Mamlakatimizda amalga oshirilayotgan inson qadrini ulug‘lashga qaratilgan islohotlar o‘z samarasini bermoqda. Xususan, AQSh Mehnat vazirligi tomonidan O‘zbekistonda yetishtirilgan paxta va undan tayyorlangan mahsulotlarni olib kirishga qo‘yilgan rasmiy cheklov bekor qilinishi ana shunday islohotlar mevasidir. Ushbu xushxabar nafaqat paxta to‘qimachilik sanoati xodimlari, balki ziyolilarimizni, butun mamlakatimiz aholisini xursand qildi. Zero, bu boradagi ta'qiqlarning yechilishi ijtimoiy-iqtisodiy hayotimizda g‘oyat muhim ahamiyatga ega. Shu ma'noda Qudratilla Rafiqovning "Xalq so‘zi", "Ishonch" gazetalari, qator internet nashrlarida da e'lon qilingan "Dunyoni tan oldirish osonmi?" maqolasi yurtdoshlarimizning dilidagi gap bo‘ldi, desak yanglishmaymiz. "Ishonch" va "Xalq so‘zi" gazetalarining bugungi sonida "Aks sado" ruhidagi qator maqolalarda paxta bo‘yicha cheklovlarning olib tashlanishi sohada istiqbolli rivojlanishga keng yo‘l ochishi xususida fikr yuritilgan. Xalqaro Nordik universiteti rektori, iqtisodiyot fanlari doktori, professor Sherzod Mustafakulovning "O‘zbekiston uchun dunyo bozorlari ochildi" sarlavhali maqolasida o‘zbek paxtasi va to‘qimachilik mahsulotlariga qo‘yilgan cheklovlarning yechilishi mamlakatimizda millionlab yangi ish o‘rinlari yaratish, qishloq xo‘jaligi sohasida xalqaro standartlarni joriy etish, xalqaro hamkorlikni kengaytirish va eksport xajmiji oshirishga xizmat qilishi qayd etilgan.
"O‘zbekiston uchun dunyo bozorlari ochildi"
October 11 , 2022
1218
Mamlakatimizda amalga oshirilayotgan inson qadrini ulug‘lashga qaratilgan islohotlar o‘z samarasini bermoqda.
So'nggi yangiliklar
Nordik universitetida magistrlik dissertatsiyalari himoyasi o‘tkazilmoqda
Xususan, Jurnalistika mutaxassisligi magistrantlari bugungi globallashuv va raqamli transformatsiya jarayonlari bilan chambarchas bog‘liq bo‘lgan dolzarb mavzularda olib borgan ilmiy izlanishlari natijalarini taqdim etdilar.
Himoya ishlarida matbuot nashrlarida adabiy targ‘ibot masalalarining yoritilishi, globallashuv sharoitida ommaviy axborot vositalarida manipulyatsiya usullari, sayyohlar oqimini oshirishda travel jurnalistikasining o‘rni, O‘zbekistonda xotin-qizlar ijtimoiy faolligini kuchaytirishda OAVning ta’siri, shuningdek raqamli texnologiyalar davrida media axborotlarini iste’mol qilish transformatsiyasi kabi ilmiy-amaliy ahamiyatga ega mavzular alohida e’tibor markazida bo‘ldi.
Bugungi kunda jurnalistika nafaqat axborot uzatish, balki jamiyatdagi ijtimoiy jarayonlarni tahlil qilish, media savodxonlikni oshirish va milliy taraqqiyot strategiyalarini qo‘llab-quvvatlashning muhim vositasiga aylangan. Shu nuqtai nazardan, magistrantlarning ilmiy izlanishlari mamlakat media makonini rivojlantirish va yangi ilmiy maktablarni shakllantirishga xizmat qiladi.
Nordikda barcha mutaxassisliklarda magistrantlar o‘z tadqiqotlarining nazariy asoslari, metodologiyasi va amaliy natijalarini taqdimotlar orqali asoslab bermoqdalar. Yakuniy davlat attestatsiya komissiyasi a’zolari tomonidan ilmiy ishlar sinchkovlik bilan tahlil qilinib, tadqiqotchilar bilan mazmunli savol-javoblar o‘tkazilyapti.
Komissiya a’zolari tomonidan ilmiy ishlarning dolzarbligi, innovatsion yondashuvlari va amaliy ahamiyati e’tirof etilib, magistrantlarga kelgusidagi ilmiy faoliyatlari hamda tadqiqotlarini rivojlantirish bo‘yicha zarur tavsiyalar berilmoqda.
Bolgariyada Work & Travel: yozgi taʼtil — xalqaro tajriba mavsumi
Dastur doirasida 14 nafar talaba xorijga yo‘l oldi. Turizm va mehmondo‘stlik yo‘nalishida tahsil olayotgan yoshlar endi auditoriyada olgan bilimlarini xalqaro ish muhitida amaliyot orqali mustahkamlash imkoniyatiga ega bo‘ladilar.
Bu safar ular uchun sayohat, yangi tajribalar, kasbiy ko‘nikmalar va xalqaro mehnat muhitini o‘rganish maktabidir.
Talabalar Bolgariyada ishlash, o‘rganish va sayohat qilish orqali o‘z sohalariga oid qimmatli tajribalarni jamlab, xalqaro maydonda raqobatbardosh mutaxassis bo‘lib qaytadilar.
Nordik hayotiga fayz olib kirayotgan yoshlar — e’tirofda!
Ular turli tadbirlar, loyihalar va tashabbuslari orqali talabalarni birlashtirib, universitet hayotini yanada qiziqarli, rangli va jonli qilishga munosib hissa qo‘shdilar.
Har bir g‘oya, har bir tashabbus va har bir ezgu mehnatingiz uchun rahmat!
Sizlar Nordikning eng faol, eng shijoatli va eng ilhomlantiruvchi yoshlari sifatida barchaga o‘rnak bo‘lib kelmoqdasiz.
👏 Mehnatingiz biz uchun qadrli! Yutuqlaringiz bardavom, orzularingiz yanada ulkan bo‘lsin!
Eshitishdan imkoniyatgacha: xalqaro tajriba va yangi hamkorliklar
Tadbirda Turkiyaning tajribali mutaxassislari, xususan, Esra Yücel ishtirok etib, ilg‘or tajriba va innovatsion metodlarni taqdim etdi.
Seminarda Nordik universitetining “Maxsus pedagogika" (logopediya) yo‘nalishi faoliyati ham namoyish etildi. Universitet katta o‘qituvchisi Zulfizar Baxadirovaning taqdimoti xorijlik mutaxassislarda katta qiziqish uyg‘otdi.
Anjuman natijasida yangi o‘quv yilidan ilmiy tajriba almashish maqsadida Hacettepe University bilan hamkorlik istiqbollari belgilandi. Turkiya mutaxassislari va “INVIVO” klinikasi bilan koxlear implantli bolalarga korreksion yordam ko‘rsatishga qaratilgan xalqaro loyiha bo‘yicha dastlabki kelishuvlarga erishildi. Bu esa maxsus pedagogika, logopediya va surdopedagogika yo‘nalishlarida yangi imkoniyatlar eshigini ochadi.
Seminar davomida talabalarga eng zamonaviy xalqaro metodikalar o‘rgatildi, universitet kutubxonasi esa yangi ilmiy adabiyotlar bilan boyitildi.