Talaba almashinuvi dasturi amalga oshiriladi
February 23 , 2024
46
XNU va Trento Universiteti o‘rtasida talaba almashinuvi dasturi amalga oshirilmoqda.
📌 Xalqaro Nordik universiteti 2023-yilda Italiyaning yetakchi oliygohlaridan biri – Trento Universiteti bilan hamkorlik shartnomasini imzolagan edi.
📌 Kelishuv doirasida:
✅ O‘qituvchilar va talabalar almashinuvi,
✅ Qo‘shma diplom dasturlari,
✅ Ilmiy-innovatsion sohada qo‘shma loyihalar amalga oshirilishi rejalashtirilgan.
🎓 Bugungi muzokaralar natijasi:
Trento Universiteti XNUning bakalavriat va magistratura bosqichlarida bir nafardan talaba uchun bir yillik grant ajratdi.
📌 Grant doirasida:
🎓 Bakalavriat: 1 nafar talaba “Iqtisodiyot va menejment” yo‘nalishida o‘qish imkoniyatiga ega bo‘ladi.
🎓 Magistratura: 1 nafar talaba “Xalqaro menejment” yo‘nalishida bir yil davomida mutlaqo bepul ta’lim oladi.
📌 Trento Universiteti haqida:
🏆 Dunyoning eng kuchli oliy ta’lim muassasalari ro‘yxatida TOP-500 talikdan joy olgan.
🎓 16 mingdan ziyod talabaga ega.
📺 Trento universiteti haqida video:
📌 Nomzodlar uchun talablar va muhim jihatlar:
🔗 Batafsil
⚠️ ESLATMA:
📝 Arizalar 2024-yil 10-martgacha Xalqaro aloqalar departamenti tomonidan qabul qilinadi.
📍 Manzil:
📌 Toshkent shahri, Chilonzor tumani, Bunyodkor shoh ko‘chasi 8/2 uy.
📌 Xalqaro Nordik universiteti, 1-bino, 200-xona.
👤 Mas’ul: Shuhrat Toirov – Departament bo‘lim boshlig‘i
Telegram: @shtoirov
🗓 Tanlov natijalari XNU rasmiy telegram kanalida e’lon qilinadi:
Telegram: @nordic_edu
So'nggi yangiliklar
Dissertatsiya ishi muhokamasi: kafedralararo ilmiy seminar o‘tkazildi
Nordik universitetida Iqtisodiyot va biznesni boshqarish hamda Sanoatni boshqarish va raqamli texnologiyalar kafedralariaro ilmiy seminarda tadqiqotchining 08.00.07 "Moliya, pul muomalasi va kredit" ixtisosligidan iqtisodiyot fanlari bo‘yicha falsafa doktori ilmiy darajasini olish uchun tayyorlangan dissertatsiya ishi keng muhokama qilindi.
Dissertatsiyada turizm kompaniyalarining moliyaviy barqarorligini ta’minlash amaliyotini takomillashtirish yo‘llari keng o‘rganilganligi va tadqiqotchi tomonidan ishlab chiqilgan takliflar asoslanganligi eʼtirof etildi.
Dissertatsiya avtoreferatida turizm kompaniyalari moliyaviy barqarorligi tushunchasining iqtisodiy mazmuni va ahamiyati, unga ta’sir etuvchi omillar, bu borada xorijiy mamlakatlar tajribalari tadqiq etilganligi va ilmiy xulosalar ishlab chiqliganligi maʼlum qilindi.
Seminarda ishtirokchilar tadqiqot natijalarini yuqori baholab, mazkur ish sohaga munosib hissa qo‘shishini ta’kidlashdi.
Nordik talabalari eng yaxshi vizual taqdimot namoyish etdilar!
Ular “Xorijiy tillarni o‘qitishda ilg‘or innovatsion yondashuvlar” mavzusidagi ilmiy musobaqada o‘z chiqishlari bilan “Best Visual Presentation” nominatsiyasi bo‘yicha g‘oliblikni qo‘lga kiritishdi.
