilarini katta hayot sari tantanali kuzatdi.
Bitiruv oqshomida bitiruvchilar va ularning oila aʼzolari, yaqinlari hamda ustozlar faxr va quvonch bilan ishtirok etdilar.
Anjuman O‘zbekiston davlat Madhiyasi sadolari ostida boshlandi. Osmonga uchirilgan oq kabutarlar tinchlik, poklik va kelajakka bo‘lgan umid ramzi sifatida yig‘ilganlar qalbiga iliqlik olib kirdi.
Yurtimiz ravnaqiga hissa qo‘shishga tayyor, zamonaviy tafakkurga ega magistrlar oldida universitet rektori, professor Sherzod Mustafakulov ezgu tilaklar bilan chiqish qilib, ularga kelgusidagi ilmiy, kasbiy faoliyatlarida muvaffaqiyatlar tiladi.
Tantanali marosimga tashrif buyurgan nufuzli mehmonlar ilm-fan, taʼlim sohasining yetuk vakillari - bugungi bitiruvchilarning ertangi yetakchilar, tadqiqotchilar va jamiyat bunyodkori bo‘lishlariga chuqur ishonch bildirdilar.
Shundan so‘ng yuzlarida iftixor, ko‘zlarida quvonch aks etgan bitiruvchilarga magistrlik diplomlari tantanali topshirildi. Faol bitiruvchi-talabalar universitet jamoasi va ustozlarga dil so‘zlarini izhor etdilar.
Bitiruv kechasida taqdim etilgan videoroliklar orqali Nordik hayoti - o‘qish davomida kechgan yorqin onlar qayta yodga olindi. "Nordik taronasi" ansamblining mahoratli ustoz sanʼatkorlari ijrosidagi kuy-qo‘shiqlar davraga o‘zgacha ruh bag‘ishladi. Universitet Madhiyasi talabalar jo‘rligida ijro etilar ekan, har bir ishtirokchi bu jamoaning bir bo‘lagi ekanidan faxr hissini tuydi. Magistrlar va Nordik uchun bu tarixiy quvonchli lahzalar esdalik suratlariga muhrlandi.
"Bitiruvchi-2025" nafaqat magistrlar bayrami, balki Nordik universitetining kamol sari dadil odimlayotgan yo‘lida yangi sahifa bo‘ldi. Diplom topshirish marosimi ilm, mehnat va orzular uyg‘unlashgan bayram sifatida tantanali nishonlandi.