Yangiliklar
II O‘zbekiston - Finlandiya biznes forumi: istiqbolli yo‘nalishlarda hamkorlikning yangi bosqichi
January 21 , 2025
74
Bugun Xalqaro Nordik universiteti tomonidan II "O‘zbekiston-Finlandiya xalqaro biznes-forumi"ning “Zamonaviy va innovatsion qurilish texnologiyalari” mavzusidagi xalqaro anjumani tashkil etildi.
Finlandiyaning “Peikko”, “Kone”, “AINS Group”, “Elematic” va “East office” yirik kompaniyalari hamkorligida o‘tkazilfyotgan xalqaro forumda ikki davlat vazirlik va idoralari, dunyoning yetakchi fin kompaniyalari, 50 ta mahalliy kompaniyalar rahbarlari va mutaxassislari hamda OAVlar vakillari ishtirok etmoqdalar.
Xalqaro Nordik universitetida ushbu forumning ochilishi bo‘lib o‘tdi. Finlandiyaning O‘zbekistondagi faxriy Konsuli, Nordik universiteti Kuzatuv kengashi raisi Alisher Jo‘rayev forumning ahamiyatiga alohida to‘xtalib o‘tdi. Forum doirasida Finlandiya kompaniyalarining eng zamonaviy qurilish texnologiyalari, innovatsion ishlanmalari, asbob-uskunlari hamda qurilish konsepsiyalari namoyish etilishini ma’lum qildi.
Finlandiyaning Markaziy Osiyodagi favqulodda va muxtor elchisi Ilkka Raisanen forumda yetakchi fin kompaniyalari va mahalliy biznes vakillarining B2B, B2G uchrashuvlari tashkil etilishi o‘zaro hamkorlik shartnomalari imzolash va kelajakda istiqbolli loyihalar bo‘yicha hamkorlik qilishda muhim ahamiyat kasb etishini ta’kidlab o‘tdi. O'zbekistonda iqtisodiyot sektorlarining jadal rivojlanayotganidan mamnunligini bildirdi.
Finlandiyaning eng katta aksiyadorlik jamoalarini o‘z ichiga olgan “East office” kompaniyasi ijrochi direktori Janne Harjunpaa forum ishida barcha delegatlarga muvaffaqiyat tiladi.
Biznes-forumda delegatlar tomonidan ikki mamlakatning o‘zaro hamkorligini yanada rivojlantirishga qaratilgan taqdimotlar namoyish etildi. “Peikko”, “Kone”, “AINS Group”, “Elematic” va “East office” kompaniyalarining innovatsion yechimlari, tajribalari, tadqiqot va biznes loyihalari, maqsadlari va O‘zbekistonda tizimlarga olib kirilishi mumkin bo‘lgan yangi texnologiyalari bilan tanishildi.
Forumda biznes va ishbilarmon doiralar tomonidan savdo-iqtisodiy, sarmoyaviy hamkorlikning bugungi holati va istiqboli muhokama qilindi.
O‘zbekiston - Finlyandiya kompaniyalarining iqtisodiy munosabatlarini kengaytirish, yuqori texnologiyalarga asoslangan qo‘shma ishlab chiqarish va savdo ob’yektlarini yaratish, ilmiy tadqiqotlarni amalga oshirish, iqtisodiy sohalar uchun yuqori malakali kadrlar tayyorlash va ularning amaliyotlarini tashkil etish kabi qator yo‘nalishlarda kooperatsiya aloqalarini o‘rnatish imkoniyatlari mavjudligi ma’lum qilindi.
Forum doirasida B2B, B2G formatdagi uchrashuvlar o'tkaziladi va har tomonlama manfaatli hamkorlik borasida muzokaralar olib boriladi. Ishbilarmon doiralar bilan o‘zaro hamkorlik shartnomalari imzolanadi va kelajakda istiqbolli loyihalar bo‘yicha hamkorlik qilishga kelishiladi.
Ma’lumot uchun: 2022-yil Xalqaro Nordik universiteti va “Saipro Group” tomonidan O‘zbekiston Respublikasi Tashqi ishlar vazirligi ko‘magida O‘zbekistonda ilk bor birinchi "O‘zbekiston-Finlyandiya xalqaro biznes-forumi" o‘tkazilgan. Unda ikki davlat vazirlik va idoralari, dunyoning yetakchi fin kompaniyalari, xususan, Nokia, Reka Sables, FinnPartnership, Honka, Kone, Suokone kabi 30 dan ortiq kompaniya rahbarlari va mutaxassislari ishtirok etgan.
So'ngi yangiliklar
Magistrantimiz "Worldskills Samarkand-2025" kasblar chempionatida - bosh ekspert!
U "Worldskills Samarkand-2025" V milliy kasblar chempionatida esa bosh ekspert sifatida ishtirok etdi.
Elmira Usmanova o‘z tajribasini respublikaning 66 ta texnikumidan kelgan 300 nafarga yaqin pedagoglar bilan bo‘lishdi. Master-klass va mahorat darslari o‘tib berdi.
U xalqaro anjuman davomida pedagoglar bilan o‘zaro tajriba almashish, magistrlik ishi doirasidagi tadqiqotlarini yanada boyitishga ham muvaffaq bo‘ldi.