Talabalarimizga va ularning ilmiy rahbari - Xorijiy til va adabiyoti kafedrasi katta o‘qituvchisi Dinora Sodiqovaga sertifikat, diplom va esdalik sovg‘alari topshirildi.
Universitet kengashining 4-son yig‘ilishi bo‘lib o‘tdi
AQShning Rovan universiteti bilan hamkorlik aloqalarini yanada rivojlantirish va XNU huzurida Rovan universiteti Toshkentdagi markazining rasmiy ochilish marosimiga tayyorgarlik bo‘yicha vazifalar belgilandi. Kengash qaroriga ko‘ra, Rovan universiteti Prezidenti Ali Xushmandga universitetning Faxriy professori ilmiy unvoni berish masalasi muhokama qilindi.
Kengashda 2024-2025-o‘quv yili davomida kafedralar faoliyatini kompleks o‘rganish masalasi ko‘rilib, muntazam monitoringdan o‘tkazish rejalashtirildi.
Shuningdek, kafedra professor-o‘qituvchilarini malaka oshirishga safarbar etish bo‘yicha chora-tadbirlar belgilab olindi.
Universitet professor-o‘qituvchilari tomonidan yaratilgan adabiyotlar kengash tomonidan ko‘rib chiqildi va ularning ta’lim jarayonidagi ahamiyati yuqori baholandi.
Kengash kun tartibidagi masala - “Ma’rifat soati” darslarini yuqori saviyada tashkil etish va mazmunini boyitish, islohotlar, dunyodagi siyosiy vaziyat bo'yicha "Zakovat", debat va brain bo‘yicha qator takliflar bildirildi. Mamlakatimizda amalga oshirilayotgan ijtimoiy-iqtisodiy islohotlarning mazmun-mohiyatini talaba-yoshlarga yetkazish va jarayonlarda ularning ishtirokini taʼminlash maqsadida "Maʼrifat darslari"ga puxta hozirlik ko‘rish chora-tadbirlari belgilandi.
Kengash yig‘ilishida XNU rektori Sherzod Mustafakulov prorektor Muhammadsiddiq Amonboyeyga professorlik, Pedagogika kafedrasi mudiri Dilafruz Miraliyeva, Iqtisodiyot va biznesni boshqarish kafedrasi mudiri Xasan Sabirov va Xorijiy til va adabiyoti kafedrasi mudiri Dilshod Nasriddinovga dotsentlik diplomlarini taqdim etdi. Kengash aʼzolari diplom egalarini yangi ilmiy yutuqlari bilan samimiy tabrikladilar.
Kengashda ko‘rilgan barcha masalalar yuzasidan tegishli qarorlar qabul qilindi.
Nobel sohiblari: iqtisodiyotga yo‘l ochgan 40 yulduz
Risolada ilm-fan taraqqiyoti yo‘lida muhim kashfiyotlarni amalga oshirgani uchun turli yillarda Nobel mukofotiga sazovor bo‘lgan 40 nafar olimning hayoti va faoliyati, ular bilan bo‘lgan intervyular jamlangan.
Ular jamiyatga qanday hissa qo‘shgan? Ilm-fan va taraqqiyot sari bosib o‘tgan yo‘llari nima bilan ahamiyatli?
Kashfiyotlar, qonunlar va mexanizmlar haqidagi batafsil bilim darhol tatbiq etilmasligi mumkin, ammo ular bilan tanishish dunyo ahliga koinotdagi o‘rnini anglashga, atrof-muhitdan xabardor bo‘lishga yordam beradi. Kitobda jamlangan memorial mukofot sohiblarini "Insoniyatga eng katta foyda keltirganlar", deb atasak mubolag‘a bo‘lmaydi. Ularning hayoti va ilmiy faoliyati bilan tanishish kitobxonlar uchun ulkan ilhom manbaidir.
Ushbu risola iqtisodiyot yo‘nalishida taʼlim olayotgan talabalar, yosh tadqiqotchilar, pedagoglar va keng kitobxonlar ommasi uchun muhim qo‘llanmadir (nashrga tayyorlaganlar - Sherzod Mustafakulov, Xasan Sabirov, Nizomiddin O‘rmonov, Muxtasar Isaqova).