Yangiliklar
Taʼlim fidoyilariga ehtirom: Buxoroda anʼanaviy "PROKUROR SOVRINI" olimpiadasi g‘oliblari taqdirlandi
March 06 , 2025
414
Buxoro viloyati prokuraturasi, Xalqaro Nordik universiteti va IDC taʼlim markazi hamkorligidagi "Prokuror sovrini-II" olimpiadasi g‘oliblarini taqdirlash tadbiri bo‘lib o‘tdi.
Mazkur olimpiada O‘zbekiston Respublikasi Prezidentining "O‘zbekiston-2030" strategiyasi to‘g‘risida"gi Farmoni va "Matematika sohasidagi taʼlim sifatini oshirish va ilmiy-tadqiqotlarni rivojlantirish chora-tadbirlari to‘g‘risida"gi qarorida belgilangan vazifalar ijrosi doirasida viloyatdagi o‘qituvchilar o‘rtasida ikkinchi bor yuqori saviyada o‘tkazildi. Bu galgi musobaqada nafaqat matematika fani, balki fizika fani ustozlari ham qamrab olindi.
Olimpiadada iqtidorli, kasbiy mahorati yuqori, o‘qitish jarayoniga ilg‘or metodlar, yangi pedagogik texnologiyalarni keng tatbiq etayotgan, o‘quvchi-yoshlarning aniq fanlarga qiziqishini oshirayotgan fidoyi o‘qituvchilarni aniqlash va rag‘batlantirishga ahamiyat qaratildi.
Bellashuvda Buxoro viloyatidagi 13 ta shahar-tuman maktablarining 2372 nafar matematika va fizika muallimlari o‘z bilim hamda ko‘nikmalarini sinovdan o‘tkazdilar. Birinchi bosqichda yuqori natijalarni qo‘lga kiritgan hududdagi eng tajribali 98 nafar o‘qituvchi ikkinchi final bosqichda bellashdilar.
Bellashuv jarayoni olimpiada koordinatorlari, nazoratchi va hakamlari hamda Buxoro viloyati prokuraturasi masʼullari kuzatuvi ostida shaffof o‘tkazildi. Imtihonda muallimlarning bilim va ijodiy yondashuvi, ko‘nikmalarini amaliy topshiriqlarda qo‘llay olish malakalari aniqlandi hamda xolis baholandi.
Buxoro viloyati hokimi Botir Zaripov, viloyat prokurori Ulug‘bek Hamdamov va viloyat faollari ishtirokida o‘tgan taqdirlash tadbirida olimpiadaning Buxoro viloyati bosqichida faxrli 1, 2 va 3-o‘rinlar sohiblari bo‘lgan o‘qituvchilarga alohida ehtirom ko‘rsatildi.
Matematika fani bo‘yicha g‘oliblar - Abdurashidbek Qo‘chqorov, Ismoil Po‘lotov, Behruz Avezov va Asadbek Nurmurodov, shuningdek, fizika fani bo‘yicha g‘oliblar Vohid Fayziyev, Umidjon Isomov va Shahnoza Allamurodovaga Sertifikat hamda prokuror sovrini, esdalik sovg‘alari tantanali topshirildi.
1-o‘rinlar sohiblari bo‘lgan Abdurashidbek Qo‘chqorov va Vohid Fayziyevga esa Xalqaro Nordik universiteti ko‘magida Finlandiya va Shvetsiyada xorijiy tajribalarni o‘rganishga qaratilgan stajirovka yo‘llanmasi taqdim etildi. Kelgusida bu ustozlar orqali viloyat taʼlim tizimiga xalqaro ilg‘or tajribalar kirib borishi va ommalashtirilishi ko‘zda tutilmoqda.
Olimpiada Buxoro viloyatida taʼlim sifati va samaradorligini yanada yuksaltirish, o‘quvchilarga puxta matematik bilimlar berib, respublika va xalqaro miqyosda nufuzli musobaqalarda muvaffaqiyat qozonishlariga zamin yaratib berayotgan malakali ustozlarni aniqlash maqsadida har yili anʼanaviy o‘tkazib boriladi.
Hududda o‘qituvchilar o‘rtasida fan olimpiadalarini o‘tkazish tizimini takomillashtirish, aniq fanlar, jumladan matematika va fizika fanlarini o‘qitish bo‘yicha eng yaxshi muallimlarni aniqlash va rag‘batlantirish, ularning reyting tizimini yuritish rejalashtirilmoqda. Buxoro viloyati tajribasi sifatida bu ezgu tashabbusni barcha hududlarga joriy etish maqsadga muvofiqdir.
----------
Maʼlumot o‘rnida, "Prokuror sovrini" uchun 2024-yilda o‘tkazilgan ilk olimpiadada 1376 nafar o‘qituvchi ishtirok etgan. Final bosqichda 48 nafar o‘qituvchining bilim va mahorati sinovdan o‘tkazilgan. 1-o‘rinni qo‘lga kiritgan matematika fani o‘qituvchisi Behruz Avezov yo‘llanma bilan Finlandiyada stajirovka o‘tashga muvaffaq bo‘lgan.
So'nggi yangiliklar
Nordikning yangi adabiyotlari nashrga tasdiqlandi
📘 "Jahon tarixi: Eng qadimgi davr va ilk davlatlar" — mualliflar: Muxriddin Pardayev, Najmiddin Qodirov.
Bu o‘quv qo‘llanma talabalar va tarix ixlosmandlari uchun yangi ilmiy poydevordir.
📗 "Iqtisodiy rivojlanish" darsligi — mualliflar Raʼno Mardonova, Javlonbek O‘razaliyev, Mashhurbek Maqsudov, Madina Shakirova.
