Yangiliklar
Navoiyshunos olim sabog‘i: Navoiyni ko‘nglimiz mulkiga aylantiraylik...
February 12 , 2025
127
Ijtimoiy-maʼnaviy tadqiqotlar instituti direktori, navoiyshunos Olimjon Davlatov bilan ijodiy uchrashuv o‘tkazildi.
Alisher Navoiy tavalludining 584 yilligiga bag‘ishlangan uchrashuvda talaba-yoshlar mutafakkirning dunyo xalqlari tafakkuridagi o‘rni, jahon adabiyoti va madaniyatiga qo‘shgan ulkan hissalari bilan keng tanishtirildilar.
Navoiyshunos olim fevral oyini maʼnaviyat, adabiyot va maʼnaviy poklanish oyi sifatida eʼtirof etib, yoshlarni Navoiy ibratlarini teran o‘rganish va anglashga chorladi.
... Navoiy o‘zbek adabiy tili mezonlarini ishlab chiqdi. Navoiyga qadar turkiy xalqlar fors, arab tillaridan foydalangan bo‘lsa, mutafakkir alloma saboqlari bilan o‘zbek adabiy tilida ijod qilina boshlandi. Xalqimiz to‘y-marosimlarida o‘zbekcha qo‘shiqlar yangradi. Maktublar o‘zbek tilida bitila boshladi.
Shundan so‘ng barcha xalqlarda o‘z tillarida milliy adabiyotlar shakllandi. Shu bois Navoiy nafaqat o‘zbek adabiyoti, balki dunyo tafakkuri rivojida ham muhim o‘rin tutadi.
Xalqimizning bosh orzusi farzandlar kamoli. Bunda esa Navoiyni anglash va farzandlarga ham anglatish muhim. Navoiyni bilsak, uning asarlariga muhabbatni yoysak oilalar mustahkam bo‘ladi, rizq halol topiladi, yolg‘on va turli illatlardan yiroqlashiladi. Navoiy g‘azallarini yodlash orqali fikrni aniq bayon qilish qobiliyati shakllanadi.
Navoiy o‘smirlik yillarida o‘zi sevgan shoirlarning 50 ming baytdan ortiq she’rlarini yod bilgan. Shu bois uning fikrlari hozir ham dolzarb. Navoiyni har birimiz ko‘nglimiz mulkiga aylantiraylik...- dedi Olimjon Davlatov.
Uchrashuvda Nordik universiteti rektori Sherzod Mustafakulov tomonidan ham Alisher Navoiy va Zahiriddin Muhammad Boburning bebaho merosi, o‘z davrida davlat arbobi sifatida ilm-fan va davlat ishlari rivojiga qo‘shgan hissalari haqida iliq fikrlar bildirildi. Madrasalar, kutubxonalar, ilmiy markazlar barpo etib, ilm-fan, sanʼat ahlini qo‘llab-quvvatlashga eʼtiborlari tahsinga loyiqligi taʼkidlandi.
Tadbirda Alisher Navoiy g‘azallarini yod olgan bakalavriat va magistratura bosqichi talabalari va ustozlar ishtirokida "G‘azal yodlab mukofot oling!" tanlovi o‘tkazildi.
Navoiydan 100 g‘azal tanlovida g‘olib talabalar Alisher Navoiy nomidagi xalqaro jamoat fondining pul mukofotlariga sazovor bo‘ldilar.
Magistrant Gulnoza Toshpo‘latova va bakalavriat bosqichi talabasi Ibrohim Rashidovni yutuqlari bilan tabriklaymiz!👏👏👏
So'ngi yangiliklar
Charos Ahmedova Yevropa yulduzlari safida!
Tanlov musiqa va sanʼat yo‘nalishida iste’dod egalarining ijodiy qobiliyatlarini yuzaga chiqarish va turli mamlakatlarning musiqa san’atini jahonda keng targ‘ib etish, yosh ijrochilarning ko‘nikmalarini yanada rivojlantirish maqsadida tashkil etildi.
O‘zbekiston Respublikasi Madaniyat vazirligi, O‘zbekistonning Latviyadagi elchixonasi va yurtimizdagi nufuzli telekanallar hamkorligida o‘tkazilgan tanlovda Xalqaro Nordik universiteti musiqa taʼlimi o‘qituvchisi Charos Ahmedova yurtimiz sharafini munosib himoya qildi.
