Yangiliklar
Sifat, natija va yangi marralar: Nordik universitetining 2025-yil yakunlari tahlil etildi
December 22 , 2025
549
Nordik universiteti rektori, professor Sherzod Mustafakulovning professor-o‘qituvchilar bilan uchrashuvi samimiy va tahliliy ruhda kechdi.
Uchrashuvda 2025-yil — “Taʼlimda sifat bosqichi va ilmiy tadqiqotlarni kuchaytirish yili” doirasida amalga oshirilgan akademik va noakademik faoliyat sarhisob qilindi.
Yil davomida universitet barcha tuzilmalarining barqaror taraqqiyot yo‘lidagi izchil qadamlari, taʼlim sifati va ilmiy salohiyatni oshirish borasidagi tizimli yondashuvlari alohida eʼtirof etildi. Xususan, xalqaro hamkorlik geografiyasi kengayib, yangi muzokaralar, tashriflar va memorandumlar hamda ilmiy muloqotlar orqali yanada mustahkamlandi. Ilmiy tadqiqotlar, nashrlar, grantlar va loyihalar doirasi kengaydi, taʼlim eksporti yo‘nalishida o‘ziga xos Nordik tajribasi shakllandi.
Shuningdek, raqamli rivojlanish va samarali boshqaruv mexanizmlari, maʼnaviy-maʼrifiy ishlar tizimi, ustoz va talabalar yutuqlari, ilmiy muvaffaqiyatlar hamda yangi markazlar faoliyati tahlil qilindi. Bu jarayonlar taʼlim sifatini ijobiy natijalar bilan mustahkamlashga xizmat qilayotgani taʼkidlandi.
Uchrashuvda rektor tomonidan yangi 2026 — “Yashil universitet sari: global mehnat bozori talabi asosida raqobatbardosh kadrlar tayyorlash” yili doirasida jamoa oldida turgan ustuvor vazifalar, strategik yo‘nalishlar va aniq maqsadlar belgilab berildi.
Bu yo‘nalishlar ta’lim sifatini yangi bosqichga olib chiqish, ilmiy tadqiqotlarni xalqaro talablarga mos rivojlantirish hamda universitetning global raqobatbardoshligini kuchaytirishga qaratilgan.
Xususan, ta’lim jarayoniga AI-integratsiyalashgan yondashuvlarni joriy etish, ta’lim dasturlarini mehnat bozori talablari asosida yanada takomillashtirish ustuvor vazifa sifatida belgilandi.
Professor-o‘qituvchilar va talabalar uchun academic mobility imkoniyatlarini kengaytirish, xalqaro va milliy akkreditatsiyalarga puxta tayyorgarlik ko‘rish, fakultetlarni soha klasterlari asosida rivojlantirish bo‘yicha chora-tadbirlar belgilandi.
Shuningdek, ta’lim sifati bo‘yicha KPI va reyting tizimlarini joriy etish, talabalar bandligi va startap tashabbuslarini tizimli qo‘llab-quvvatlash, amaliyotga yo‘naltirilgan fanlar ulushini oshirish, dars dizayni va baholash tizimlarini takomillashtirish muhim vazifalar sifatida qayd etildi.
Bundan tashqari, qabul va marketing jarayonlarida maqsadli saʼy-harakatlar izchilligini taʼminlash, Nordik ilmiy mahsulotlarini xalqaro ilmiy bazalarda faol ilgari surish vazifalari belgilandi. Ushbu yondashuvlar orqali raqamli, ochiq va insonparvar universitet modelini izchil shakllantirish ko‘zda tutilmoqda.
Shuningdek, professor-o‘qituvchilar uchun xorijda malaka oshirish imkoniyatlari, yangi dasturlar va yaqinlashib kelayotgan treninglar haftaligi bo‘yicha ham muhim maʼlumotlar yetkazildi.
Mazkur uchrashuvda Xalqaro Nordik universiteti jamoasi aniq strategiya, puxta reja va jamoaviy mas’uliyat asosida yanada ilg‘or harakat qilishga undaldi.
