News
“O‘zbekiston–2030 strategiyasi: amalga oshirilayotgan islohotlar tahlili, muammolar va yechimlar”
November 19 , 2025
11
Xalqaro Nordik universitetida ushbu mavzuda mamlakat taraqqiyotining asosiy yo‘nalishlarini qamrab olgan respublika ilmiy-amaliy konferensiyasi o‘tkazildi.
Mazkur anjumanda davlat boshqaruvi, iqtisodiyot, ekologiya, tashqi siyosat, raqamli transformatsiya, turizm va jamiyat rivoji kabi ustuvor sohalardagi islohotlarni ilmiy jamoatchilik ishtirokida tahlil qilish, ularning amaliy natijalarini muhokama etish hamda istiqboldagi vazifalarni belgilashga asosiy e’tibor qaratildi.
Konferensiya ochilishida Nordik universiteti rektori, iqtisodiyot fanlari doktori, professor Sherzod Mustafakulov O‘zbekiston–2030 strategiyasini mamlakatning yangi avlodi uchun mo‘ljallangan kompleks modernizatsiya dasturi sifatida baholab, uni amalga oshirishda ilmiy hamjamiyatning o‘rni tobora ortib borayotganini e’tirof etib o‘tdi. Innovasion yondashuvlar, ilmiy tahlillar va dalillarga asoslangan qarorlar qabul qilish strategiya samaradorligini belgilovchi asosiy omillar ekanini ta’kidladi.
Shuningdek, anjumanda Oliy Majlis Qonunchilik palatasi deputati, Demokratik institutlar va fuqarolik jamiyatini rivojlantirish masalalari qo‘mitasi a’zosi Navruzbek Yusupov va “O‘zbekiston temir yo‘llari” AJ moliya departamenti boshlig‘i (PhD) Jasurbek Qodirov o‘z ma’ruzalarini taqdim etdilar. Qonunchilik islohotlari, fuqarolik jamiyati institutlarini mustahkamlash va strategik vazifalarni qonuniy asosda qo‘llab-quvvatlash, atrof-muhit muhofazasi va hisob siyosatini takomillashtirish masalalaridagi ilmiy mulohazalari bilan o‘rtoqlashdilar.
Konferensiyada turli sohalar yetakchi ekspertlari O‘zbekiston–2030 strategiyasida belgilangan vazifalar bo‘yicha chuqur tahliliy ma’ruzalar taqdim etdilar. Xususan, ekologik barqarorlik va yashil taraqqiyot – atrof-muhitni muhofaza qilish, resurslardan oqilona foydalanish va ekologik xavfsizlik bo‘yicha strategiyaning ustuvor yo‘nalishlari yoritildi. Davlat-xususiy sherikchiligining yangi modeli bo‘yicha amaliy takliflar taqdim qilindi. Oziq-ovqat xavfsizligi, xalqaro standartlarga mos, barqaror ishlab chiqarish va ta’minot tizimini shakllantirish bo‘yicha ilmiy xulosalar berildi.
Shuningdek, tashqi siyosat samaradorligi mintaqaviy hamkorlik, investitsion diplomatiya va global maydondagi faol tashqi siyosat natijalari keng muhokama qilindi. Yashil iqtisodiyotga o‘tish, iqtisodiy o‘sishning ekologik xavfsiz modelini shakllantirish bo‘yicha dolzarb ilmiy tahlillar taqdim etildi. Ma’ruzachilar davlat boshqaruvini raqamlashtirishda kosmik ma’lumotlarning qo‘llanilishi va uning istiqbollari xususida ham ilmiy izlanishlari samaralari bilan bo‘lishdilar.
