Fakultet hayoti
Talabalik — bu imkoniyat! Uni tushkunlikda emas, motivatsiya bilan o‘tkazing!
May 01 , 2025
3
Yaqinda Motivation Club tashabbusi bilan talabalarning shaxsiy rivojlanishi va ichki salohiyatini yuzaga chiqarishga qaratilgan navbatdagi trening muvaffaqiyatli bo‘lib o‘tdi. Trening "ART OF LIVING" psixologik markazi rahbari, tajribali mutaxassis Xolmatov Mansur Abdiraxim o‘g‘li tomonidan olib borildi.
Mazkur treningda talabalarga quyidagi muhim mavzular atroflicha yoritib berildi:
🧠 Trening mavzulari:
- O‘z-o‘zini anglash va baholash
- Jamoada ishlash va liderlik ko‘nikmalari
Mashg‘ulotlar davomida ishtirokchilar:
- Ichki hissiyotlarini ochiq ifoda etish bo‘yicha amaliy mashqlarda qatnashishdi,
- Qiyinchiliklarga bardoshlilikni shakllantirish usullarini o‘rganishdi,
- Tanqidni sog‘lom qabul qilish va muammolarni hal qilish ko‘nikmalarini mustahkamlashdi.
Trening jonli muloqotlar, guruhli mashqlar va psixologik tahlillar asosida olib borildi. Ishtirokchilar o‘zlarining ruhiy holati, maqsadlari va hayotiy pozitsiyalarini chuqur tahlil qilish imkoniga ega bo‘lishdi. Eng muhimi, talabalar o‘zlarini anglash, ichki ovozini eshitish va ijobiy fikrlashni shakllantirishda muhim bosqichni bosib o‘tishdi.
Trening so‘ngida ishtirokchilar tomonidan o‘tkazilgan fikr-mulohazalar asosida shuni aytish mumkinki, bunday tashabbuslar nafaqat motivatsiya, balki hayotga bo‘lgan ishonchni ham kuchaytiradi.
Motivation Club bunday foydali tadbirlarni muntazam davom ettirishni rejalashtirmoqda. Zero, talabalik – bu imkoniyatlar davri, va uni mazmunli o‘tkazish har bir yoshning qo‘lida!
So'nggilari
2025-yilning aprel oyida "Besh tashabbus" doirasida Nordik universitetida talabalar o‘rtasida estafeta o‘yinlari bo‘lib o‘tdi. Mazkur sport musobaqasi sog‘lom turmush tarzini targ‘ib qilish, jamoaviy ruhni mustahkamlash va talabalar o‘rtasidagi do‘stona aloqalarni mustahkamlash maqsadida tashkil etildi.
Nordic Music Clubning keyingi uchrashuvi musiqiy bilimlarni chuqurlashtirish uchun ajoyib imkoniyat bo‘ldi. Bu safar ishtirokchilarimiz notalar bilan tanishish mavzusida mashg‘ulot o‘tkazishdi. Musiqa nazariyasining asosiy elementlaridan biri bo‘lgan notalar haqida batafsil ma'lumot berildi, ularning musiqa asaridagi ahamiyati va qanday o‘qilishi tushuntirildi.
Elektron tijorat sohasi va uning soliqqa tortilishi haqida aniq, ishonchli ma’lumotlar, tajriba va qonuniy asoslarni o‘z egasidan o‘rganishga tayyormisiz?
Nordik universiteti va Janubiy Koreyaning Daegu universiteti o‘rtasida xalqaro aloqalar kengaydi.