Yangiliklar
Oliy ta’lim muassasalarida masofaviy ta’limni joriy etish tartibi belgilandi
October 05 , 2022
7
Hukumat qarori (559-son, 03.10.2022 y.) bilan “Oliy ta’lim tashkilotlarida masofaviy ta’lim shaklini joriy etish chora-tadbirlari to‘g‘risida”gi nizom tasdiqlandi.
Nizom bilan masofaviy ta’lim orqali oliy ta’lim tashkilotlarida bakalavriat va magistratura bosqichlarida kadrlarni tayyorlashni tashkil etish tartibi belgilandi. ▪️Buning uchun ta’lim tashkilotida quyidagilar bo‘lishi talab etiladi: ➖ masofaviy ta’limni boshqarish uchun “Learning Management System” platformasi; ➖ internetga ulanish va foydalanish uchun axborot-kommunikatsiya infratuzilmasi; ➖ o‘quv yili uchun mo‘ljallangan o‘quv kontenti; ➖fanlarning elektron o‘quv-metodik majmualari hamda ilmiy va o‘quv adabiyotlarining elektron bazasi; ➖ kompyuter texnikasi bilan jihozlangan alohida bino yoki auditoriyalar; ➖ texnik va dasturiy komponentlar ishlashini ta’minlaydigan muhandis-texnik xodimlar; ➖ ta’lim tashkilotiga tegishli bo‘lgan, mamlakat hududida joylashgan server qurilmasi; ➖ ta’lim tashkiloti to‘g‘risidagi barcha axborotlar joylashtirilgan rasmiy veb-sahifa. 🗓 Masofaviy ta’lim joriy etish mumkin bo‘lmagan bakalavriat ta’lim yo‘nalishlari va magistratura mutaxassisliklari har yili 1 aprelgacha e’lon qilinadi. ❗️Masofaviy ta’lim asosida kadrlar tayyorlashda bir bakalavriat ta’lim yo‘nalishi 300 nafar, bir magistratura mutaxassisligi 30 nafar talabadan ortiq bo‘lmasligi lozim.
So'ngi yangiliklar
O‘quv jarayonlarini samarali tashkil etish - eʼtiborda
Nordik universitetida seminar-trening haftaligi jamoaviy hamjihatlikda yuqori saviyada o‘tkazildi.
Treninglarda ilmiy faoliyatni samarali tashkil etish va taʼlim jarayoniga yangicha yondashuvlarni olib kirishga alohida eʼtibor qaratildi.
Yangi 2025-yilda o‘qituvchilar jamoasi ish faoliyatini stresslardan holi tashkillash, darslarni samarali boshlash va talabalarning xususiyatlaridan kelib chiqib yondashishga har hijatdan tayyorlandilar.
Haftalik davomida mavjud stereotiplarni buzish, darslarda o‘yin elementlaridan unumli foydalanish ko‘nikmalari ham shakllantirildi.
Rang-barang g‘oya va metodlar o‘rganilmoqda
Nordik universiteti ushbu haftada pedagogik mahorat va tajriba almashish maydoniga aylandi.
Trening davomida darslarning yuqori natijadorligini taʼminlovchi turli metod va vositalar bevosita qo‘llanilib, sinab ko‘rilmoqda.
Nordik ustozlari talabalarning darslarda faolligi, mustaqil fikrlash ko‘nikmasini oshirish, ijodiy vazifalar orqali puxta bilim olishlarini taʼminlashga xizmat qiladigan yangi pedagogik texnologiyalar va metodlarni o‘rganmoqdalar.
Jarayonda barcha kafedralar o‘qituvchilari faol ishtirok etishyapti.
XNU doktorant, tayanch doktorant hamda mustaqil izlanuvchilarining ilmiy faoliyati monitoring qilindi
Xalqaro Nordik universitetida ilmiy izlanish olib borayotgan doktorant, tayanch doktorant hamda mustaqil izlanuvchilarning faoliyati samaradorligini baholash bo‘yicha monitoring o‘tkazildi.
Monitoring doirasida tadqiqotchilarning o‘z ish rejalari asosida yil davomida amalga oshirgan ishlari ko‘rib chiqildi.
Jumladan, ish reja va metodologik dasturlari, kurslardagi ishtiroki va sifat sertifikatlari, dissertatsiya ishlarining bajarilishi, OAK ro‘yxatiga kiritilgan ilmiy jurnallar hamda Scopus tizimining davriy nashrlarida chop etilgan maqolalari kabi tegishli mezonlar bo‘yicha hisobotlari tinglandi va baholandi.
Tajribali olimlar va mutaxassislardan iborat monitoring komissiyasi a'zolari tomonidan tadqiqotchilarga dissertatsiya ishini sifatli bajarish, shaxsiy ish rejalarini samarali amalga oshirish yuzasidan yo‘nalish va maslahatlar berildi.
"Assalom, Yangi yil!"
Maxsus pedagogika yo‘nalishi talabalari Pedagogika kafedrasi katta o‘qituvchisi Zulfizar Baxadirova boshchiligida Invivo tibbiy reabilitatsiya markazida Yangi yil bayram tadbirida qatnashdilar.
Talabalar Yangi yilni shodon kutib olayotgan bolalarning quvonchiga sherik bo‘ldilar, ular bilan raqslarga tushdilar va bayram bilan tabrikladilar.
Shuningdek, amaliyotda bolalar bilan ishlash jarayonlari yaqindan kuzatildi. Markazning oliy toifali shifokori, xirurg Zebo Karimova talabalarga eshitishida nuqsoni bo‘lgan bolalarga tibbiy-korreksion pedagogik yordam natijalari borasida maʼlumotlar berdi.