TasIMO-2025: G‘oliblar tantanasi va Olimpiada yakuni!
May 21 , 2025
29
4-kun, “TasIMO-2025” xalqaro matematika olimpiadasi o‘zining eng hayajonli va tarixiy lahzalaridan birini boshdan kechirdi — g‘oliblarni taqdirlash va yopilish marosimi poytaxtimizdagi Yoshlar ijod saroyida tantanali tarzda bo‘lib o‘tdi.
To‘rt kun davomida yurtimiz va chet ellik eng zukko, bilimli, izlanuvchan yoshlar matematikada o‘z salohiyatini namoyon etdi. Bugun esa bu mehnat o‘z natijasini berdi — g‘oliblik shohsupasiga haqiqiy bilimdonlar ko‘tarildi!
TasIMO-2025 taqdirlash marosimi — ilm va e’tirof bayrami:100% to‘g‘ri yechim ko‘rsatgan ishtirokchilarga Faxriy diplomlar;Fan sohasidagi yetakchi akademik olim nomi bilan atalgan Gran-pri g‘oliblariga — oltin, kumush va bronza medallar;Shuningdek, eng yuqori natijalarga erishganlar uchun pul mukofotlari tantanali ravishda topshirildi.Bu nafaqat mukofotlash, balki har bir ishtirokchining mehnati, iqtidori va ilmga bo‘lgan sadoqati e’tirof etilgan yuksak bayram bo‘ldi. Taqdirlash marosimi davomida g‘oliblar, ularning ustozlari va mehmonlar tomonidan faxr, minnatdorlik va motivatsiyaga to‘la chiqishlar bo‘lib o‘tdi.
TasIMO-2025 — bu oddiy musobaqa emas, balki:Ilm-fanga bo‘lgan qiziqishni oshirish;Dunyo yoshlarini birlashtirgan bilimlar maydoni;Kelajak avlod liderlarini tarbiyalovchi yuksak platformadir.
To‘rt kun davomida Toshkent butun dunyo iqtidor egalari, matematika ixlosmandlari va olimlarini o‘zida jamlab, yoshlar qalbida ilmga bo‘lgan mehrni yanada mustahkamladi. “TasIMO-2025” ishtirokchilari bu olimpiadani hayotlaridagi eng muhim bosqichlardan biri sifatida eslab qolishlari shubhasiz.
So'nggilari
2025-yil bitiruvchilari uchun unutilmas voqealardan biri — sirtqi taʼlim yo‘nalishi bitiruvchi-talabalari bilan universitet rektori, hurmatli Sherzod Mustafakulovning ochiq va samimiy uchrashuvi bo‘ldi.
“TasIMO-2025” olimpiadasining uchinchi kuni ishtirokchilar uchun unutilmas taassurotlar va ajoyib kayfiyat baxsh etdi! TasIMOchilar navbatdagi manzilga — Green Hills resort, Bo‘stonliq tog‘larining bag‘riga yo‘l olishdi.
“TasIMO-2025” fan olimpiadasining ikkinchi kuni o‘zining qizg‘in va ilhomlantiruvchi lahzalari bilan davom etdi. 10–11-sinf o‘quvchilari o‘rtasida bilim, tafakkur va izlanuvchanlik maydoniga aylangan musobaqa har bir ishtirokchida katta umid va yuksak maqsadlarni alangalatmoqda.
Bugun yurtimizda nufuzli va intellektual musobaqalardan biri — “TasIMO–2025” xalqaro matematika olimpiadasi o‘z faoliyatini boshladi. Ushbu olimpiada matematikani sevuvchi, mantiqiy tafakkurga ega eng iqtidorli yoshlarni birlashtiruvchi bilim maydonidir.