Ilmga yangi sahifalar: Nordik ustozlarining yangi adabiyotlari nashr etildi

Ustozlarimiz tomonidan tayyorlangan navbatdagi yangi o‘quv adabiyotlari iqtisodiyot, menejment, raqamli texnologiyalar, maktabgacha ta’lim hamda kasbiy ingliz tili yo‘nalishlarida muhim qo‘llanmalardir.

Nashr etilgan kitoblar:

📘 “Essentials of Economics, Business and Tourism in English”
Muallif: B.Djamalutinova

Iqtisodiyot, biznes va turizm yo‘nalishlarida tahsil olayotgan talabalar uchun mo‘ljallangan mazkur ingliz tili qo‘llanmasi kasbiy lug‘at, biznes dialoglari va interaktiv mashqlar orqali til ko‘nikmalarini rivojlantirishga xizmat qiladi.

📗 “Maktabgacha ta’lim tashkilotlarida ish hujjatlarini yuritish”
Muallif: D.Sharafutdinova

Qo‘llanmada maktabgacha ta’lim tashkilotlarida ish hujjatlarini yuritishning huquqiy-me’yoriy va amaliy jihatlari yoritilgan. Kitob bo‘lajak pedagoglarning kasbiy tayyorgarligini mustahkamlashga qaratilgan.

📙 “Menejment asoslari”
Mualliflar: Sh.Suleymanova, M.Maksudov, R.Ashiraliyev

Menejmentning nazariy va amaliy asoslarini qamrab olgan ushbu o‘quv qo‘llanma boshqaruv funksiyalari, resurslardan samarali foydalanish, jamoani shakllantirish va zamonaviy boshqaruv texnologiyalariga bag‘ishlangan.

📕 “Kompaniya ishlab chiqarish jarayonlarida raqamli texnologiyalardan samarali foydalanish uslubiyotini takomillashtirish”
Muallif: M.Abdullayev

Monografiyada neft-gaz qazib chiqarish kompaniyalarida raqamli texnologiyalarni qo‘llash, ishlab chiqarish jarayonlarini raqamlashtirish va iqtisodiy samaradorlikni oshirish masalalari ilmiy-nazariy hamda uslubiy jihatdan tadqiq etilgan.

📔 “English for Finance and Economics”
(A Task-based Approach for B1 Learners)
Muallif: N.Djurayeva

Moliya va iqtisodiyot yo‘nalishlari talabalari uchun yaratilgan ushbu adabiyot B1 darajadagi ingliz tili ko‘nikmalarini rivojlantirishga mo‘ljallangan. Unda kasbiy lug‘at, audio topshiriqlar, dialoglar va vazifaga asoslangan mashqlar jamlangan.

📒 “Xalqaro menejment”
Muallif: Sh.Suleymanova

O‘quv qo‘llanmada xalqaro menejment fanining mazmuni, boshqaruv usullari, iqtisodiy jarayonlar va iqtisodiyotni tartibga solish masalalari yoritilgan. Kitob talabalarning nazariy bilimlarini amaliy boshqaruv ko‘nikmalari bilan uyg‘unlashtirishga xizmat qiladi.

📒 "Enhancing Linguistic Competence in Higher Education Through the TBLT Methodological Approach"
Muallifi: N.Djurayeva

Universitetda til o‘qitish metodikasiga bag‘ishlangan o‘quv-uslubiy adabiyotlar ham tayyorlanmoqda.

Task-Based Language Teaching (TBLT) yondashuviga asoslangan mazkur kitobda til ko‘nikmalarini mazmunli topshiriqlar orqali rivojlantirish, kasbga yo‘naltirilgan mashg‘ulotlarni tashkil etish, baholash strategiyalari va zamonaviy pedagogik texnologiyalarni qo‘llash masalalari yoritilgan.