Yangiliklar
Professor-o‘qituvchilar uchun seminar-trening haftaligi o‘tkazilmoqda
December 24 , 2024
132
Muhim haftalik
Nordik universitetida zamonaviy pedagogik texnologiyalar, foydali taʼlim dasturlari va metodlar bo‘yicha ilm hamda malakalarni rivojlantirish maqsadida seminar-treninglar tashkillanmoqda.
Unda barcha professor-o‘qituvchilar, prorektorlar, kafedralar mudirlari, departamentlar rahbarlari va ilmiy xodimlar ishtirok etishmoqda.
Treningda prorektorlar tomonidan yangi o‘quv yiliga tayyorgarlik, taʼlim-fan-ishlab chiqarish integratsiyasi, ilmiy tadqiqotlar va ularni faollashtirish yo‘llari keng muhokama etilib, zarur tavsiyalar berildi.
Shuningdek, talabalarning darslarda ishtirok etishi va professor-o‘qituvchilar bilan munosabatlari tahliliy o‘rganildi. O‘qituvchilarning o‘quv jarayonlari sifatini oshirish borasidagi takliflari o‘rganildi.
Treningda akademik faoliyat sarhisob qilindi va oldinda turgan vazifalar belgilandi. Ustozlarga Scopus bazasidagi ilmiy jurnallarda maqolalar chiqarish borasidagi yangi tajribalar yetkazildi.
"O‘yinlar nazariyasi: optimal qarorlar!" mavzusidagi trening ham qiziqarli va samarali o‘tdi.
Haftalikda trening ishtirokchilarini kreativ, sanogen va tanqidiy fikrlash texnologiyalari, interfaol o‘qish shakllari va tadqiqotchilik metodlari bo‘yicha qiziqarli master-klasslar kutmoqda.
So'ngi yangiliklar
Turkiyaning Marmara universiteti bilan hamkorlik o‘rnatilmoqda
Uchrashuv davomida ikki universitet o‘rtasida talabalar almashish, o‘qituvchilarning malakasini oshirish takliflari bildirildi.
Yevropa Ittifoqining ta'lim, o‘qitish sohalarida loyihalar va mobillikni qo‘llab-quvvatlash Erasmus+ dasturi va xalqaro grant tanlovlarida ishtirok etish, ilmiy tadqiqotlar va innovatsion ishlanmalar ustida ish olib borish kabi masalalarda hamkorlikka kelishildi.
Maʼlumot uchun, 1883-yilda tashkil etilgan mazkur universitet mamlakatning eng qadimgi va ko‘p tilli oliy ta’lim muassasalaridan biri hisoblanadi. 80 000 nafardan ziyod talabalari mavjud bo‘lib, 5 000 nafardan ortig‘ini xorijiy talabalar tashkil etadi.
Garvard universiteti talabalari ilk bor O‘zbekistonda!
Dunyodagi eng nufuzli universitetlardan biri bo‘lgan Garvardning 46 nafar magistrant, doktorant va tadqiqotchilari yurtimizga tashrif buyurmoqda.
Ushbu tarixiy tashrif doirasida:
✅ 21-martda - Nordik universiteti rahbariyati, jamoasi bilan Garvard tadqiqotchilari o'rtasida uchrashuv
✅ Ilmiy hamkorlik, o‘zbekistonlik mutaxassislar uchun malaka oshirish imkoniyatlari bo‘yicha muzokaralar
✅ Nordikning Navro‘z bayrami tadbirlarida ishtirok etish
✅ Buxoro, Samarqand, Toshkent shahri va viloyatining diqqatga molik manzillariga sayohatlar kutilmoqda.
Bu tashrif Nordik va Garvard universiteti o‘rtasidagi hamkorlikni mustahkamlash, ilmiy almashinuvni rivojlantirish va iqtidorli yoshlar uchun yangi imkoniyatlar yaratishga xizmat qiladi!
🔎 Tashrif tafsilotlari va yangiliklarni kuzatib boring!
Go‘zallik bayrami: Nordik malikalarida isteʼdod va ijodkorlik mahorati ustuvor
Ishtirokchilar o‘z qobiliyatlari, qalb go‘zalligi, intellekti, ijodkorlik va ijtimoiy faollik sifatlarini namoyish etgan holda bellashdilar.
Farzona Saidanvarxo‘jayeva, Gulsora Abduqunduzova, Komila Abdalova, Xurshida Yusupova, Diyora Qo‘chqorova va Sumaya Yuldasheva tanlovning saralash bosqichidan muvaffaqiyatli o‘tib, final bosqichida barchani hayratga soldilar.
Tanishtiruv, kitobxonlik, intellektual qobiliyat namoyishi va erkin mavzu shartlari talaba-qizlarimizning bor mahoratlarini ochib berishga xizmat qildi.
Ushbu yorqin bahslarda har jihatdan yetakchilikni qo‘lga kiritgan Boshlang‘ich taʼlim yo‘nalishi talabasi Xurshida Yusupova ustozlari, kursdosh-do‘stlari ishonchini oqlab, "Miss Nordik" nomiga sazovor bo‘ldi!
Muhimi, tanlov davomida ishtirokchilarning do‘stlari va jamoalari ularni faol qo‘llab-quvvatlab, muvaffaqiyat sari rag‘batlantirib turdilar. Bu esa universitetdagi jamoaviy ruh, do‘stlik va birdamlik muhitining yana bir yorqin namoyishi bo‘ldi.
Nordikda bayramona dastur: "Ayolga baxt bering, saodat bering!"
Universitet rektori Sherzod Mustafakulov jamoadagi xotin-qizlarni bahor fasli, go‘zallik va nafosat ayyomi bilan tabriklab, samimiy tilaklar bildirdi. Ayollarning yaratuvchilik, ilhombaxsh xislatlari, fazilatlarini eʼtirof etib o‘tdi.
Bayramda hamkasblarni ovozidan tanish, dublyaj va musiqa, rassomlik, tez aytish, tezkor savol-javob kabi bir-biridan qiziqarli hamda kutilmagan shartlar Nordik xotin-qizlariga chin bayramona kayfiyat bag‘ishladi. Barcha shartlar qiziqish va tabassum bilan uddalandi.
Jamoa yigitlari ijrosidagi "Aziz va muqaddas ayol" qo‘shig‘i olqishlar bilan kutib olindi. Nordik rahbar ayollari haqida tayyorlangan chiqishlar unutilmas lahzalarni taqdim etdi. Boshlovchilar mahorati davrada bayram ruhiyatini yuksaltirib turdi.
Bugun bayram sovg‘alari, musiqiy tuhfalar, eng samimiy ehtirom Nordik xotin-qizlariga bag‘ishlandi.