Bitiruvchi-2026: Nordikda yuzlab orzular ushaldi
February 01 , 2026
1685
2026-yil 31-yanvar. Toshkent shahri, Yoshlar ijod saroyi bayramona bezatilib, orzu, umid va kelajakka ishonchi yuksak bitiruvchilar bilan gavjum bo‘ldi.
Xalqaro Nordik universitetining bitiruv kechasi yuzlab yangi mutaxassislar kelajakka yo‘l olgan tarixiy lahzalarga aylandi.
Tadbir O‘zbekiston Respublikasi Davlat Madhiyasi sadolari bilan ochildi. Ushbu ulug‘ qo‘shiq bitiruvchilarga nafaqat faxr, balki yurt, xalq oldidagi mas’uliyat, fidoyilik va vatanparvarlik tuyg‘ularini yana bir bor eslatdi.
Hayajonli kechada talabalik yillarining eng yorqin onlari, jonkuyar ustozlar saboqlari — barcha-barchasi bitiruvchilar ko‘z oldidan qayta o‘tdi. Zero, auditoriyadagi mehnatli kunlar, ilmiy izlanishlar, ijodiy loyihalar, talabalar hayotidagi samimiy lahzalar eslanganda uzoq yillar qalblarda faxr va sog‘inch uyg‘otishi, tabiiy.
Tadbirning ochilishida Xalqaro Nordik universiteti rektori, professor Sherzod Mustafakulov bitiruvchilarni mashaqqatli va sharafli ilm yo‘lini muvaffaqiyatli bosib o‘tganlari bilan samimiy qutladi. Yetuklik diplomi, mustaqil fikr, mas’uliyat, mehnat va hayotga tayyorlikni qo‘lga kiritgan Nordik oilasi vakillariga eng ezgu tilaklarini yo‘lladi. Nordik o‘z bitiruvchilarini nafaqat malakali kasb egasi, balki jamiyatning faol, jonkuyar a’zolari, ayniqsa yosh avlodni oldinga yetaklaydigan maʼrifatparvar shaxslar, talabgor mutaxassislar etib tarbiyaladi. Bitiruvchi-mutaxassislarning yurtimiz taʼlim tizimi, xususan maktabgacha taʼlim sohasida yosh avlodga bor qalb qo‘rlari bilan taʼlim-tarbiya berish, muhimi shaxs va barkamol inson sifatida tarbiyalashlariga katta ishonch bildirildi.
Shuningdek, tadbirda ishtirok etgan nufuzli mehmon – O‘zbekiston Respublikasi Maktabgacha va maktab ta’lim vazirligi Pedagog kadrlarni tayyorlash va kasbiy rivojlantirish boshqarmasi boshlig‘i Husanjon Gʻaniyev bitiruvchilarni mamlakat ta’limi va taraqqiyoti yo‘lida faol bo‘lishga chorlab, ularga yuksak ishonch bildirdi.
Nordik universiteti Faxriy professori, O‘zbekiston, Qoraqalpog‘iston, Tatariston va Boshqirdiston Respublikalari xalq artisti Jenisbek Piyazov ijrosidagi kuy-qo‘shiqlar kechaga yuksak ruh bag‘ishlab, bitiruvchilar qalbida o‘zgacha quvonch uchqunini yoqdi.
Tantanali taqdirlash marosimida universitetning barcha akademik talablarni to‘liq bajargan bitiruvchilar sahnaga taklif etildilar. Olqishlar ostida diplomlar tantanali topshirildi.
Taniqli va xushovoz xonandalar Jahongir Poziljonov, Hayotbek Xolmatov hamda Musiqa ta’limi kafedrasi professor-o‘qituvchilari ijrolaridagi kuy-qo‘shiqlar bitiruv kechasini chinakam bayramga aylantirdi.
Kecha yakunida Universitet Madhiyasi barcha ishtirokchilar tomonidan xor bo‘lib ijro etildi. Osmonga otilgan salyutlar esa bitiruvchilarning kelajagi porloq bo‘lishiga ramziy ishora bo‘ldi.
Tadbir so‘ngida universitet jamoasi va bitiruvchilar esdalik suratlariga tushdilar. Bitiruvchilar o‘z his-tuyg‘ulari, ustozlarga minnatdorchilik va kelajak rejalari bilan o‘rtoqlashdilar.
Xalqaro Nordik universiteti bitiruvchilari – diplom sohiblari, ta’lim, madaniyat va jamiyat taraqqiyotini yuksaltiruvchi yetuk mutaxassislardir. Ular yangi marralar sari dadil odimlar ekanlar, Nordik oilasining turli ilm maskanlar va jamoalardagi qadrli vakillari bo‘lib qolaveradilar.
So'nggi yangiliklar
ETS bilan hamkorlik: xalqaro sertifikatsiya va akademik mobillik sari
Educational Testing Service (ETS)ning Yevroosiyo va Markaziy Osiyo bo‘yicha mintaqaviy direktori Anna Gutkowska-Zając boshchiligidagi delegatsiya tashrif buyurdi.
