Yangiliklar
Toshkentda Yevropa nafasi: xalqaro do‘stlik va ta’lim imkoniyatlari keng namoyish etildi
May 06 , 2026
68
Yevropa va O‘zbekistonni bog‘lab turuvchi umumiy qadriyatlar, ochiqlik, ta’lim va madaniy hamkorlik g‘oyalari mujassam bo‘lgan Yevropa kuni festivali bu yil ham keng jamoatchilikni bir maydonga jamladi.
Turli davlatlar madaniyati, innovatsion g‘oyalari va ta’lim imkoniyatlari namoyon etilgan festival xalqaro muloqot va do‘stlik maydoniga aylandi.
Festivalda Finlandiya Respublikasi Faxriy Konsulligi, Xalqaro Nordik universiteti hamda Nordik International School jamoasi va o‘quvchilari faol ishtirok etib, mehmonlarga Finlandiyaning boy madaniyati, zamonaviy ta’lim tizimi va xalqaro rivojlanish imkoniyatlari haqida keng ma’lumotlar taqdim etdilar.
Tashrif buyuruvchilar Finlandiyada mavjud grantlar, stajirovka va almashinuv dasturlari, kasbiy rivojlanish yo‘nalishlari bilan yaqindan tanishish imkoniga ega bo‘ldilar. Interaktiv taqdimotlar, vizual xaritalar, didaktik materiallar va kreativ faoliyatlar orqali mehmonlar nafaqat ma’lumot oldilar, balki Finlandiya ta’lim muhiti va hayot tarzini bevosita his etdilar.
Ayniqsa, bolalar va yoshlar uchun tashkil etilgan qiziqarli o‘yinlar, o‘quv mashg‘ulotlari hamda fin xalqining sevimli “mokkapala” shirinliklari festival mehmonlarida katta taassurot qoldirdi. Tadbir davomida fin tizimi bo‘yicha o‘rganish jarayoni zavqli, erkin va ilhomlantiruvchi muhitda kechishi yana bir bor namoyon bo‘ldi.
27 davlatni birlashtirgan European Unionning ezgu maqsadlari, inson qadri, ta’lim, innovatsiya va hamkorlikka qaratilgan tashabbuslari festival davomida keng targ‘ib qilinib, mehmonlarga Yevropa bilan hamkorlikni nafaqat tinglash, balki uni his qilish imkonini berdi.
So'nggi yangiliklar
Talabalik — yangi imkoniyatlar davri
"Xalq so‘zi" gazetasida yoritilgan “Talabalik — yangi imkoniyatlar davri” nomli maqolada aynan shu jihat chuqur tahlil etilgan holda, zamonaviy talabaning o‘rni va imkoniyatlari ochib berilgan.
Xalqaro Nordik universiteti Maxsus pedagogika (Logopediya) yo‘nalishi talabasi Gulsora Abduqunduzova muallifligidagi maqolada Yangi O‘zbekiston taraqqiyot strategiyasi doirasida oliy ta’lim tizimida olib borilayotgan islohotlar yoshlar uchun keng imkoniyatlar eshigini ochayotgani ilmiy asosda yoritilgan. Xususan, talabalar uchun xalqaro standartlarga mos bilim olish, xorijiy tillarni egallash, ilmiy loyihalarda ishtirok etish hamda grant va stipendiyalar orqali o‘z salohiyatini ro‘yobga chiqarish imkoniyatlari kengaygani qayd etilgan.
Yana bir muhim jihati shundaki, maqolada statistik ma’lumotlar bilan birga talabalarning ijtimoiy faolligi, madaniy va ilmiy muhitdagi ishtiroki ham inson kapitalini rivojlantirishning asosiy omili sifafida ko‘rsatilgan.
Ayniqsa, IELTS natijalari, xalqaro tanlovlarda erishilgan yutuqlar va talabalar sonining ortib borayotgani ta’lim sifatidagi ijobiy siljishlar dalilidir.
Maqolada inkluziv ta’lim masalalariga alohida urg‘u berilgani ham dolzarbdir. Bu esa zamonaviy ta’lim tizimi insonparvarlik va teng imkoniyatlar tamoyiliga asoslanayotganini ko‘rsatadi.
Inklyuziv muhit orqali barcha yoshlarning ta’lim olish huquqi ta’minlanayotgani barqaror rivojlanish maqsadlariga mos keluvchi muhim qadriyatdir.
Mazkur maqolada talabalik davrini bilim olish bosqichi bo‘lish bilan birga, shaxsiy va kasbiy shakllanishning eng muhim pallasiga aylantirayotgan omillar ham tahliliy va ilmiy asosda ochib berilgan.
Batafsil maqola bilan "Xalq so‘zi" gazetasining 5-may kungi sonida tanishishingiz mumkin.