So'nggi yangiliklar
O‘zbekiston iqtisodiyoti yuqori o‘sish dinamikasini saqlab qolmoqda
Makroiqtisodiy barqarorlikni ta’minlash, unga salbiy omillar ta’sirini kamaytirish, iqtisodiy tarmoqlarni yanada rivojlantirish, investitsiya faolligini kuchaytirish masalalari davlatning asosiy faoliyat mezoniga aylangan.
📰 "Xalq so‘zi" gazetasining 2-may kungi sonida nashr etilgan yangi maqolada mavzuga doir keng tahliliy nuqtai nazarlar ifodalangan.
✓ Bugun qtisodiy islohotlar qay darajada samara beryapti?
✓ Investitsiyalar va eksport o‘sishi qay tarzda ta’minlanmoqda?
✓ Qaysi sohalar iqtisodiyotni “harakatlantiruvchi kuch” vazifasini o‘tayapti va eng muhimi — bu o‘sish qanchalik barqaror?
Maqolada shu kabi dolzarb savollarga javoblar olish mumkin.
Tahlillar shuni ko‘rsatadiki, raqamlar ortida tizimli o‘zgarishlar, yangi yondashuvlar va global iqtisodiy chaqiriqlarga moslashish jarayonlari yotibdi. Ayniqsa, sanoat, xizmatlar va investitsiya muhitidagi dinamika alohida diqqatga sazovor.
Shuningdek maqolada ijobiy jihatlar bilan birga hal qilinishi lozim bo‘lgan muammolar, cheklovlar va kelgusidagi ustuvor vazifalar ham xolis tahlil qilingan.
Mamlakat iqtisodiyotidagi vaziyat va kelajak tendensiyalari tahliliga qiziqqanlar uchun ushbu maqola kerakli manbalardan biridir.
✍️ Muallif: Munis Abdullayev, Xalqaro Nordik universiteti kafedra mudiri.
Federatsiya ➖ Nordik ➖ inklyuziv maktab hamkorligi: "Har bir yosh — imkoniyat egasi!"
Prezident tomonidan sport sohasida belgilab berilgan ustuvor vazifalar ijrosi doirasida O‘zbekiston shaxmat Federatsiyasi, 77-sonli ixtisoslashtirilgan maktab-internati hamkorligida o‘quvchilar hamda Nordik universiteti talabalari ishtirokida shaxmat va shashka musobaqasi o‘tkazildi.
Bugungi ta’lim siyosatida inklyuzivlik zaruriy tamoyil. Shu maʼnoda, mazkur musobaqa orqali yoshlarning intellektual salohiyatini ochish, ularni ijtimoiy faollikka jalb etish hamda “har bir yosh — imkoniyat egasi” degan g‘oyani amalda ro‘yobga chiqarishga alohida e’tibor qaratildi.
Tadbirda O‘zbekiston Shaxmat federatsiyasi vakillari hamda xalqaro grossmeysterlar ishtirok etib, yoshlar bilan ochiq muloqot olib bordilar. Bu bilan esa ishtirokchilar uchun nafaqat musobaqa, balki xalqaro darajadagi ustozlar tajribasidan bevosita bahramand bo‘lish imkoniyati ham yaratildi.
Shuningdek, shaxmatga oid kitoblar taqdimoti o‘tkazilib, bilim almashildi. Eng sara qo‘llanmalar jamlanmasi yosh ishtirokchilarga sovg‘a qilindi.
🏆 Shaxmat musobaqasi g‘oliblari (talabalar):
🥇 Zafar Zoitjonov
🥈 Farangiz Abdumo‘minova
🥉 Aziz Azimov.
🔲 Shashka bo‘yicha g‘oliblar (maktab o‘quvchilari):
🥇 Shukrulloxon Salomov
🥈 Diyorbek Joniqulov
🥉 Oybek Rahimqulov.
Nordik universitetida tafakkurli avlodni tarbiyalash, yosh yetakchilarni shakllantirish va ta’limda haqiqiy teng imkoniyatlarni ta’minlashga qaratilgan tashabbuslar izchil davom etadi.
Ta’lim siyosatida yangi paradigma: sun’iy intellekt va til kompetensiyalari
Ushbu anjumanda zamonaviy ta’lim siyosatining ustuvor yo‘nalishlari — raqamlashtirish, innovatsion pedagogika va sun’iy intellekt integratsiyasi chuqur ilmiy muhokama qilindi.
