Universitet Kengashining 6-son yig‘ilishi yuqori tashkiliy saviyada o‘tkazildi

Seminarlarda "Pedagogika", "Iqtisodiyot va biznesni boshqarish" hamda "Sanoatni boshqarish va raqamli texnologiyalar" kafedralari izlanuvchilari ilmiy rahbarlari bilan hamkorlikda olib borgan tadqiqotlari yuzasidan erishilgan natijalarni taqdim etdilar.

Muhokamalar davomida dissertatsiya mavzularining dolzarbligi, ilmiy yangilik darajasi, amaliy ahamiyati, nashrlar holati hamda tadqiqotlarning keyingi bosqichlari atroflicha tahlil qilindi.

Monitoring jarayonida har bir tadqiqot yuzasidan tavsiyalar berilib, kelgusi ilmiy faoliyatning ustuvor yo‘nalishlari belgilab olindi.

Jumladan, "Musiqa va san’at", "Xorijiy til va adabiyoti"," Pedagogika" kabi mutaxassisliklar magistrantlari o‘z ilmiy tadqiqotlarida nazariy bilimlarni amaliy yechimlar bilan uyg‘unlashtirib, munosib himoya qildilar.

Himoya jarayonlarida tilshunoslik, adabiyotshunoslik, lingvokulturologiya, pragmalingvistika, xorijiy tillarni o‘qitish metodikasi, musiqa pedagogikasi hamda san’at ta’limining zamonaviy yo‘nalishlariga oid dolzarb ilmiy masalalar atroflicha tahlil qilindi.

Tadqiqotlarda sun’iy intellekt davrida til va kommunikatsiya, madaniyatlararo muloqot, zamonaviy ta’lim texnologiyalari, milliy va jahon madaniy merosini o‘qitishning innovatsion yondashuvlari kabi bugungi kun uchun muhim mavzular ilmiy asosda yoritildi.

Magistrantlar tomonidan taqdim etilgan dissertatsiyalar fundamental ilmiy izlanishlar bo‘lish bilan birga ta’lim amaliyotiga joriy etilishi joiz bo‘lgan tavsiyalarni ham o‘z ichiga oldi. Bu o‘z navbatida ilm-fan, ta’lim va amaliyot integratsiyasini ta’minlash, xalqaro tajribalarni milliy ta’lim tizimiga moslashtirish hamda pedagogik faoliyat samaradorligini oshirishga xizmat qiladi.

Tashrif doirasida doktor Ali Houshmand hamda Milanj Diamonds kompaniyasi Prezidenti Jalil Bami Xalqaro Nordik universiteti rahbariyati bilan uchrashib, ikki davlat o‘rtasidagi akademik hamkorlik istiqbollari yuzasidan keng qamrovli muzokaralar olib bordilar.

Muloqotda qo‘shma ta’lim dasturlarini rivojlantirish, double degree loyihalarini samarali amalga oshirish, o‘quv rejalarini integratsiyalash masalalariga eʼtibor qaratildi.

Uchrashuv davomida xalqaro dasturlar doirasida faoliyat yuritadigan professor-o‘qituvchilar tarkibini shakllantirish, ularning ilmiy va pedagogik malaka mezonlarini belgilash, ta’lim sifatini xalqaro akkreditatsiya talablari asosida ta’minlash hamda talabalar uchun imkoniyatlarni kengaytirish bo‘yicha fikr almashildi.

Himoya jarayonlari magistrantlarning nafaqat o‘z mutaxassisligi bo‘yicha chuqur nazariy bilimlarga, balki zamonaviy muammolarga innovatsion yechimlar taklif eta olish salohiyatiga ham ega ekanligini namoyon qilmoqda.

“Sanoatni boshqarish va raqamli texnologiyalar” kafedrasida Ma’lumotlar ilmi (Data Science) mutaxassisligi magistrantlari tomonidan taqdim etilgan ilmiy tadqiqotlar bugungi raqamli iqtisodiyotning eng muhim yo‘nalishlarini qamrab oldi.

Xususan, sun’iy intellekt texnologiyalaridan samarali foydalanish, Big Data asosida boshqaruv qarorlarini qabul qilish, biznes jarayonlarini optimallashtirish, ta’lim tizimini raqamlashtirish, logistika va moliyaviy tahlil sohalarida innovatsion yechimlarni ishlab chiqishga qaratilgan ilmiy ishlar ekspertlar tomonidan ijobiy baholandi.

Magistrlik dissertatsiyalarida oliy ta’lim muassasalari faoliyatida KPI ko‘rsatkichlarini avtomatik monitoring qilish va tahlil etish tizimlari, universitetlarga qabul jarayonlarini ma’lumotlar tahlili asosida prognozlash, korxonalarning daromad va xarajatlarini optimallashtirish modellari, yuridik shaxslarning moliyaviy hisobotlarini Data Science metodlari orqali tahlil qilish, savdo hajmlarini oldindan bashoratlash hamda logistika tarmoqlarida yuk oqimlarini prognozlash kabi amaliy ahamiyatga ega ishlanmalar o‘rin oldi.

E’tiborlisi, bir qator magistrlik ishlari doirasida real sektor va ta’lim muassasalari faoliyatida qo‘llash mumkin bo‘lgan dasturiy platformalar, analitik panellar hamda intellektual boshqaruv tizimlari ishlab chiqildi. Bu esa universitetda ilm-fan, texnologiya va ishlab chiqarish integratsiyasini ta’minlash borasidagi izchil ishlarning amaliy natijasidir.

Shuningdek, Ijtimoiy fanlar va jurnalistika kafedrasi magistrantlari tomonidan ham zamonaviy media makonida dolzarb bo‘lgan masalalar yuzasidan olib borilgan tadqiqot ishlari muvaffaqiyatli himoya qilindi.

Tadqiqotlarda O‘zbekistonda parlament faoliyatining ommaviy axborot vositalarida yoritilishi, Markaziy Osiyoda integratsion jarayonlarni rivojlantirishda axborot kommunikatsiyalarining o‘rni, siyosiy liderlar imijini shakllantirish texnologiyalari, bolalar ishtirokidagi media kontentlarda etik standartlarga rioya etish, harbiy jurnalistikada Qurolli Kuchlar imijini yaratish va mustahkamlash kabi muhim mavzular chuqur ilmiy tahlil qilindi.

— Nordik universitetida Jurnalistika mutaxassisligining birinchi magistrantlari dissertatsiya himoyalari yakunlandi. Ikki kun davom etgan himoyalarda shogirdlarimiz trevel jurnalistika, ta’limiy jurnalistika, siyosiy yetakchi imiji va turk davlatlari hamkorligi kabi yo‘nalishlaridagi dissertatsiya ishlarini munosib himoya qildilar va a’lo hamda yaxshi baholarga loyiq, deb topildilar, — deydi kafedra professor o‘qituvchisi Yulduz Ortiqova. — Ustozlik va ilmiy rahbarligim jarayonida ularga bor bilim va tajribalarimni berishga harakat qildim. Olgan ilm-u marifatlari hayot yo‘llarini yoritadi, deb umid qilaman va ular bilan fahrlanaman!

Magistrantlar tomonidan ishlab chiqilgan ilmiy xulosalar va amaliy tavsiyalar ommaviy axborot vositalari faoliyatini takomillashtirish, axborot siyosati samaradorligini oshirish hamda professional jurnalistika standartlarini mustahkamlashga xizmat qilishi bilan ahamiyatlidir.