Yangiliklar
Universitet Kengashi: 2026-yil vazifalari, ilmiy yo‘nalishlar va sifat nazorati — eʼtiborda
January 30 , 2026
574
Xalqaro Nordik universiteti Kengashining 1-son yig‘ilishi bo‘lib o‘tdi.
Yig‘ilishda 2026-kalendar yili uchun Universitet Kengashining ish rejasi tasdiqlandi.
Shuningdek, Kengash a’zolari tarkibi tasdiqlanib, qarorlar qabul qilish jarayonida masʼuliyatlilik va ochiqlik tamoyillari mustahkamlandi.
Yig‘ilishda yakuniy davlat attestatsiyasini samarali tashkil etish, bitiruvchi kurs talabalarini yakuniy imtihonlarga tayyorlash, YADAK tarkibini tasdiqlash masalalari tahlil qilindi.
Yangi o‘quv semestriga tayyorgarlik jarayonlari, fan dasturlari va o‘quv materiallarini o‘z vaqtida tayyorlash, ularni HEMIS platformasiga joylashtirish masalalari muhokama qilindi. Bu jarayon ta’limning uzluksizligi, shaffofligi va raqamli nazoratini ta’minlashda muhim ahamiyatga egaligi taʼkidlandi.
Yig‘ilishda “Ilmiy seminar, dissertatsiya muhokamalari va Ilmiy kengash faoliyatini raqamli texnologiyalar asosida tashkil etish to‘g‘risida” va "Art of living" psixologik maslahat va yordam markazi to‘g‘risida"gi Nizomlar tasdiqlandi. Mazkur hujjatlar ilmiy jarayonlarni tezkor, ochiq va samarali tashkil etish, yosh tadqiqotchilar uchun qulay ilmiy muhit yaratishga xizmat qiladi.
Shuningdek, 2025-yil davomida kafedralar professor-o‘qituvchilari tomonidan bajarilgan ilmiy ishlar shaxsiy ish rejalari asosida monitoring qilindi va aniqlangan kamchiliklarni bartaraf etish borasida yechimlar berildi.
Kengashda universitet tadqiqotchilari olib borayotgan ilmiy tadqiqotlar, ularning amaliy va ilmiy natijalari, monitoring mexanizmlari bo‘yicha hamda kun tartibidagi dolzarb turli masalalar ham ko‘rildi.
Quvonchlisi, Kengash raisi Sherzod Mustafakulov tomonidan Nordik ustozi Aziz Boltayevga fizika-matematika fanlari doktori diplomi topshirildi va samimiy tabriklandi.
Kengashining 1-son yig‘ilishida universitetni 2026-yildagi ustuvor yo‘nalishlari — sifatli ta’lim, ilm-fan, raqamli boshqaruv va natijadorlik tamoyillari asosida shakllanishida muhim ahamiyatga ega qarorlar qabul qilindi.
So'nggi yangiliklar
Xalqaro eʼtirof yana biz bilan!
R.Gliyer nomidagi Respublika ixtisoslashtirilgan musiqa maktabida bo‘lib o‘tgan mazkur nufuzli tanlovda O‘zbekiston, Qozog‘iston va Tojikistondan 300 nafardan ortiq yosh ijodkorlar o‘zaro bellashdilar.
✨ Natijalar – e’tirofga loyiq:
Shahzodabonu Akramova eng yuqori mukofot — Gran-pri sohibasi bo‘lib, Olmaota va Issiqko‘lda o‘tkaziladigan xalqaro tanlovlarga yo‘llanmani qo‘lga kiritdi.
✓ Eʼzoza Egamberdiyeva va Qodir Ergashev 2-o‘rin;
✓ Mohinisa Abduvaliyeva 3-o‘rinni egalladi.
Ularning bu yutug‘i mehnat, qat’iyat va ustozlar ishonchi samarasidir.
Quvonarlisi, Qozog‘istonning “Baxtli el avlodi” jamoat fondi tomonidan yosh avlodni san’atga jalb etish va ijodiy hamkorlikni rivojlantirish yo‘lidagi samarali faoliyati uchun Nordik universiteti rektori Sherzod Mustafakulov Tashakkurnoma bilan taqdirlandi.
Yoshlarimiz tanlovdan unutilmas taassurotlar, ilhom va yangi marralar sari kuchli ishonch bilan qaytishdi.
Xalqaro sahnalarda yurtimiz sha’nini munosib himoya qilayotgan iste’dodli yoshlarimiz bilan faxrlanamiz!
