Nordikka keling va o‘tmishga sayohat qiling!
January 11 , 2025
66
Ko'rgazma
Markaziy Osiyo va Xitoy bo‘ylab sayohat qilishga imkoniyatingiz bo‘lsa avlodlar uchun nima qilgan bo‘lar edingiz yoki nima qoldirardingiz?
Bundan yuz yil avval sayohat qilgan fin sayyohi Karl Gustav Mannergeym oson bo‘lmasa ham o‘sha davr haqida tasavvur beradigan noyob suratlar olib qoldirgan. Madaniyatlarni rasmlarga muhrlab qo‘ygan.
Nordik universitetida namoyishi davom etayotgan ushbu suratlar ko‘rgazmasi bilan sizning ham tanishish imkoniyatingiz bor!
Bugun JIDU Akademik litseyi o‘quvchilari tarixiy noyob suratlar bilan kelib tanishib ketdilar.
O‘z davrining To‘marisi - "Oloy malikasi", "Xalq onasi" nomi bilan tanilgan Qurbonjon dodxohni qanday tasavvur qilasiz?
📸 Nordikdagi ko‘rgazmada uning asl suratini ham ko‘rsangiz bo‘ladi.
So'ngi yangiliklar
II O‘zbekiston - Finlandiya biznes forumi: istiqbolli yo‘nalishlarda hamkorlikning yangi bosqichi
Finlandiyaning “Peikko”, “Kone”, “AINS Group”, “Elematic” va “East office” yirik kompaniyalari hamkorligida o‘tkazilfyotgan xalqaro forumda ikki davlat vazirlik va idoralari, dunyoning yetakchi fin kompaniyalari, 50 ta mahalliy kompaniyalar rahbarlari va mutaxassislari hamda OAVlar vakillari ishtirok etmoqdalar.
Xalqaro Nordik universitetida ushbu forumning ochilishi bo‘lib o‘tdi. Finlandiyaning O‘zbekistondagi faxriy Konsuli, Nordik universiteti Kuzatuv kengashi raisi Alisher Jo‘rayev forumning ahamiyatiga alohida to‘xtalib o‘tdi. Forum doirasida Finlandiya kompaniyalarining eng zamonaviy qurilish texnologiyalari, innovatsion ishlanmalari, asbob-uskunlari hamda qurilish konsepsiyalari namoyish etilishini ma’lum qildi.
Finlandiyaning Markaziy Osiyodagi favqulodda va muxtor elchisi Ilkka Raisanen forumda yetakchi fin kompaniyalari va mahalliy biznes vakillarining B2B, B2G uchrashuvlari tashkil etilishi o‘zaro hamkorlik shartnomalari imzolash va kelajakda istiqbolli loyihalar bo‘yicha hamkorlik qilishda muhim ahamiyat kasb etishini ta’kidlab o‘tdi. O'zbekistonda iqtisodiyot sektorlarining jadal rivojlanayotganidan mamnunligini bildirdi.
Finlandiyaning eng katta aksiyadorlik jamoalarini o‘z ichiga olgan “East office” kompaniyasi ijrochi direktori Janne Harjunpaa forum ishida barcha delegatlarga muvaffaqiyat tiladi.
Biznes-forumda delegatlar tomonidan ikki mamlakatning o‘zaro hamkorligini yanada rivojlantirishga qaratilgan taqdimotlar namoyish etildi. “Peikko”, “Kone”, “AINS Group”, “Elematic” va “East office” kompaniyalarining innovatsion yechimlari, tajribalari, tadqiqot va biznes loyihalari, maqsadlari va O‘zbekistonda tizimlarga olib kirilishi mumkin bo‘lgan yangi texnologiyalari bilan tanishildi.
Forumda biznes va ishbilarmon doiralar tomonidan savdo-iqtisodiy, sarmoyaviy hamkorlikning bugungi holati va istiqboli muhokama qilindi.
O‘zbekiston - Finlyandiya kompaniyalarining iqtisodiy munosabatlarini kengaytirish, yuqori texnologiyalarga asoslangan qo‘shma ishlab chiqarish va savdo ob’yektlarini yaratish, ilmiy tadqiqotlarni amalga oshirish, iqtisodiy sohalar uchun yuqori malakali kadrlar tayyorlash va ularning amaliyotlarini tashkil etish kabi qator yo‘nalishlarda kooperatsiya aloqalarini o‘rnatish imkoniyatlari mavjudligi ma’lum qilindi.
