Ta’limdan yashil energetikagacha: Gonkong delegatsiyasi bilan muhim uchrashuv

Muloqotda yashil energetika, barqaror rivojlanish, innovatsiyalar va zamonaviy mutaxassislar salohiyatini oshirish masalalarida so‘z bordi.

Tomonlar, xususan, capacity building doirasida trening va ta’lim dasturlarini yo‘lga qo‘yish, yashil energetika bo‘yicha qo‘shma loyihalarni amalga oshirish hamda xalqaro tajriba almashinuvini kengaytirish istiqbollarini muhokama qildilar.

Uchrashuvda Xalqaro Nordik universiteti vakillari 2027-yilda Gonkongda o‘tkaziladigan Vodorod simpoziumi va Study Tour dasturida ishtirok etishga taklif qilindi.

Mazkur muloqot Nordikning yashil energetika, ta’lim va innovatsiyalar bo‘yicha xalqaro hamkorlik tarmog‘ini kengaytirish, ilg‘or tajribalarni ta’lim jarayoniga olib kirish va yangi qo‘shma loyihalarni shakllantirish uchun yangi imkoniyatlar yaratishi kutilmoqda.