Xalqaro Nordik universiteti delegatsiyasi Malayziyada taʼlim safarida bo‘lib turibdi
Nufuzli anjuman ochilishida davlatlarimiz Madhiyalari yangradi, madaniy chiqishlar namoyish etildi.
O‘zbekiston Respublikasi Oliy taʼlim, fan va innovatsiyalar vaziri Qo‘ng‘irotboy Sharipov hamda Malayziya Oliy taʼlim vaziri Zambry Abdul Kadir ikki mamlakat o‘rtasida oliy taʼlim sohasida mustahkam hamkorlik yo‘lga qo‘yilganini alohida taʼkidladilar.
Forum doirasida Xalqaro Nordik universiteti hamda Malayziyaning Osiyo Tinch okeani texnologiya va innovatsiya universiteti (APU), Sulton Idris Pedagogika universiteti (UPSI), Utara universiteti (UUM) kabi qator nufuzli oliy taʼlim muassasalari bilan hamkorlik memorandumlari imzolandi.
Nordik universiteti qo‘shma taʼlim dasturlariga Malayziya yoshlarini jalb etish va ularning Finlandiyada o‘qishni davom ettirishlariga ko‘maklashish, talabalar almashinuvi, professor-o‘qituvchilarning malaka oshirish dasturlarini joriy etish kabi istiqbolli yo‘nalishlarda muzokaralar olib borilmoqda.
Shuningdek, Toshkent shahrida "O‘zbekiston-Malayziya biznes va taʼlim forumi"ni tashkil etish, xorijiy investorlar bilan talabalarga qulaylik yaratishni ko‘zda tutuvchi loyihalarni amalga oshirish borasida kelishuvlarga erishilyapti.
Nordik bilan pedagogik rivojlanish tomon qadam qo‘yildi
Taʼlimni rivojlantirish respublika ilmiy-metodik markazi bo‘lim boshlig‘i Furqat Xolmirzayev o‘quv kursi ishtirokchilariga xalqaro dasturlar va tadqiqotlarda ishtirok etish bo‘yicha boy tajribalarini yetkazdi.
Taʼlimdagi yutuqlarni baholash xalqaro assotsiatsiyasi (IEA) va PIRLS xalqaro tadqiqotlari haqida muhim maʼlumotlar taqdim etildi.
O‘quv mashg‘ulotlarida o‘quvchilar savodxonligi, matnni tushunish, talqin qilish va undan foydalanish qobiliyatlarini oshirish hamda xalqaro baholash dasturlarida muvaffaqiyatli ishtirok etish usullariga eʼtibor qaratildi.
O‘quv sessiyalari davomida pedagoglar taʼlim uchun yanada samarali strategiyalar ishlab chiqishda zarur bilim va ko‘nikmalarga ega bo‘ldilar.
Ushbu tashabbus Qozog‘iston taʼlim tizimining xalqaro maydondagi raqobatdoshligini oshirishga xizmat qiladi.
#talim_eksporti #xalqaro_tajriba
#pedagogik_rivojlanish
Ta'lim eksporti: Qozog‘iston delegatsiyasi Nordikda malaka oshirmoqda!
Kurs ishtirokchilariga Finlandiyaning Aalto universiteti va Nordik universiteti professorlari Aija Elg va Tapio Koskinen Finlandiya maktab tizimlarining ilg‘or tajribalari asosida yangi xalqaro bilim hamda ko‘nikmalarni bermoqdalar.
Trening davomida bilimlarni boshqarish va innovatsiyalarni rivojlantirish bo‘yicha muhim nazariy model - SECI (Socialization, Externationalization, Combination, Internalization)ni qo‘llash samaralari bo‘yicha maʼruza tinglandi.
Bilimlarning ijtimoiy, aniq va yashirin shakllarining o‘zaro almashinuvi, ularni o‘rganish hamda foydalanish, jamoaviy ishlash, amaliy mashg‘ulotlar, yangi g‘oyalarni loyihalash bo‘yicha keng bilimlar berildi. Aniq bilimlarni birlashtirish va yangi bilimlar yaratish, yangi strategiyalar ishlab chiqishga qaratilgan ushbu modelning samarasi ochib berildi.
Qozog‘istonlik taʼlim vakillari Finlandiya taʼlim tizimining innovatsion yondashuvlaridan biri - Learning Cafe tamoyilini ham katta qiziqish bilan o‘rgandilar. Ushbu yondashuv o‘quvchilarni mustaqil o‘rganish, hamkorlik va kreativlikni rivojlantirishga yo‘naltiradigan eng yaxshi yondashuvlardan biridir.
Kurs davomida taʼlimda o‘qituvchining amaliy bilimlarga asoslanishi, o‘quvchilarni real hayotiy vaziyatlarda bilimlarni qo‘llashga o‘rgatish, kasbiy rivojlanishlariga katta eʼtibor berish muhimligi taʼkidlandi. O‘z sinflarida innovatsion usullarni qo‘llashlari uchun samarali modellar o‘rgatildi.
Shuningdek, ishtirokchilar taʼlim sifatining xalqaro monitoringi tizimida xalqaro PISA dasturi, 2025-2026 yillarda o‘qish savodxonligini o‘lchashdagi konseptual o‘zgarishlar haqida ham muhim maʼlumotlarga ega bo‘ldilar.
Qozog‘istonlik pedagoglar uchun bu yangi bilimlar kelgusida taʼlimni yaxshilash va yangi yutuqlarga asos bo‘ladi.