Yangiliklar
Ilmiy maqolalarni yozishda avvalo ishni nimadan boshlagan ma'qul?
January 27 , 2024
47
Ilmiy maqola yozishda BMTning barqaror rivojlanish maqsadlari asos sifatida tavsiya etiladi.
Ilmiy maqolalarni yozishda avvalo ishni nimadan boshlagan ma'qul?
☁️ Maqola insoniyat oldida turgan qanday muammolarni yechishga qaratilganligi bilan o‘z dolzarbligini belgilab beradi. Bu borada eng yaxshi dasturilamal sifatida BMTning Barqaror rivojlanish maqsadlari hisoblanadi.
Barqaror rivojlanish maqsadlari qashshoqlikka barham berish, atrof-muhit va iqlimni himoya qilish hamda dunyodagi barcha insonlarning tinchlik va ravnaq topishidan bahramand bo‘lishini ta’minlash uchun global miqyosda harakat qilishga da’vatdir.
🇺🇳 BMTning O‘zbekistonda amalga oshirish uchun harakat qilayotgan barqaror rivojlanish maqsadlari:
- O‘ta qashshoqlikni kamaytirish.
- Ochlikka barham berish.
- Sog‘lik va farovonlik.
- Sifatli ta'lim.
- Gender tengligi.
- Toza suv va sanitariya.
- Arzon va toza energiya.
- Munosib ish o‘rinlari va iqtisodiy o‘sish.
- Sanoatlashtirish, innovatsiya va infratuzilma.
- Tengsizlikni kamaytirish.
- Barqaror shaharlar va aholi yashash joylari.
- Mas'uliyatli iste'mol va ishlab chiqarish.
- Iqlim o‘zgarishlariga qarshi kurashish.
- Dengiz ekotizimlarini asrash.
- Quruqlikdagi ekotizimlarni asrash.
- Tinchlik, adolat va samarali boshqaruv.
- Barqaror rivojlanish yo‘lida hamkorlik.
Hurmatli tadqiqotchilar, ilmiy maqolangizni yozishda ushbu maqsadlar bilan tanishib chiqishingiz va bog‘lashingiz maqolaning ilmiy ahamiyatini boyitishiga xizmat qiladi, degan umiddamiz!
🌐 Telegram: @journal_NIU
❔ Telegram: @Oybek_RA
So'ngi yangiliklar
Charos Ahmedova Yevropa yulduzlari safida!
Tanlov musiqa va sanʼat yo‘nalishida iste’dod egalarining ijodiy qobiliyatlarini yuzaga chiqarish va turli mamlakatlarning musiqa san’atini jahonda keng targ‘ib etish, yosh ijrochilarning ko‘nikmalarini yanada rivojlantirish maqsadida tashkil etildi.
O‘zbekiston Respublikasi Madaniyat vazirligi, O‘zbekistonning Latviyadagi elchixonasi va yurtimizdagi nufuzli telekanallar hamkorligida o‘tkazilgan tanlovda Xalqaro Nordik universiteti musiqa taʼlimi o‘qituvchisi Charos Ahmedova yurtimiz sharafini munosib himoya qildi.
Mahoratli ustozimiz akademik xonandalik yo‘nalishida faxrli 1-o‘ringa sazovor bo‘ldi. Bu yutuq nafaqat yurtimiz sanʼat sohasi rivojiga qo‘shilgan muhim hissa, balki yosh isteʼdodlarning xalqaro muqyosdagi muvaffaqiyatlaridan biri bo‘ldi.
Turkiyaning Marmara universiteti bilan hamkorlik o‘rnatilmoqda
Uchrashuv davomida ikki universitet o‘rtasida talabalar almashish, o‘qituvchilarning malakasini oshirish takliflari bildirildi.
Yevropa Ittifoqining ta'lim, o‘qitish sohalarida loyihalar va mobillikni qo‘llab-quvvatlash Erasmus+ dasturi va xalqaro grant tanlovlarida ishtirok etish, ilmiy tadqiqotlar va innovatsion ishlanmalar ustida ish olib borish kabi masalalarda hamkorlikka kelishildi.
Maʼlumot uchun, 1883-yilda tashkil etilgan mazkur universitet mamlakatning eng qadimgi va ko‘p tilli oliy ta’lim muassasalaridan biri hisoblanadi. 80 000 nafardan ziyod talabalari mavjud bo‘lib, 5 000 nafardan ortig‘ini xorijiy talabalar tashkil etadi.
Garvard universiteti talabalari ilk bor O‘zbekistonda!
Dunyodagi eng nufuzli universitetlardan biri bo‘lgan Garvardning 46 nafar magistrant, doktorant va tadqiqotchilari yurtimizga tashrif buyurmoqda.
Ushbu tarixiy tashrif doirasida:
✅ 21-martda - Nordik universiteti rahbariyati, jamoasi bilan Garvard tadqiqotchilari o'rtasida uchrashuv
✅ Ilmiy hamkorlik, o‘zbekistonlik mutaxassislar uchun malaka oshirish imkoniyatlari bo‘yicha muzokaralar
✅ Nordikning Navro‘z bayrami tadbirlarida ishtirok etish
✅ Buxoro, Samarqand, Toshkent shahri va viloyatining diqqatga molik manzillariga sayohatlar kutilmoqda.
Bu tashrif Nordik va Garvard universiteti o‘rtasidagi hamkorlikni mustahkamlash, ilmiy almashinuvni rivojlantirish va iqtidorli yoshlar uchun yangi imkoniyatlar yaratishga xizmat qiladi!
🔎 Tashrif tafsilotlari va yangiliklarni kuzatib boring!
Go‘zallik bayrami: Nordik malikalarida isteʼdod va ijodkorlik mahorati ustuvor
Ishtirokchilar o‘z qobiliyatlari, qalb go‘zalligi, intellekti, ijodkorlik va ijtimoiy faollik sifatlarini namoyish etgan holda bellashdilar.
Farzona Saidanvarxo‘jayeva, Gulsora Abduqunduzova, Komila Abdalova, Xurshida Yusupova, Diyora Qo‘chqorova va Sumaya Yuldasheva tanlovning saralash bosqichidan muvaffaqiyatli o‘tib, final bosqichida barchani hayratga soldilar.
Tanishtiruv, kitobxonlik, intellektual qobiliyat namoyishi va erkin mavzu shartlari talaba-qizlarimizning bor mahoratlarini ochib berishga xizmat qildi.
Ushbu yorqin bahslarda har jihatdan yetakchilikni qo‘lga kiritgan Boshlang‘ich taʼlim yo‘nalishi talabasi Xurshida Yusupova ustozlari, kursdosh-do‘stlari ishonchini oqlab, "Miss Nordik" nomiga sazovor bo‘ldi!
Muhimi, tanlov davomida ishtirokchilarning do‘stlari va jamoalari ularni faol qo‘llab-quvvatlab, muvaffaqiyat sari rag‘batlantirib turdilar. Bu esa universitetdagi jamoaviy ruh, do‘stlik va birdamlik muhitining yana bir yorqin namoyishi bo‘ldi.