Nordikda ilmiy izlanishlar samarasi: navbatdagi ikki dissertatsiya himoya qilindi

Mardanov Aziz Yusupovich “To‘qimachilik sanoati korxonalarining iqtisodiy samaradorligini oshirish yo‘llari” mavzusidagi dissertatsiyasini himoya qildi. Tadqiqot to‘qimachilik sanoati korxonalarining iqtisodiy samaradorligini oshirish masalalariga qaratilgan.

Zaylobitdinova Husnida Xaliljon qizi esa “Davlat oliy ta’lim muassasalarining tijorat faoliyatini boshqarish mexanizmini takomillashtirish” mavzusidagi ilmiy ishini taqdim etdi. Unda davlat oliy ta’lim muassasalarida tijorat faoliyatini boshqarish mexanizmlarini takomillashtirish masalalari o‘rganilgan.

Ikki tadqiqot iqtisodiyotning ikki muhim yo‘nalishi — ishlab chiqarish samaradorligi va oliy ta’lim boshqaruviga bag‘ishlangan bo‘lib, amaliy ahamiyatga ega masalalarni akademik tadqiqotlar orqali o‘rganish, ilmiy salohiyatni rivojlantirish hamda oliy ta’lim va iqtisodiyot integratsiyasini kuchaytirish nuqtayi nazaridan ham ahamiyatli ekanligi eʼtirof etildi.

Har ikki dissertatsiya ishi munosib yoqlandi.