Bugungi globallashuv sharoitida xorijiy tillarni mukammal egallash nafaqat kommunikativ ehtiyoj, balki iqtisodiy va ilmiy raqobatbardoshlikning muhim omiliga aylanmoqda. Konferensiyada ta’kidlanganidek, aynan sun’iy intellekt texnologiyalari orqali ushbu jarayonda tub burilish yasalib, ta’lim tizimi yangi bosqichga olib chiqilmoqda.
Anjumanda ta’lim siyosati nuqtayi nazaridan asosiy yo‘nalishlar alohida e’tibor markazida bo‘ldi:
— raqamli transformatsiya va adaptiv o‘quv platformalari orqali individual ta’lim trayektoriyalarini shakllantirish;
— avtomatlashtirilgan tarjima tizimlari yordamida lingvistik modellar asosida tarjima sifatini oshirish;
— intellektual lingvistika orqali matnlarni semantik tahlil qilish va interpretatsiya jarayonlarini avtomatlashtirish.
Mazkur yo‘nalishlar ta’lim tizimida an’anaviy “bilimni uzatish” modelidan “bilimni boshqarish va ishlab chiqarish” modeliga o‘tish jarayonini yaqqol ifodalaydi.
Konferensiya doirasida sun’iy intellekt asosidagi innovatsion pedagogik yondashuvlar, AI texnologiyalarini ta’limga joriy etishning konseptual asoslari, badiiy matnlarni raqamli metodlar orqali tahlil qilish hamda tarjimashunoslikda AI’ning lingvistik va funksional imkoniyatlari keng yoritildi. Bu yo‘nalishlar amaliy jihatdan ta’lim sifatini oshirish, o‘qitish metodikasini modernizatsiya qilish va tarjima jarayonlarini optimallashtirishga xizmat qiladi.
Anjuman xalqaro miqyosda o‘tkazilib, unda xorijiy davlatlar va respublikamiz oliy ta’lim muassasalari professor-o‘qituvchilari, ilmiy tadqiqotchilar, soha mutaxassislari hamda iqtidorli talabalar faol ishtirok etdilar. Ilmiy muloqotlar davomida ilg‘or g‘oyalar almashildi, akademik hamkorlik aloqalari yanada mustahkamlandi.
Tadbir ishtirokchisi - AQSh Davlat departamenti ingliz tili bo‘yicha mutaxassisi, O‘zDJTU professori Giuseppe Chiaramonte o‘z taassurotlarini bildirib, sun’iy intellektni ta’lim jarayoniga to‘g‘ri tatbiq etish, undan oqilona foydalanish va talabalarni to‘g‘ri yo‘naltirish bugungi kun o‘qituvchisining eng muhim vazifalaridan biri ekanini ta’kidladi. U Markaziy Osiyo davlatlari tajribasini qiyoslab, O‘zbekistonda innovatsiyalarga ochiqlik, yangi g‘oyalarni qo‘llab-quvvatlash va ularni amaliyotga joriy etish borasidagi ijobiy muhitni alohida e’tirof etdi. Uning “Inson agentligi, mashina ravonligi: til o‘qitish va tarjima uchun yangi savodxonlik” mavzusidagi kreativ ma'ruzasi katta qiziqish bilan tinglandi.
Buyuk merosga nazar: talabalar esse tanlovida
Uning bebaho merosi — "Temur tuzuklari" esa asrlar osha davlat boshqaruvi va insoniy qadriyatlar maktabi bo‘lib xizmat qilib kelmoqda.
Ana shu buyuk merosni chuqur anglash, uni zamonaviy nigoh bilan talqin qilish maqsadida Nordikning kitobxon talabalari o‘rtasida esse tanlovi tashkil etildi.
Yoshlarimiz “Temur tuzuklari – adolat va davlat boshqaruvi maktabi” mavzusida qalam tebratar ekanlar, ular tarixga murojaat qilish barobarida bugunning muhim savollariga ham javob izladilar.
Bu tanlov yoshlar tafakkuri, tahliliy qarashi va o‘zlikni anglash yo‘lidagi o‘ziga xos yo‘l bo‘ldi.