Muhammadjon Obidov: surishtiruv jurnalistikasi saboqlari
November 11 , 2025
310
O‘zbekistonda xizmat ko‘rsatgan jurnalist Muhammadjon Obidov Jurnalistika mutaxassisligi talabalari bilan uchrashuv o‘tkazdi. Bu nafaqat dars — balki haqiqiy jurnalistika maktabi, kasb kengliklariga sayohat bo‘ldi.
“Jurnalist ta’magirlik va poraxo‘rlikdan yiroq bo‘lishi kerak. Unda kuch ham bo‘ladi, imkoniyat ham — ammo jurnalist hech qachon o‘ch olish uchun qalam tutmasligi kerak. Bu kasb — adolat yo‘lida xolis xizmat.”
Ustoz jurnalist turli yillarda "Axborot" direksiyasi, “O‘zbekiston ovozi”, “Farg‘ona haqiqati”, “Ферганская правда” tahririyatlari va O‘zAda olib borilgan faoliyati davomida tayyorlagan rezonansli jurnalistik surishtiruvlari, ularning natijalari, oqibatlari va ta’sir kuchi haqida misollar bilan so‘zlab berdi.
Talabalar bilan maqolalar tahlili o‘tkazildi, videomateriallar ko‘rildi, har bir surishtiruv ortidagi mashaqqat, xavf, jasorat va mas’uliyat yorqin misollar orqali ochib berildi.
Iqtiboslar:
• Jurnalist — dalillarga suyanadi, shov-shuvga emas.
• Surishtiruv — bu jasorat, biroq har bir so‘zning ortida mas’uliyat turadi.
• Manfaatlar kurashida xolislikni saqlash — haqiqiy professionallik mezoni.
• Har bir materialning uslubi individual bo‘lishi, qolipga tushmasligi kerak.
• Targ‘ibot emas, haqiqat jurnalistni kuchli qiladi.
Muhammmadjon Obidov o‘z faoliyati davomida 40 ga yaqin davlatda bo‘lgan jurnalist, “Farg‘ona jurnalistikasi”, “Jurnalist surishtiruvi” kabi qator kitoblar muallifi sifatida ham o‘z tajribalarini ulashdi. Jurnalist-talabalar uchun muhim kitoblarini Nordik kutubxonasiga tuhfa qildi.
Mazkur uchrashuv talabalarga jurnalistikaning kechagi kuni, buguni va ertangi istiqboli haqida keng tasavvur berdi. Ustoz bir maslahatini alohida urg‘u bilan aytdi:
“Shogird tayyorlang. Bilim, tajriba faqat sizda emas — boshqalarda ham davom etsin.”
So'nggi yangiliklar
Xalqaro eʼtirof yana biz bilan!
R.Gliyer nomidagi Respublika ixtisoslashtirilgan musiqa maktabida bo‘lib o‘tgan mazkur nufuzli tanlovda O‘zbekiston, Qozog‘iston va Tojikistondan 300 nafardan ortiq yosh ijodkorlar o‘zaro bellashdilar.
✨ Natijalar – e’tirofga loyiq:
Shahzodabonu Akramova eng yuqori mukofot — Gran-pri sohibasi bo‘lib, Olmaota va Issiqko‘lda o‘tkaziladigan xalqaro tanlovlarga yo‘llanmani qo‘lga kiritdi.
✓ Eʼzoza Egamberdiyeva va Qodir Ergashev 2-o‘rin;
✓ Mohinisa Abduvaliyeva 3-o‘rinni egalladi.
Ularning bu yutug‘i mehnat, qat’iyat va ustozlar ishonchi samarasidir.
Quvonarlisi, Qozog‘istonning “Baxtli el avlodi” jamoat fondi tomonidan yosh avlodni san’atga jalb etish va ijodiy hamkorlikni rivojlantirish yo‘lidagi samarali faoliyati uchun Nordik universiteti rektori Sherzod Mustafakulov Tashakkurnoma bilan taqdirlandi.
Yoshlarimiz tanlovdan unutilmas taassurotlar, ilhom va yangi marralar sari kuchli ishonch bilan qaytishdi.
Xalqaro sahnalarda yurtimiz sha’nini munosib himoya qilayotgan iste’dodli yoshlarimiz bilan faxrlanamiz!
👏 Ularda saboq berayotgan fidoyi ustozlarga alohida tashakkur!
Nordikdan yangi ta’lim platformasi: talim365.uz!