Mahoratli ustozimiz akademik xonandalik yo‘nalishida faxrli 1-o‘ringa sazovor bo‘ldi. Bu yutuq nafaqat yurtimiz sanʼat sohasi rivojiga qo‘shilgan muhim hissa, balki yosh isteʼdodlarning xalqaro muqyosdagi muvaffaqiyatlaridan biri bo‘ldi.
Turkiyaning Marmara universiteti bilan hamkorlik o‘rnatilmoqda
Uchrashuv davomida ikki universitet o‘rtasida talabalar almashish, o‘qituvchilarning malakasini oshirish takliflari bildirildi.
Yevropa Ittifoqining ta'lim, o‘qitish sohalarida loyihalar va mobillikni qo‘llab-quvvatlash Erasmus+ dasturi va xalqaro grant tanlovlarida ishtirok etish, ilmiy tadqiqotlar va innovatsion ishlanmalar ustida ish olib borish kabi masalalarda hamkorlikka kelishildi.
Maʼlumot uchun, 1883-yilda tashkil etilgan mazkur universitet mamlakatning eng qadimgi va ko‘p tilli oliy ta’lim muassasalaridan biri hisoblanadi. 80 000 nafardan ziyod talabalari mavjud bo‘lib, 5 000 nafardan ortig‘ini xorijiy talabalar tashkil etadi.
Garvard universiteti talabalari ilk bor O‘zbekistonda!
Dunyodagi eng nufuzli universitetlardan biri bo‘lgan Garvardning 46 nafar magistrant, doktorant va tadqiqotchilari yurtimizga tashrif buyurmoqda.
Ushbu tarixiy tashrif doirasida:
✅ 21-martda - Nordik universiteti rahbariyati, jamoasi bilan Garvard tadqiqotchilari o'rtasida uchrashuv
✅ Ilmiy hamkorlik, o‘zbekistonlik mutaxassislar uchun malaka oshirish imkoniyatlari bo‘yicha muzokaralar
✅ Nordikning Navro‘z bayrami tadbirlarida ishtirok etish
✅ Buxoro, Samarqand, Toshkent shahri va viloyatining diqqatga molik manzillariga sayohatlar kutilmoqda.
Bu tashrif Nordik va Garvard universiteti o‘rtasidagi hamkorlikni mustahkamlash, ilmiy almashinuvni rivojlantirish va iqtidorli yoshlar uchun yangi imkoniyatlar yaratishga xizmat qiladi!
🔎 Tashrif tafsilotlari va yangiliklarni kuzatib boring!
Go‘zallik bayrami: Nordik malikalarida isteʼdod va ijodkorlik mahorati ustuvor
Ishtirokchilar o‘z qobiliyatlari, qalb go‘zalligi, intellekti, ijodkorlik va ijtimoiy faollik sifatlarini namoyish etgan holda bellashdilar.
Farzona Saidanvarxo‘jayeva, Gulsora Abduqunduzova, Komila Abdalova, Xurshida Yusupova, Diyora Qo‘chqorova va Sumaya Yuldasheva tanlovning saralash bosqichidan muvaffaqiyatli o‘tib, final bosqichida barchani hayratga soldilar.
Tanishtiruv, kitobxonlik, intellektual qobiliyat namoyishi va erkin mavzu shartlari talaba-qizlarimizning bor mahoratlarini ochib berishga xizmat qildi.
Ushbu yorqin bahslarda har jihatdan yetakchilikni qo‘lga kiritgan Boshlang‘ich taʼlim yo‘nalishi talabasi Xurshida Yusupova ustozlari, kursdosh-do‘stlari ishonchini oqlab, "Miss Nordik" nomiga sazovor bo‘ldi!
Muhimi, tanlov davomida ishtirokchilarning do‘stlari va jamoalari ularni faol qo‘llab-quvvatlab, muvaffaqiyat sari rag‘batlantirib turdilar. Bu esa universitetdagi jamoaviy ruh, do‘stlik va birdamlik muhitining yana bir yorqin namoyishi bo‘ldi.