“IELTS CD” to‘garagining ilk mashg‘uloti muvaffaqiyatli bo‘lib o‘tdi!
Nordik Universitetida tashkil etilgan “IELTS CD” to‘garagi talabalar orasida katta qiziqish uyg‘otdi. Birinchi mashg‘ulotda ishtirokchilar IELTS imtihon tizimi va Computer Delivered (CD) format haqida umumiy tushunchalarni oldilar hamda amaliy ko‘nikmalarni sinab ko‘rdilar.
Birinchi dars davomida:
- IELTS CD va IELTS tizimi haqida asosiy ma’lumotlar berildi;
- Talabalarning kompyuter orqali IELTS CD mashqlarini bajarish ko‘nikmalari sinovdan o‘tkazildi;
- IELTS bo‘yicha talabalarning umumiy bilim darajalari tahlil qilindi, kuchli va rivojlantirilishi kerak bo‘lgan jihatlar aniqlanib, shaxsiy yondashuv belgilandi.
Tajriba va professional qo‘llab-quvvatlash
Mashg‘ulotni olib borgan o‘qituvchilar: Shonazarova Dilnoza va Karimova Munira. Ular o‘zlarining bilim va tajribasi orqali talabalarni IELTSga tayyorlash yo‘lida to‘g‘ri yo‘l bilan tanishtirdilar, har bir ishtirokchiga amaliy maslahatlar berdilar.
Mashg‘ulot vaqti va qatnashish imkoniyati
Mashg‘ulotlar Dushanba–Juma, soat 14:00 da bo‘lib o‘tadi. Har bir talabaga interaktiv va samarali mashg‘ulotlar orqali imtihonga tayyorgarlik ko‘rish imkoniyati yaratilgan.
Xulosa
“IELTS — maqsadlar sari ilk qadam!”
Bu to‘garak talabalar uchun IELTS CD formatini o‘rganish, amaliy ko‘nikmalarni rivojlantirish va o‘z maqsadlariga yaqinlashish uchun mukammal platforma bo‘lib xizmat qiladi. Endi siz ham bu yo‘lda birinchi qadamni tashlash va kelajakdagi muvaffaqiyat sari harakat qilish imkoniga egasiz!
So'nggilari
Navbatdagi mashg‘ulot yana bir bor mazmunli, qiziqarli va interaktiv ruhda tashkil etildi. Bu galgi dars «Покупки. Товары. Цены» mavzusiga bag‘ishlanib, ishtirokchilarning kundalik hayotida tez-tez uchraydigan savdo-sotiq jarayonlari asosida olib borildi.
“Motivation Club” da, biz shunchaki yig‘ilmadik — o‘zligimizni anglash va hissiyotlarimizni jilovlash sari ulkan qadam tashladik.
Jonli ijro, yorqin atmosfera va sevimli taronalar uyg‘unlashgan ushbu konsert haqiqiy musiqa bayramiga aylandi.
Seshanba kuni bo‘lib o‘tgan navbatdagi suhbat klubi ishtirokchilar uchun nafaqat foydali, balki juda maroqli ham bo‘ldi. Dars davomida talabalar erkin muhitda rus tilida muloqot qilib, o‘z fikrlarini bemalol ifoda etish imkoniga ega bo‘ldilar.