Readers Club: mutolaa, tafakkur va ilhomga boy ilk uchrashuv

Unda talabalar ta’til davomida ingliz tilida o‘qigan asarlarini taqdim etdilar, asarlarning syujeti va qahramonlarini tahlil qildilar, muallif ilgari surgan g‘oyalar hamda o‘zlarining shaxsiy xulosalari bilan o‘rtoqlashdilar. Keyin “Why This Book?” mashg‘ulotida ishtirokchilar o‘zlari tanlagan kitoblarni tavsiya qilib, ularning mazmuni va ahamiyatini asoslab berdilar. Uchrashuv “Guess the Book” va “One-Minute Pitch” interaktiv o‘yinlari bilan yakunlandi. Bu mashg‘ulotlar orqali talabalar kitoblarni tavsiflar asosida topish hamda o‘z fikrlarini ingliz tilida qisqa va aniq ifodalash ko‘nikmalarini sinab ko‘rdilar. Klubning keyingi uchrashuvi uchun James Clearning “Atomic Habits” asarini o‘qish tavsiya etildi. Klubga Chet tillar kafedrasi katta o‘qituvchisi Djurayeva Nargiza rahbarlik qildi.