Darslik global iqtisodiyot, barqaror o‘sish, zamonaviy islohotlardan xabardorlik darajasini oshiradi, tahliliy fikrlashni oshiruvchi zamonaviy qo‘llanmadir.
💻 "Digital Technologies" o‘quv qo‘llanmasi — muallif Muzaffarjon Abdulaxatov.
Bu adabiyot raqamli dunyo, sun’iy intellekt, zamonaviy IT yechimlar — kelajak kasblariga tayyorlaydigan amaliy va innovatsion qo‘llanmadir.
📖 Nordik nashrlari bilan ilm doirangizni kengaytirib boring!
Komil inson sari: bo‘lajak pedagoglar uchun motivatsion uchrashuv
“Komil inson, mahoratli mutaxassis va shaxs” mavzusida o‘tgan mazkur dars ilmiy-motivatsion maydonga aylandi.
Trenerlar — Nordik universiteti ilmiy ishlar va innovatsiyalar bo‘yicha prorektori, professor Odil Qo‘ysinov hamda Pedagogik ta’lim va psixologiya kafedrasi professori Sherali Abduraimov ishtirokchilarga zamonaviy ta’lim falsafasi mazmun-mohiyatini tahliliy yondashuvlar bilan ochib berdilar.
Ochiq muloqot formatida o‘tgan dars davomida ta’lim islohotlarining amaliy natijalari, Finlandiya tajribasi va xalqaro standartlarga asoslangan yondashuvlar, real keyslar asosidagi yechimlar muhokama qilindi.
Shuningdek, Xalqaro Nordik universitetining zamonaviy ta’lim xizmatlari, kadrlar tayyorlash va malaka oshirishdagi innovatsion yondashuvlari, qo‘shma dasturlar hamda stajirovka imkoniyatlari haqida batafsil ma’lumotlar taqdim etildi.
Mahorat darsida Boshlang‘ich ta’lim yo‘nalishi talabalari hamda amaliyotchi mutaxassislar faol ishtirok etib, nazariya va amaliyotni uyg‘unlashtirish bo‘yicha muhim tavsiyalar oldilar.
Nordikdan yana bir xalqaro natija — Scopus Q1: ustozlarimiz maqolalari yuqori ilmiy segmentlarda
Bu maqola xalqaro ekspertlar taqrizidan muvaffaqiyatli o‘tgan, ilmiy yangilik va metodologik mustahkamligi isbotlangan tadqiqot demakdir.
🔬 1-MAQOLA 🧬 Sog‘liqni 24/7 nazorat qilish imkoniyatini beruvchi biointegratsiyalashgan tizimlar haqida.
“Materiallar, qurilma arxitekturasi va klinik qo‘llanmalar asosida uzluksiz tibbiy monitoring uchun biointegratsiyalashgan tizimlar” mavzusida.
Ushbu tadqiqotda inson salomatligini real vaqt rejimida monitoring qilish imkonini beruvchi biointegratsiyalashgan wearable (taqiladigan) tizimlar ilmiy tahlil qilingan. Yurak urishi, qon bosimi, glyukoza darajasi, kislorod to‘yinganligi — bularni uzluksiz kuzatish endi bugunning texnologik haqiqatidir.
Maqolada ilg‘or biomateriallar, qurilma arxitekturasi va klinik qo‘llanmalar ilmiy asosda yoritilgan.
🔗 To‘liq maqola: https://nesciences.com/article/72994/
🔬 2-MAQOLA kasallikni erta aniqlash — hayotni saqlab qolish imkoniyatiga bag‘ishlangan.
“Yuqori sezgir aniqlash va bemor yonida qaror qabul qilishni ta’minlovchi translatsion tibbiyot uchun mikro-nano muhandislik asosidagi biosensor platformalar” mavzusida.
Mazkur maqolada mikro va nano muhandislik asosidagi biosensor platformalar tahlil qilingan.
Point-of-Care texnologiyasi — laboratoriyadan tashqarida, bemor yonida tezkor diagnostika.
Yuqori sezgirlik va aniqlik zamonaviy tibbiyotning eng dolzarb talabidir.
Bu tadqiqot nafaqat ilmiy yangilik, balki klinik amaliyotga tatbiq etilishi mumkin bo‘lgan innovatsion yechimdir.
🔗 To‘liq maqola bilan tanishish: https://nesciences.com/article/72983/
O‘zbekiston 24 | Carnegie R1 darajasidagi hamkorlik: Toshkentdan Vashingtongacha ilmiy ko‘prik qurildi!
Uning ta’kidlashicha, O‘zbekistondagi Xalqaro Nordik universiteti bilan yo‘lga qo‘yilgan hamkorlik — amaliy natijaga yo‘naltirilgan ilmiy qadam.
✓ Nordic — Rowan (https://www.rowan.edu/) hamkorligida ochilgan xalqaro markazda talabalar:
➖ ikki tomonlama diplom dasturlari orqali ikki universitet diplomini qo‘lga kiritish;
➖ Toshkentdagi markazda tahsil olib, AQShdagi ta’lim muhitiga yo‘l olish;
➖ ilmiy izlanishlar, professor-o‘qituvchilar, tadqiqotchilar va talabalar almashinuvi orqali global tajribaga ega bo‘lish imkoniyatiga erishadilar.
“Mamlakatlar va xalqlarni hamkorlikka chorlaydigan har qanday tashabbus ijodiy natija beradi”, — deydi doktor Lowman.
Bu tashrif — nafaqat diplomatik muloqot, balki ilmiy integratsiya, innovatsion tafakkur va yoshlar uchun global imkoniyatlar maydonidir."
Kuz mavsumida dasturga qiziqish yanada oshishi kutilmoqda. Bu esa O‘zbekiston–AQSh ilmiy hamkorligining yangi bosqichga chiqayotganidan dalolat.