Yangiliklar
Bir asrning ikki dahosi: Alisher Navoiy va Zahiriddin Muhammad Bobur
February 11 , 2025
191
Nordik universitetida respublika "Nuroniy" jamg‘armasi va O‘zLiDeP Siyosiy Kengashi Ijroiya qo‘mitasi hamkorligida sheʼriyat va maʼnaviyat ulug‘lari, davlat arboblari Navoiy va Bobur tavallud kunlariga bag‘ishlangan adabiy-maʼrifiy tadbir o‘tkazildi.
Nordik universiteti rektori Sherzod Mustafakulov navoiyshunoslik va boburshunoslikning yangi ufqlari, ular ijodining noyob qirralariga ishtirokchilar eʼtiborini qaratdi. Asrlar osha asarlaridagi hikmatlari, insoniy fazilatlar haqidagi qimmatli pand-nasihatlari tafakkurimizni boyitishda davom etayotganini eʼtirof etdi.
Anjumanda so‘z olgan "Nuroniy" jamg‘armasi respublika boshqaruvi faollari, O‘zbekiston Yozuvchilar uyushmasi aʼzolari, professor-olimlarning buyuk daholar haqidagi maʼruzalari tinglandi.
Anjuman g‘azallar, kuy-qo‘shiqlar ijrosi bilan uyg‘un o‘tdi. Nafaqat o‘zbek xalqining, balki butun Sharq madaniyatining eng buyuk namoyandalari sifatida kelajak avlodga ibratli jihatlari yodga olindi. Zero, bugun ham ularning asarlari bizga o‘zlikni anglash, adolatli va maʼrifatli hayot kechirishda yo‘l ko‘rsatib turibdi.
Nordikda adabiyot haftaligi davom etmoqda. Navoiy, Bobur faoliyati va ijodiga oid savollar ertaligi o‘tkazib borilishini ham eslatib o‘tamiz!
So'ngi yangiliklar
Hurmatli ota-onalar!
Muloqotda XNU rahbariyati va tegishli tuzilmalar rahbarlari ishtirok etadilar.
✅ Muloqot davomida:
➖farzandlaringizning o‘qish jarayoni
➖fakultetdagi ta’lim sifati va kelajakdagi rejalaridan xabardor bo‘lish
➖o‘zingizni qiziqtirgan barcha savollarga onlayn javob olishingiz mumkin.
Muloqot vaqti:
📅 Shanba, 15-mart
⏰ Soat 16:00
📍 Onlayn muloqotga qo‘shilish uchun telegram kanalimizga a’zo bo‘ling:
🔗 https://t.me/xnu_dekanati
🙌 Talabalar taʼlim-tarbiyasida Sizlar bilan hamkorlik biz uchun juda muhim!
Charos Ahmedova Yevropa yulduzlari safida!
Tanlov musiqa va sanʼat yo‘nalishida iste’dod egalarining ijodiy qobiliyatlarini yuzaga chiqarish va turli mamlakatlarning musiqa san’atini jahonda keng targ‘ib etish, yosh ijrochilarning ko‘nikmalarini yanada rivojlantirish maqsadida tashkil etildi.
O‘zbekiston Respublikasi Madaniyat vazirligi, O‘zbekistonning Latviyadagi elchixonasi va yurtimizdagi nufuzli telekanallar hamkorligida o‘tkazilgan tanlovda Xalqaro Nordik universiteti musiqa taʼlimi o‘qituvchisi Charos Ahmedova yurtimiz sharafini munosib himoya qildi.
Mahoratli ustozimiz akademik xonandalik yo‘nalishida faxrli 1-o‘ringa sazovor bo‘ldi. Bu yutuq nafaqat yurtimiz sanʼat sohasi rivojiga qo‘shilgan muhim hissa, balki yosh isteʼdodlarning xalqaro muqyosdagi muvaffaqiyatlaridan biri bo‘ldi.
Maxsus pedagogika: “LogoNordik” korreksion yordam markazi ochildi!
Tajribali mutaxassislarimiz tomonidan ilk, maktabgacha va maktab yoshidagi bolalarda uchraydigan nutq buzilishlarini aniqlash, tashxis qo‘yish va bartaraf etish bo‘yicha maxsus xizmatlar ko‘rsatiladi.
Markazda quyidagi yo‘nalishlar bo‘yicha korreksion ishlar olib boriladi:
➖ Dislaliya, dizartriya, duduqlanish
➖ Alaliya, autizm
➖ SDVG — giperaktivlik
➖ Daun sindromi
➖ Logopedik massaj
➖ Disgrafiya, disleksiya (yozish va o‘qish buzilishlari)ni bartaraf etishga ko‘maklashiladi.
✅ Ota-onalarga nutq buzilishlarini bartaraf etish bo‘yicha barcha zarur maslahatlar beriladi.
Muhimi, Maxsus pedagogika yo‘nalishida taʼlim olayotgan talabalar uchun nazariy bilimlarini amaliyotda qo‘llash imkoniyati yaratiladi.
“LogoNordik” markazi — farzandlarning har jihatdan rivojlanishi yo‘lidagi ishonchli qadamdir!
Turkiyaning Marmara universiteti bilan hamkorlik o‘rnatilmoqda
Uchrashuv davomida ikki universitet o‘rtasida talabalar almashish, o‘qituvchilarning malakasini oshirish takliflari bildirildi.
Yevropa Ittifoqining ta'lim, o‘qitish sohalarida loyihalar va mobillikni qo‘llab-quvvatlash Erasmus+ dasturi va xalqaro grant tanlovlarida ishtirok etish, ilmiy tadqiqotlar va innovatsion ishlanmalar ustida ish olib borish kabi masalalarda hamkorlikka kelishildi.
Maʼlumot uchun, 1883-yilda tashkil etilgan mazkur universitet mamlakatning eng qadimgi va ko‘p tilli oliy ta’lim muassasalaridan biri hisoblanadi. 80 000 nafardan ziyod talabalari mavjud bo‘lib, 5 000 nafardan ortig‘ini xorijiy talabalar tashkil etadi.