Konferensiyaning shoʻba yig‘ilishlari qizg‘in davom etdi. Iqtisodiy barqarorlik va ijtimoiy-huquqiy o‘zgarishlar, milliy iqtisodiyotni modernizatsiya qilish va xalqaro integratsiya, yoshlar siyosati, ma’naviyat va madaniy meros, ekologik barqaror taraqqiyot, raqamli transformatsiya va ilg‘or boshqaruv tizimlari yo‘nalishlarida ilmiy ma’ruzalar tinglandi. Islohotlarning jamiyatga ta’siri, mavjud muammolar, ularning sabablari hamda innovatsion yechimlar yuzasidan fikr almashildi. Tadqiqotchilar va amaliyotchi mutaxassislar tomonidan bir qator amaliy takliflar ilgari surildi.
Tadbir yakunida sho‘ba yig‘ilishlarining asosiy xulosalari umumlashtirildi va O‘zbekiston–2030 strategiyasini ilmiy asosda qo‘llab-quvvatlash bo‘yicha kelgusi rejalar, vazifalar belgilab olindi.
Konferensiyaga jami 130 dan ortiq tezis va maqolalar kelib tushdi. 16 ta eng sara maqola Nordik elektron jurnalining maxsus soniga qabul qilindi, 100 ga yaqin maqola va tezis esa ASR platformasi va konferensiya to‘plamida chop etildi.
Latest news
Nordik ekologik muloqot maydoni: "Qirg‘iziston — tog‘lar va qor barslari Vatani"
Xalqaro Tog‘lar kuni va Xalqaro Qor Qoploni kuni munosabati bilan tashkil etilgan tadbirda Markaziy Osiyoning ekologik barqarorligi bilan bog‘liq dolzarb masalalar keng muhokama qilindi.
Anjumanda tog‘ ekotizimlarini muhofaza qilish, suv resurslari barqarorligi, muzliklar qisqarishi hamda mintaqa bio xilma-xilligining ramzi sanalgan qor barsini asrash masalalari chuqur tahlil qilindi.
Xalqaro Nordik universiteti mezbonlik qilgan ushbu uchrashuvda Qirg‘iziston elchixonasi vakillari, Xalqaro Suv Resurslarini Boshqarish Instituti (IWMI) olimlari, professor-o‘qituvchilar, talaba-yoshlar va keng jamoatchilik faol ishtirok etdi.
Tadbir avvalida Qirg‘iziston tog‘lari, Ala-Too manzaralari, Issiqko‘l, noyob tog‘ florasi va faunasini aks ettiruvchi “Tog‘lar — umumiy merosimiz” nomli fotoko‘rgazma hamda videoroliklar namoyish etildi. Infografik materiallar va bukletlar orqali yoshlar hamda ishtirokchilarning ekologik xabardorligi oshirildi.
Ochilish marosimida Qirg‘iziston Respublikasining O‘zbekistondagi favqulodda va muxtor elchisi Duyshonkul Chotonov Qirg‘izistonning BMT doirasidagi xalqaro ekologik tashabbuslari — 2002-yilning Xalqaro tog‘lar yili deb e’lon qilinishi, 11-dekabr — Xalqaro Tog‘lar kuni, shuningdek, Bishkek global tog‘ sammiti tashabbuslari haqida atroflicha to‘xtaldi. U muzliklar erishi, suv resurslari xavfsizligi, qor barsi populyatsiyasini muhofaza qilishda Bishkek deklaratsiyasi va mintaqaviy hamkorlikning ahamiyatini alohida ta’kidladi.
Tadbirda Xalqaro Nordik universiteti rektori, professor Sherzod Mustafakulov tog‘larni nafaqat geografik hudud, balki butun Markaziy Osiyo hayotini belgilovchi strategik ekologik resurs sifatida e’tirof etdi. Universitet ekologik barqarorlikni ta’lim va ilmiy tadqiqotlarning ustuvor yo‘nalishi sifatida ko‘rishini, bu boradagi xalqaro muloqot va hamkorlik muhimligini taʼkidladi.