🎓 “Talim365” — bu bilim, tajriba va zamonaviy pedagogik yondashuvlar jamlangan ochiq axborot maydoni. Unda ustozlar, tadqiqotchilar, talabalar hamda ota-onalar uchun ishonchli ma’lumotlar, tahlillar va muhim yangiliklar muntazam taqdim etib boriladi.
💡 Platformada:
✓ ta’limdagi eng dolzarb mavzular
✓ ekspert fikrlari va chuqur tahlillar
✓ innovatsion o‘qitish metodlari
✓ suhbatlar, maqolalar va maxsus reportajlar.
🌱 talim365.uz — bilimli, mustaqil fikrlaydigan va raqobatbardosh avlodni shakllantirishga xizmat qiluvchi yangi bilim maydoni.
Asosiy maqsad — ilm-fan rivojiga xizmat qiladigan g‘oyalarni ommalashtirish va ta’limning barcha bo‘g‘inlarida samaradorlikni oshirish.
🔎 Platforma barcha uchun ochiq — ta’limdagi muhim o‘zgarishlar, yangi qarashlar va dolzarb tahlillarni talim365.uz bilan birga kuzating.
Motivatsiya — ichki kuchingizni uyg‘oting!
U bizni oldinga undaydi, qiyinchiliklardan qo‘rqmaslikka va maqsad sari qat’iyat bilan intilishga yordam beradi. Eng muhimi, motivatsiya insonni majburlamaydi, balki unga tanlash va ongli ravishda harakat qilish imkonini beradi.
🎓 Universitetimiz psixologiya yo‘nalishi talabalari tomonidan o‘tkazilgan kichik tadqiqotda 51 nafar respondent-talabaning motivatsiya darajasi o‘rganildi.
📊 Natijalar quyidagicha:
🔹 37,3% talabalarda — balanddan ham yuqori motivatsiya
🔹 33,3% talabalarda — ancha yuqori motivatsiya
🔹 29,4% talabalarda — o‘rtacha motivatsiya.
💡 Bu ko‘rsatkichlar talabalarning aksariyatida bilim olishga intilish, shaxsiy rivojlanishga qiziqish va maqsad sari harakat qilish istagi kuchli ekanini ko‘rsatadi. Shu bilan birga, o‘rtacha motivatsiyaga ega talabalar bilan psixologik ishlashni kuchaytirish ta’lim samaradorligini yanada oshirishga xizmat qiladi.
✨ Psixologlar tavsiya qiladi:
• Katta maqsadlarni kichik bosqichlarga bo‘ling
• Har bir muvaffaqiyatdan so‘ng o‘zingizni rag‘batlantiring
• Ijobiy fikrlashni shakllantiring: “Men qila olaman!”
• Yutuqlaringizni yaqinlaringiz bilan baham ko‘ring.
🚀 Esda tuting: motivatsiya — muvaffaqiyat sari ilk qadam.
Uni to‘g‘ri yo‘naltirsangiz, imkoniyatlar eshigi albatta ochiladi.
Muhim uchrashuv: yoshlar, xavfsizlik va kelajak
Tadbir O‘zbekiston Respublikasi Prezidenti raisligida o‘tkazilgan videoselektor yig‘ilishida belgilangan vazifalar ijrosini ta’minlash maqsadida tashkil etildi.
Unda O‘zbekiston Respublikasi Jamoat xavfsizligi universitetining Shayxontohur tumaniga biriktirilgan ishchi guruhi vakillari hamda mutaxassislar talaba-yoshlar bilan ochiq muloqot o‘tkazdilar. Uchrashuv davomida huquqbuzarliklarning oldini olish, huquqiy madaniyatni yuksaltirish, kiberxavfsizlik, sog‘lom turmush tarzini targ‘ib qilish kabi dolzarb masalalar muhokama qilindi.
Shuningdek, professor-o‘qituvchilar, rektor maslahatchisi va masʼullar tomonidan yoshlarga jamiyat xavfsizligi, vatanparvarlik va shaxsiy mas’uliyat haqida muhim fikrlar bildirildi.
Tadbirda, kiberxavfsizlik strategiyasi va kiberjinoyatchilikning oldini olish masalalariga ham alohida e’tibor qaratildi.
Uchrashuv davomida talabalar mutaxassislarga o‘zlarini qiziqtirgan savollar bilan murojaat qildilar, jonli va mazmunli muloqot bo‘lib o‘tdi.