👏 Ularda saboq berayotgan fidoyi ustozlarga alohida tashakkur!
Nordikdan yangi ta’lim platformasi: talim365.uz!
🎓 “Talim365” — bu bilim, tajriba va zamonaviy pedagogik yondashuvlar jamlangan ochiq axborot maydoni. Unda ustozlar, tadqiqotchilar, talabalar hamda ota-onalar uchun ishonchli ma’lumotlar, tahlillar va muhim yangiliklar muntazam taqdim etib boriladi.
💡 Platformada:
✓ ta’limdagi eng dolzarb mavzular
✓ ekspert fikrlari va chuqur tahlillar
✓ innovatsion o‘qitish metodlari
✓ suhbatlar, maqolalar va maxsus reportajlar.
🌱 talim365.uz — bilimli, mustaqil fikrlaydigan va raqobatbardosh avlodni shakllantirishga xizmat qiluvchi yangi bilim maydoni.
Asosiy maqsad — ilm-fan rivojiga xizmat qiladigan g‘oyalarni ommalashtirish va ta’limning barcha bo‘g‘inlarida samaradorlikni oshirish.
🔎 Platforma barcha uchun ochiq — ta’limdagi muhim o‘zgarishlar, yangi qarashlar va dolzarb tahlillarni talim365.uz bilan birga kuzating.
Motivatsiya — ichki kuchingizni uyg‘oting!
U bizni oldinga undaydi, qiyinchiliklardan qo‘rqmaslikka va maqsad sari qat’iyat bilan intilishga yordam beradi. Eng muhimi, motivatsiya insonni majburlamaydi, balki unga tanlash va ongli ravishda harakat qilish imkonini beradi.
🎓 Universitetimiz psixologiya yo‘nalishi talabalari tomonidan o‘tkazilgan kichik tadqiqotda 51 nafar respondent-talabaning motivatsiya darajasi o‘rganildi.
📊 Natijalar quyidagicha:
🔹 37,3% talabalarda — balanddan ham yuqori motivatsiya
🔹 33,3% talabalarda — ancha yuqori motivatsiya
🔹 29,4% talabalarda — o‘rtacha motivatsiya.
💡 Bu ko‘rsatkichlar talabalarning aksariyatida bilim olishga intilish, shaxsiy rivojlanishga qiziqish va maqsad sari harakat qilish istagi kuchli ekanini ko‘rsatadi. Shu bilan birga, o‘rtacha motivatsiyaga ega talabalar bilan psixologik ishlashni kuchaytirish ta’lim samaradorligini yanada oshirishga xizmat qiladi.
✨ Psixologlar tavsiya qiladi:
• Katta maqsadlarni kichik bosqichlarga bo‘ling
• Har bir muvaffaqiyatdan so‘ng o‘zingizni rag‘batlantiring
• Ijobiy fikrlashni shakllantiring: “Men qila olaman!”
• Yutuqlaringizni yaqinlaringiz bilan baham ko‘ring.
🚀 Esda tuting: motivatsiya — muvaffaqiyat sari ilk qadam.
Uni to‘g‘ri yo‘naltirsangiz, imkoniyatlar eshigi albatta ochiladi.
Muhim uchrashuv: yoshlar, xavfsizlik va kelajak
Tadbir O‘zbekiston Respublikasi Prezidenti raisligida o‘tkazilgan videoselektor yig‘ilishida belgilangan vazifalar ijrosini ta’minlash maqsadida tashkil etildi.
Unda O‘zbekiston Respublikasi Jamoat xavfsizligi universitetining Shayxontohur tumaniga biriktirilgan ishchi guruhi vakillari hamda mutaxassislar talaba-yoshlar bilan ochiq muloqot o‘tkazdilar. Uchrashuv davomida huquqbuzarliklarning oldini olish, huquqiy madaniyatni yuksaltirish, kiberxavfsizlik, sog‘lom turmush tarzini targ‘ib qilish kabi dolzarb masalalar muhokama qilindi.
Shuningdek, professor-o‘qituvchilar, rektor maslahatchisi va masʼullar tomonidan yoshlarga jamiyat xavfsizligi, vatanparvarlik va shaxsiy mas’uliyat haqida muhim fikrlar bildirildi.
Tadbirda, kiberxavfsizlik strategiyasi va kiberjinoyatchilikning oldini olish masalalariga ham alohida e’tibor qaratildi.
Uchrashuv davomida talabalar mutaxassislarga o‘zlarini qiziqtirgan savollar bilan murojaat qildilar, jonli va mazmunli muloqot bo‘lib o‘tdi.