Uchrashuv davomida taʼlim sifatini yuksaltirishga xizmat qiluvchi muhim yo‘nalishlar muhokama qilindi. Jumladan, o‘qituvchilar malakasini oshirish, ETS tomonidan tasdiqlangan zamonaviy kontentlar asosida qo‘shma treninglar, seminarlar va vebinarlar tashkil etish, ingliz tilini o‘qitish bo‘yicha ilg‘or metodikalar joriy etish masalalari alohida eʼtibor markazida bo‘ldi.
Shuningdek, TOEFL iBT imtihoniga tayyorgarlik ko‘rish, talabalar va pedagoglar o‘rtasida test savodxonligini rivojlantirish, xalqaro sertifikatsiyaga tizimli yondashuvni shakllantirish hamda global akademik mobillik uchun mustahkam poydevor yaratish istiqbollari atroflicha ko‘rib chiqildi.
Mazkur tashrif davomida tomonlar o‘rtasida o‘zaro anglashuv memorandumi imzolandi. Ushbu hujjatda ta’lim sifatini oshirish, innovatsion yondashuvlarni keng joriy etish va xalqaro integratsiyani kengaytirishga qaratilgan aniq ustuvor yo‘nalishlar belgilab olindi.
Bu hamkorlik Nordik universiteti va ETS o‘rtasidagi hamkorlikni uzoq muddatga mustahkamga xizmat qiladi.
Nuqtai nazar: Mamlakat nufuzini namoyon qiladigan katta kuch
“Xalq so‘zi” gazetasida Xalqaro Nordik universiteti rektori Sherzod Mustafakulov muallifligida e’lon qilingan maqolada mazkur yig‘ilishda alohida urg‘ulangan muhim nuqtalar tahlil etilgan, samarali tizim uchun qator yondashuv va takliflar ilgari surilgan.
Maqolada qayd etilganidek, uzluksiz vertikal integratsiya — "maktab — federatsiya — universitet" modeli orqali iqtidorli yoshlar uzluksiz rivojlanadi, har bir sportchi uchun individual rivojlanish dasturlari muhim.
Shuningdek, sport iqtisodiyotini rivojlantirish, klublar va akademiyalar tuzish, raqamli shaffoflik, ilm-fan va sport integratsiyasini kuchaytirish masalalariga eʼtibot qaratilgan.
Sport milliy taraqqiyot strategiyasining eng muhim ustuniga aylanishi lozim. Mazkur masalalarni chuqurroq anglash uchun maqolada ommaviy sportni rivojlantirish borasida ilg‘or davlatlar tajribalari tahlil etilgan.
Yanada kengroq tahlil va fikrlar bilan "Xalq so‘zi"ning 10-aprel soni sahifalarida tanishish mumkin.
Sohibqiron ruhi — yoshlar tafakkurida!
Iqtisodiyot va biznesni boshqarish hamda Sanoatni boshqarish va raqamli texnologiyalar kafedralari hamkorligidagi tadbir davomida talaba-yoshlar Sohibqironning bebaho merosi — Temur tuzuklari asosida bilimlarini sinovdan o‘tkazdilar. Jamoalar Temuriylar davlatchiligi falsafasini anglash sari intilishlarini har jihatdan namoyish etishdi.
Bellashuv 2 bosqichda kechdi:
🔹 1-bosqich — tarixiy bilim va mantiq sinovi
🔹 2-bosqich — ijodkorlik maydoni: tuzuklarni rasmlar orqali jonlantirish.
5 ta jamoa o‘rtasida intellektual madaniyat doirasida bahslar qizg‘in kechdi.
Ishtirokchilar bilim, topqirlik, tezkor fikrlash va jamoaviy hamjihatlik namunasini ko‘rsatdilar.
Tadbir yakunida barcha qatnashchilarga sertifikatlar topshirildi, eng kuchli jamoalar esa munosib taqdirlandilar.
1-o‘rin — World economics
2-o‘rin — 1-EK-24
3-o‘rin — Space
4-o‘rin — 5-JI
5-o‘rin — Liderlar.
Sohibqiron merosini o‘rganish yoshlar tafakkuriga kuch va yetakchilik bag‘ishladi.
Deputatlar va yoshlar: g‘oya, tashabbus va imkoniyat
Tadbirkorlar va ishbilarmonlar harakati — O‘zbekiston Liberal-demokratik partiyasi Toshkent shahar Kengashi hamkorligidagi uchrashuvda ochiq va samimiy muloqot muhiti yaratildi.
Unda Oliy Majlis Qonunchilik palatasi deputatlari Gulshana Xudoyarova va Aziza Aminova, shuningdek, O‘zLiDeP Toshkent shahar Kengashi Yoshlar va tadbirkorlikni qo‘llab-quvvatlash bo‘limi mudiri Dilnoza Tajieva o‘z maʼruzalari bilan ishtirok etdilar.
Yoshlar tadbirkorligini rivojlantirish, yangi loyihalarni qo‘llab-quvvatlash mexanizmlari, talabalar tashabbuslarini amaliyotga joriy etish yo‘llari, davlat va yoshlar o‘rtasidagi hamkorlikni mustahkamlash masalalari muhokama markazida bo‘ldi.
Uchrashuvda bugungi yoshlar faqat bilim oluvchi emas, jamiyatdagi o‘zgarishlar tashabbuskori sifatida shakllanishi zarurligi taʼkidlandi.