Yangiliklar
24 nafar professor-o‘qituvchiga Finlandiya ta’lim tajribalarini o‘rganish bo‘yicha tashkil etilgan malaka oshirish kursi sertifikatlari topshirildi
January 16 , 2025
622
O‘zbekiston Respublikasi Prezidentining PF-27-sonli (28.02.2023-y.) Farmonida belgilangan vazifalar ijrosini ta’minlash maqsadida Oliy ta’lim, fan va innovatsiyalar vazirligi huzuridagi Oliy ta’lim tizimi kadrlarini qayta tayyorlash va malakasini oshirish instituti, Xalqaro Nordik universiteti huzuridagi “NORDIC TRAINING” malaka oshirish markazi va Prime Education Finland (Finlandiya) ta’lim tashkiloti ....
O‘zbekiston Respublikasi Prezidentining PF-27-sonli (28.02.2023-y.) Farmonida belgilangan vazifalar ijrosini ta’minlash maqsadida Oliy ta’lim, fan va innovatsiyalar vazirligi huzuridagi Oliy ta’lim tizimi kadrlarini qayta tayyorlash va malakasini oshirish instituti, Xalqaro Nordik universiteti huzuridagi “NORDIC TRAINING” malaka oshirish markazi va Prime Education Finland (Finlandiya) ta’lim tashkiloti o‘rtasidagi hamkorlik memorandumiga asosan oliy ta’lim muassasalari rahbar kadrlari va professor-o‘qituvchilari uchun qo‘shma malaka oshirish kursi yo‘lga qo‘yildi.
Qo‘shma malaka oshirish kursi 2024-yilning oktabr oyidan boshlab 144 soatlik “Pedagogik texnologiyalar va pedagogik mahorat” yo‘nalishida tashkil etildi. Malaka oshirish kursida oliy ta’lim muassasalarining 24 nafar professor-o‘qituvchilari muvaffaqiyatli ishtirok etishdi. Kurs gibrid shaklida, 72 soat Oliy ta’lim tizimi kadrlarini qayta tayyorlash va malakasini oshirish institutida va 72 soati xalqaro reytingda 500 talikdan o‘rin olgan Finlandiya va Shvetsiya universitetlarida tashkil etildi. Malaka oshirish kursiga Finlandiyaning Yuvaskula pedagogika universiteti, Xelsinki universiteti, Kareliya amaliy fanlar universiteti, JAMK universiteti va Shvetsiyadagi ta’lim muassasalarida olib borildi.
Tinglovchilar tomonidan malaka oshirish kursining amaliy natijalari sifatida kichik guruhlarda tayyorlangan loyiha ishlari metodik qo‘llanma sifatida chop etildi. Metodik qo‘llanmada tinglovchilarning mutaxassisliklari bo‘yicha nazariy va amaliy bilimlari hamda Finlandiya ta’lim tizimining alohida jihatlari, ta’lim sifatini takomillashtirish tajribasi, ulardan O‘zbekiston ta’lim tizimini rivojlantirishda foydalanish imkoniyatlari tahlil qilingan.
Malaka oshirish kursi yakunida barcha ishtirokchilarga Oliy ta’lim tizimi kadrlarini qayta tayyorlash va malakasini oshirish instituti tomonidan davlat namunasidagi malaka attestati va Xalqaro Nordik universiteti huzuridagi “NORDIC TRAINING” malaka oshirish markazi va Prime Education Finland (Finlandiya) ta’lim tashkiloti tomonidan maxsus xorijiy sertifikatlar berildi.
16-yanvar kuni sertifikatlarni topshirish tadbirida Oliy ta’lim, fan va innovatsiyalar vazirining birinchi o‘rinbosari Shohrux Daliyev, Oliy ta’lim tizimi kadrlarini qayta tayyorlash va malakasini oshirish instituti direktori Uzoqboy Begimqulov, Xalqaro Nordik universiteti rektori Sherzod Mustafoqulov hamda malaka oshirish kursi tinglovchilari ishtirok etdi.
So'nggi yangiliklar
Xalqaro eʼtirof yana biz bilan!
R.Gliyer nomidagi Respublika ixtisoslashtirilgan musiqa maktabida bo‘lib o‘tgan mazkur nufuzli tanlovda O‘zbekiston, Qozog‘iston va Tojikistondan 300 nafardan ortiq yosh ijodkorlar o‘zaro bellashdilar.
✨ Natijalar – e’tirofga loyiq:
Shahzodabonu Akramova eng yuqori mukofot — Gran-pri sohibasi bo‘lib, Olmaota va Issiqko‘lda o‘tkaziladigan xalqaro tanlovlarga yo‘llanmani qo‘lga kiritdi.
✓ Eʼzoza Egamberdiyeva va Qodir Ergashev 2-o‘rin;
✓ Mohinisa Abduvaliyeva 3-o‘rinni egalladi.
Ularning bu yutug‘i mehnat, qat’iyat va ustozlar ishonchi samarasidir.