Nordik talabalari — "sog‘lom hayot volontyorlari" safida
Sog‘lom jamiyat — faol yoshlar bilan quriladi!
🩺O‘zLiDeP Toshkent shahar va Yunusobod tuman kengashlari hamda “ANFA” klinikasi hamkorligida tashkil etilgan bepul tibbiy ko‘rik tadbirida Nordik talabalari volontyor sifatida faol ishtirok etdilar.
Shifokorlar, deputatlar, faxriylar va mahalla ahli bilan yelkama-yelka ishlagan yoshlarimiz aholiga ko‘mak berdilar, sog‘lom turmush targ‘ibotiga hissa qo‘shdilar va mehr-e’tibor ulashdilar.
O‘zbekiston iqtisodiyoti yuqori o‘sish dinamikasini saqlab qolmoqda
Makroiqtisodiy barqarorlikni ta’minlash, unga salbiy omillar ta’sirini kamaytirish, iqtisodiy tarmoqlarni yanada rivojlantirish, investitsiya faolligini kuchaytirish masalalari davlatning asosiy faoliyat mezoniga aylangan.
📰 "Xalq so‘zi" gazetasining 2-may kungi sonida nashr etilgan yangi maqolada mavzuga doir keng tahliliy nuqtai nazarlar ifodalangan.
✓ Bugun qtisodiy islohotlar qay darajada samara beryapti?
✓ Investitsiyalar va eksport o‘sishi qay tarzda ta’minlanmoqda?
✓ Qaysi sohalar iqtisodiyotni “harakatlantiruvchi kuch” vazifasini o‘tayapti va eng muhimi — bu o‘sish qanchalik barqaror?
Maqolada shu kabi dolzarb savollarga javoblar olish mumkin.
Tahlillar shuni ko‘rsatadiki, raqamlar ortida tizimli o‘zgarishlar, yangi yondashuvlar va global iqtisodiy chaqiriqlarga moslashish jarayonlari yotibdi. Ayniqsa, sanoat, xizmatlar va investitsiya muhitidagi dinamika alohida diqqatga sazovor.
Shuningdek maqolada ijobiy jihatlar bilan birga hal qilinishi lozim bo‘lgan muammolar, cheklovlar va kelgusidagi ustuvor vazifalar ham xolis tahlil qilingan.
Mamlakat iqtisodiyotidagi vaziyat va kelajak tendensiyalari tahliliga qiziqqanlar uchun ushbu maqola kerakli manbalardan biridir.
✍️ Muallif: Munis Abdullayev, Xalqaro Nordik universiteti kafedra mudiri.
Federatsiya ➖ Nordik ➖ inklyuziv maktab hamkorligi: "Har bir yosh — imkoniyat egasi!"
Prezident tomonidan sport sohasida belgilab berilgan ustuvor vazifalar ijrosi doirasida O‘zbekiston shaxmat Federatsiyasi, 77-sonli ixtisoslashtirilgan maktab-internati hamkorligida o‘quvchilar hamda Nordik universiteti talabalari ishtirokida shaxmat va shashka musobaqasi o‘tkazildi.
Bugungi ta’lim siyosatida inklyuzivlik zaruriy tamoyil. Shu maʼnoda, mazkur musobaqa orqali yoshlarning intellektual salohiyatini ochish, ularni ijtimoiy faollikka jalb etish hamda “har bir yosh — imkoniyat egasi” degan g‘oyani amalda ro‘yobga chiqarishga alohida e’tibor qaratildi.
Tadbirda O‘zbekiston Shaxmat federatsiyasi vakillari hamda xalqaro grossmeysterlar ishtirok etib, yoshlar bilan ochiq muloqot olib bordilar. Bu bilan esa ishtirokchilar uchun nafaqat musobaqa, balki xalqaro darajadagi ustozlar tajribasidan bevosita bahramand bo‘lish imkoniyati ham yaratildi.
Shuningdek, shaxmatga oid kitoblar taqdimoti o‘tkazilib, bilim almashildi. Eng sara qo‘llanmalar jamlanmasi yosh ishtirokchilarga sovg‘a qilindi.
🏆 Shaxmat musobaqasi g‘oliblari (talabalar):
🥇 Zafar Zoitjonov
🥈 Farangiz Abdumo‘minova
🥉 Aziz Azimov.
🔲 Shashka bo‘yicha g‘oliblar (maktab o‘quvchilari):
🥇 Shukrulloxon Salomov
🥈 Diyorbek Joniqulov
🥉 Oybek Rahimqulov.
Nordik universitetida tafakkurli avlodni tarbiyalash, yosh yetakchilarni shakllantirish va ta’limda haqiqiy teng imkoniyatlarni ta’minlashga qaratilgan tashabbuslar izchil davom etadi.