Shuningdek, IWMI katta ilmiy xodimi, doktor Iskandar Abdullayev tomonidan “Tog‘lar, suv va ekotizim” mavzusida tahliliy ma’ruza taqdim etildi. Unda muzliklar qisqarishi, suv resurslariga tahdidlar, tog‘ hududlarining ekologik ahamiyati va Markaziy Osiyoda barqaror suv boshqaruvi masalalari ilmiy asosda yoritildi. Ma’ruza yakunida savol-javoblar va jonli munozara tashkil etildi.
Anjumanda Qirg‘iziston Respublikasining O‘zbekistondagi favqulodda va muxtor elchisi Duyshonkul Chotonov tog‘li ekotizimlarini muhofaza qilish va ularning barqaror rivojlanishiga qaratilgan tashabbuslarni ilgari surishdagi faol ishtiroki va salmoqli hissasi, shuningdek, Xalqaro tog‘lar kuniga bag‘ishlangan do‘stlik va hamkorlikni mustahkamlashga xizmat qiluvchi tadbirlarni qo‘llab-quvvatlagani uchun rektor Sherzod Mustafakulovga Tashakkurnoma taqdim etdi.
Mazkur tadbir Qirg‘iziston va O‘zbekiston o‘rtasidagi ekologik, ilmiy va madaniy-diplomatik hamkorlikni yanada mustahkamlash, yoshlar orasida ekologik ongni yuksaltirish hamda Markaziy Osiyoning umumiy tabiiy merosini asrash borasidagi mas’uliyatni chuqur anglashga xizmat qiluvchi muhim muloqot maydoniga aylandi.
A contest of knowledge, logic, and mastery: the “Mayor’s Cup” final competitions at Nordic!
This academic competition was organized under the auspices of the Ministry of Higher Education, Science and Innovation, and jointly by the Tashkent City Administration, the Tashkent City Department of Preschool and School Education, Nordic International University, and the IDC Education Center.
The olympiad aimed to identify the most active, knowledgeable, and advanced educators in the capital’s education system, and to showcase their scientific and intellectual potential to the wider public.
The first stage was conducted online and covered all physics and mathematics teachers in Tashkent. From among them, the 50 strongest candidates were selected and granted a place in the final round.
In the final stage, participants demonstrated their professional skills, scientific approach, and creative thinking abilities by solving precise, logical, and analytical problems.The evaluation process is being carried out by a panel of experienced experts, based on the principles of openness and impartiality.
Nordik seminarida dissertatsiya muhokamasi
Majlisda Farg‘ona davlat universiteti doktoranti Ortiqov Avazbek Bahromjon o‘g‘li tomonidan iqtisodiyot fanlari bo‘yicha falsafa doktori (PhD) ilmiy darajasini olish uchun tayyorlangan “Kichik sanoat zonalari faoliyati samaradorligini oshirish va rivojlantirish istiqbollari” mavzusidagi doktorlik dissertatsiyasi keng tahlil qilindi.
Ilmiy seminarda tadqiqot ishida kichik sanoat zonalarining hududiy iqtisodiyotni rivojlantirishdagi o‘rni, ishlab chiqarish samaradorligini oshirish mexanizmlari hamda barqaror rivojlanish istiqbollarini ilmiy asoslash bo'yicha zarur ilmiy-amaliy tavsiyalar berildi.
The Work of Psychologists and Educators Highly Valued
At the event, Azizbek Turdiyev, Deputy Minister of Preschool and School Education, Shahzodbek Kurbaniyazov, Deputy Director of the Center for Education Development, and Academician G‘ayrat Shoumarov expressed their high appreciation for the work of educators and psychologists and thanked them.
It was noted that around 100 methodological works were reviewed during the competition held from June 3 to November 30, and selected by experts.
Notably, The Nordic International University achieved another academic success. The first-degree diploma and the title of best methodological guide were awarded to representatives of the Department of Psychology and Preschool Education, Nigoraxon Lutfullayeva and Damegul Arapboyeva.