Quvonarlisi, Qozog‘istonning “Baxtli el avlodi” jamoat fondi tomonidan yosh avlodni san’atga jalb etish va ijodiy hamkorlikni rivojlantirish yo‘lidagi samarali faoliyati uchun Nordik universiteti rektori Sherzod Mustafakulov Tashakkurnoma bilan taqdirlandi.
Yoshlarimiz tanlovdan unutilmas taassurotlar, ilhom va yangi marralar sari kuchli ishonch bilan qaytishdi.
Xalqaro sahnalarda yurtimiz sha’nini munosib himoya qilayotgan iste’dodli yoshlarimiz bilan faxrlanamiz!
👏 Ularda saboq berayotgan fidoyi ustozlarga alohida tashakkur!
Nordikdan yangi ta’lim platformasi: talim365.uz!
🎓 “Talim365” — bu bilim, tajriba va zamonaviy pedagogik yondashuvlar jamlangan ochiq axborot maydoni. Unda ustozlar, tadqiqotchilar, talabalar hamda ota-onalar uchun ishonchli ma’lumotlar, tahlillar va muhim yangiliklar muntazam taqdim etib boriladi.
💡 Platformada:
✓ ta’limdagi eng dolzarb mavzular
✓ ekspert fikrlari va chuqur tahlillar
✓ innovatsion o‘qitish metodlari
✓ suhbatlar, maqolalar va maxsus reportajlar.
🌱 talim365.uz — bilimli, mustaqil fikrlaydigan va raqobatbardosh avlodni shakllantirishga xizmat qiluvchi yangi bilim maydoni.
Asosiy maqsad — ilm-fan rivojiga xizmat qiladigan g‘oyalarni ommalashtirish va ta’limning barcha bo‘g‘inlarida samaradorlikni oshirish.
🔎 Platforma barcha uchun ochiq — ta’limdagi muhim o‘zgarishlar, yangi qarashlar va dolzarb tahlillarni talim365.uz bilan birga kuzating.
Motivatsiya — ichki kuchingizni uyg‘oting!
U bizni oldinga undaydi, qiyinchiliklardan qo‘rqmaslikka va maqsad sari qat’iyat bilan intilishga yordam beradi. Eng muhimi, motivatsiya insonni majburlamaydi, balki unga tanlash va ongli ravishda harakat qilish imkonini beradi.
🎓 Universitetimiz psixologiya yo‘nalishi talabalari tomonidan o‘tkazilgan kichik tadqiqotda 51 nafar respondent-talabaning motivatsiya darajasi o‘rganildi.
📊 Natijalar quyidagicha:
🔹 37,3% talabalarda — balanddan ham yuqori motivatsiya
🔹 33,3% talabalarda — ancha yuqori motivatsiya
🔹 29,4% talabalarda — o‘rtacha motivatsiya.
💡 Bu ko‘rsatkichlar talabalarning aksariyatida bilim olishga intilish, shaxsiy rivojlanishga qiziqish va maqsad sari harakat qilish istagi kuchli ekanini ko‘rsatadi. Shu bilan birga, o‘rtacha motivatsiyaga ega talabalar bilan psixologik ishlashni kuchaytirish ta’lim samaradorligini yanada oshirishga xizmat qiladi.
✨ Psixologlar tavsiya qiladi:
• Katta maqsadlarni kichik bosqichlarga bo‘ling
• Har bir muvaffaqiyatdan so‘ng o‘zingizni rag‘batlantiring
• Ijobiy fikrlashni shakllantiring: “Men qila olaman!”
• Yutuqlaringizni yaqinlaringiz bilan baham ko‘ring.
🚀 Esda tuting: motivatsiya — muvaffaqiyat sari ilk qadam.
Uni to‘g‘ri yo‘naltirsangiz, imkoniyatlar eshigi albatta ochiladi.
Muhim uchrashuv: yoshlar, xavfsizlik va kelajak
Tadbir O‘zbekiston Respublikasi Prezidenti raisligida o‘tkazilgan videoselektor yig‘ilishida belgilangan vazifalar ijrosini ta’minlash maqsadida tashkil etildi.
Unda O‘zbekiston Respublikasi Jamoat xavfsizligi universitetining Shayxontohur tumaniga biriktirilgan ishchi guruhi vakillari hamda mutaxassislar talaba-yoshlar bilan ochiq muloqot o‘tkazdilar. Uchrashuv davomida huquqbuzarliklarning oldini olish, huquqiy madaniyatni yuksaltirish, kiberxavfsizlik, sog‘lom turmush tarzini targ‘ib qilish kabi dolzarb masalalar muhokama qilindi.
Shuningdek, professor-o‘qituvchilar, rektor maslahatchisi va masʼullar tomonidan yoshlarga jamiyat xavfsizligi, vatanparvarlik va shaxsiy mas’uliyat haqida muhim fikrlar bildirildi.
Tadbirda, kiberxavfsizlik strategiyasi va kiberjinoyatchilikning oldini olish masalalariga ham alohida e’tibor qaratildi.
Uchrashuv davomida talabalar mutaxassislarga o‘zlarini qiziqtirgan savollar bilan murojaat qildilar, jonli va mazmunli muloqot bo‘lib o‘tdi.