Yangiliklar
XNU hamkorligida Finlyandiyada tajriba almashayotgan ta’lim tizimi vakillari Keljonkanjas o‘rta maktabi faoliyati bilan tanishdilar
January 23 , 2023
778
XNU hamkorligida Finlyandiya ta’lim tizimi bo‘yicha tajriba almashildi.
Maktab direktorlari Tarja Seppälä-Pänkäläinen (5-7-sinflar) va Marja Hänninen-Helin (8-9-sinflar) bilan suhbatda bo‘lib, Fin ta’lim tajribalarini o‘rganishga muvaffaq bo‘ldilar.
📌 Finlyandiyadagi ko‘plab maktablar singari ushbu maktabda ham o‘quvchilar oyoq kiyimlarini yechib kiradilar. Ya'ni, sinf xonasini o‘z uyidek his qilishadi va ozoda saqlashadi.
📌 Maktabda robototexnika darslari samarali tashkil etiladi. Darslarda Android va Windows tizimidagi qurilmalar uchun yaratilgan Spike Lego dasturidan foydalaniladi.
📌 Maxsus ehtiyojli bolalar uchun yordamchi o‘qituvchi faoliyat yuritadi, bu o‘quvchilarga kichik guruhda individual mashg‘ulot olish imkonini beradi.
📌 Fin maktablarida uyga vazifa faqat o‘tilgan darsni takrorlash uchungina beriladi, va buning uchun baho qo‘yilmaydi.
So'nggi yangiliklar
Inson ruhiyatini anglash san’ati: Nordikda mahorat darsi o‘tkazildi
Dars psixologiya fanlari doktori (DSc), professor Abdumo‘min Rasulov tomonidan olib borildi.
Mashg‘ulot davomida talabalar psixodiagnostik tekshiruvning nazariy asoslari, diagnostik test va so‘rovnomalardan foydalanish, kuzatuv usullari, natijalarni tahlil va interpretatsiya qilish, amaliy misollar asosida tadqiqot olib borish bo‘yicha muhim bilim hamda ko‘nikmalarga ega bo‘ldilar.
Ayniqsa, nazariya va amaliyot uyg‘unligida tashkil etilgan ushbu mahorat darsi Psixologiya yo‘nalishi talabalari uchun tajriba maktabi vazifasini o‘tadi.
“Fidoyilar” xotira kechasi: buyuk ma’rifatparvarlar xotirasi eʼzozlandi
Avlodlar uchrashuvida milliy tafakkur, tarixiy xotira va ma’rifatga hurmatni mustahkamlashga ahamiyat qaratildi.
Mazkur kechada o‘z umrini xalq ma’rifati, ilm-fan va pedagogika rivojiga bag‘ishlagan buyuk ma’rifatparvarlar hayoti hamda faoliyati yodga olindi. Ularning jasorati, ilm yo‘lidagi fidoyiligi va millat kelajagi uchun qilgan xizmatlari bugungi yosh avlod uchun chinakam ibrat maktabi bo‘lib xizmat qilayotgani eʼtirof etildi.
Bugun taraqqiyot haqida gap ketganda, avvalo, ma’rifat va tarbiya masalasi dolzarb ahamiyat kasb etmoqda. Aynan ana shunday fidoyi insonlarning boy merosini anglash va qadrlash esa yoshlarning Vatanga muhabbatini, ilmga hurmatini va ma’naviy mas’uliyatini yanada kuchaytiradi.
Xotira kechasi talabalarning mavzuga doir chiqishlari, mehmon maʼruzachilarning ibratli nutqlari bilan mazmunli kechdi.
Nordikda zamonaviy pedagogikaning yangi sahifalari
Bu yangi kitoblar bugungi ta’lim ehtiyojlariga javob beradigan muhim ilmiy va metodik manbalardir.
📘 Nashr etilgan qo‘llanmalar:
➖ “Информационно-коммуникационные технологии” (mualliflar — D. Sabirova, O. Azizov)
➖ “Oila pedagogikasi” (muallif — F. Islamova)
➖ “Maktabgacha ta’limda etnopedagogika” (muallif — M. Xasanova)
➖ “Milliy qadriyatlar asosida 5–6 yoshli bolalarda axloqiy sifatlarni shakllantirish metodikasi” (muallif — D. Mahmudova).
Mazkur qo‘llanmalarda zamonaviy pedagogik yondashuvlar, milliy qadriyatlar va tarbiya uyg‘unligi, raqamli texnologiyalarni ta’limga tatbiq etish, maktabgacha ta’limning innovatsion metodikalari hamda nazariya va amaliyotni bog‘lovchi metodik tavsiyalar keng yoritilgan.
Ushbu adabiyotlar O‘zbekiston Respublikasi Oliy ta’lim, fan va innovatsiyalar vazirligi tavsiyasi asosida nashr etilgani bilan ham alohida ahamiyatga ega.
Bu nashrlar talabalar uchun puxta bilim manbai, pedagoglar uchun metodik tayanch, ilmiy izlanuvchilar uchun esa zamonaviy ilmiy yo‘nalishlar bo‘yicha muhim resurs vazifasini bajaradi.
Sohibqironni anglash: eng munosib ijodiy ishlanmalar egalari taqdirlandi
Tanlov davomida talabalar Sohibqiron Amir Temur siymosini turli nigoh va yondashuvlar bilan talqin etdilar: strateg va davlat arbobi sifatida tasvirlashdi, adolat, ilm va bunyodkorlikka tayangan siyosatini zamonaviy qarashlar bilan uyg‘unlashtirishdi.
Ayniqsa, videorolik va esselarda Sohibqiron obrazining bugungi yoshlar tafakkuridagi o‘rni ko‘zga tashlandi.
Devoriy gazeta tanlovi g‘oliblari:
🥇 1-o‘rin — 1XT25 guruhi
🥈 2-o‘rin — 1JI25 guruhi
🥉 3-o‘rin — 1JI23 guruhi.
🎥 Videorolik tanlovi g‘olibi:
🏅 Magistratura bosqichi talabalari — 1 MTS 25.
✍️ Esse tanlovi g‘oliblari:
🥇 Asliddin Toshpo‘latov — 1JR25
🥈 Fazliddin Kulturayev — 1JI25
🥉 Nurillo Muxiddinov — 1BM25
🥉 Ilhom Sattarov — 1JI23.
Taqdirlash tadbiri davomida faol va ijodkor talabalar universitet rahbariyati tomonidan e’tirof etildi.