Forum doirasida B2B, B2G formatdagi uchrashuvlar o'tkaziladi va har tomonlama manfaatli hamkorlik borasida muzokaralar olib boriladi. Ishbilarmon doiralar bilan o‘zaro hamkorlik shartnomalari imzolanadi va kelajakda istiqbolli loyihalar bo‘yicha hamkorlik qilishga kelishiladi.
Ma’lumot uchun: 2022-yil Xalqaro Nordik universiteti va “Saipro Group” tomonidan O‘zbekiston Respublikasi Tashqi ishlar vazirligi ko‘magida O‘zbekistonda ilk bor birinchi "O‘zbekiston-Finlyandiya xalqaro biznes-forumi" o‘tkazilgan. Unda ikki davlat vazirlik va idoralari, dunyoning yetakchi fin kompaniyalari, xususan, Nokia, Reka Sables, FinnPartnership, Honka, Kone, Suokone kabi 30 dan ortiq kompaniya rahbarlari va mutaxassislari ishtirok etgan.
Trenddagi zamonaviy kasblar o‘rganilmoqda
Raqamli transformatsiya markazida talabalar bilan dasturlash va 3D modellar bo‘yicha ilmiy izlanishlar, amaliy ishlarga eʼtibor qaratilyapti.
Boshlang‘ich ta’lim yo‘nalishi talabalari "Robototexnika asoslari" fanidan nazariy bilimlarini amalda qo‘llab, ishlanmalar yaratdilar.
Dastlab NX dasturida robot mashinaning 3D modeli loyihalashtirildi. Uning dasturiy ta’minot qismi Arduino platformasi orqali ishlab chiqildi.
Universitetda yaratilgan sharoitlardan unumli foydalanilmoqda. Robot mashinaning qismlari markazda mavjud 3D printerlar orqali chiqarildi.
Talabalarda amaliy ko‘nikmalar samarali shakllantirilmoqda, fan, ta’lim va ishlab chiqarish integratsiyasi ta’minlanmoqda. Talabalarni zamonaviy kasblar bo‘yicha doimiy rivojlantirish markaz faoliyatining asosiy maqsadlaridan.
Nordikda bolajonlar uchun yangi loyiha!
Hozirgi paytda bolalar va ota-onalar ham kasb tanlashda qiynalishadi. Bu borada ko‘p izlandim, kasbga oid kitoblar o‘qidim. Afsuski, o‘zbek kitob auditoriyasida kasblarga oid kitoblar uchratmadim.
Chet el yozuvchilarining kitoblarini tarjima qilish niyati ham bo‘ldi, lekin mentalitet va qadryatlarimizga mos kelmas tomonlari topildi. "Bu kitoblarni o‘zim yozsamchi", dedim va ushbu mo‘jaz kitoblar turkumi dunyoga keldi.
Ushbu mo‘jazgina kitobchalar maktabgacha va boshlang‘ich taʼlim jarayonlarida pedagoglarimiz uchun muhim yordamchi qo‘llanma vazifasini ham o‘taydi.
Bolajonlaringizni mutolaa zavqidan bebahra qoldirmang!
Muhammadali Mamadaliyev,
Xalqaro Nordik universiteti nashriyoti bosh muharriri, jurnalist.
Yana bir talabamiz Koreyada taʼlim oladi!
Nordik universiteti Janubiy Koreyaning Daegu universiteti bilan yangi taʼlim manbalari va resurslari bo‘yicha tajribalar hamda talabalar almashish borasida faol hamkorlik qilmoqda.
Hamkorlik natijasida Nordikning 1 nafar talabasiga Daeguda o‘qish uchun grant taqdim etildi.
Xorijiy til va adabiyoti yo‘nalishi talabasi Madinabonu Mahmudaliyeva ushbu nufuzli oliygohda o‘qish uchun Koreyaga yo‘l oladi. O‘qish xarajatlari grant dasturi tomonidan qoplanadi.