Trashion show tashkil etildi

Oliy taʼlim sari yo‘l: Nordik jamoasi 14 hudud yoshlari bilan bevosita muloqotda

Ushbu tashabbusning bosh maqsadi — bitiruvchi-yoshlarga oliy ta’limning ahamiyatini kengroq yetkazish, ularni ongli kasb tanlashga yo‘naltirish va zamonaviy ta’lim imkoniyatlari bilan yaqindan tanishtirishdir.

Uchrashuvlar doirasida maktab o‘quvchilari bilan yuzma-yuz muloqotlar tashkil etilib, ta’lim tizimidagi so‘nggi islohotlar, zamonaviy o‘quv jarayonlari va mehnat bozorida raqobatbardosh kadr bo‘lish yo‘llari taqdimotlar, buklet, videolavhalar va hayotiy misollar asosida tushuntirilmoqda.

Jumladan, Sirdaryo viloyatida 30-maktabda o‘tkazilgan uchrashuvda bitiruvchilar bilan oliy ta’limning inson va jamiyat hayotidagi o‘rni, bugungi kunda o‘qish uchun yaratilayotgan imkoniyatlar haqida ochiq suhbat olib borildi. 

O‘quvchilar Xalqaro Nordik universiteti misolida mavjud istiqbolli taʼlim yo‘nalishlari, xalqaro hamkorlik dasturlari va akademik muhitga oid batafsil ma’lumotlarga ega bo‘lishmoqda. 

Shu kabi ilmiy-ma’rifiy uchrashuvlar Qoraqalpog‘iston Respublikasidagi 1-maktab, Namangan viloyatidagi 12-maktab, Buxoro viloyatidagi 2-, 21-, 28- va 31-maktablar, Andijon viloyatidagi 6-maktab hamda 51-DIMI, Xorazm viloyatidagi 12-maktab, Samarqand viloyatidagi 30, 81, 128-maktablar, Farg‘ona viloyatidagi 22-maktab va Qashqadaryo viloyatidagi 42, 43, 47-umumtaʼlim maktablari, Google school o‘quv markazlarida ham tashkil etildi.

Mazkur uchrashuvlar nafaqat targ‘ibot, balki ijtimoiy-ma’rifiy muloqot maydoni sifatida ham muhim ahamiyat kasb etmoqda. Chunki unda yoshlar o‘zlarini qiziqtirgan savollarga bevosita javob olish, shaxsiy rivojlanishlari uchun aniq yo‘nalishlar belgilab olish imkoniga ega bo‘lmoqdalar. 

Nordikning bu tashabbusi ta’lim va katta hayotga kirib kelayotgan yoshlar o‘rtasidagi uzviy bog‘liqlikni mustahkamlovchi, bitiruvchilar ongida bilimga, oliy taʼlim olishga bo‘lgan ehtiyojni kuchaytiruvchi muhim jarayon bo‘lmoqda. 

Barcha hududlarda yoshlar bilan uchrashuvlar davom etmoqda.

Toshkent xalqaro matematika olimpiadasi — taʼlim sifati ko‘zgusi

Ushbu bosqich iqtidorli yoshlarni aniqlash, ularning bilimlarini shaffof baholash hamda ilm-fan rivojiga xizmat qiladigan intellektual zaxirani shakllantirishda muhim ahamiyat kasb etadi.

Olimpiada 14 ta hududda, viloyat markazlaridagi yetakchi ta’lim muassasalarida 1- va 2-smenalarda bir vaqtda oflayn formatda tashkil etilmoqda. Unda 3–11-sinflar kesimida dastlabki bosqichda saralangan 4288 nafar o‘quvchi ishtirok etmoqda.

Topshiriqlar o‘quvchilarning mantiqiy fikrlashi, analitik yondashuvi va bilim darajasini aniqlashga qaratilgan.

Jarayonlarda teng sharoitlar yaratilib, baholashda shaffof va adolatli mexanizmlar qo‘llaniladi. Ishtirokchilarning yuqori motivatsiyasi esa yoshlar orasida ilm-fanga qiziqish ortib borayotganini ko‘rsatadi. Ushbu bosqich yakuniga ko‘ra eng kuchli ishtirokchilar finalga yo‘llanadi.

“Maʼlumot o‘rnida”: Toshkent xalqaro matematika olimpiadasi Xalqaro Nordik universiteti va IDC ta’lim markazi tomonidan Oliy ta'lim, fan va innovatsiyalar vazirligi, Maktabgacha va maktab ta’limi vazirligi, UNICEF, AQSHdagi Rowan universiteti, Finlandiyadagi Kareliya AFU, UzReport TV hamda “Asia Alliance Bank” ATB kabi hamkorlar bilan birgalikda tashkil etilmoqda. Olimpiada 2026-yilda uchinchi bor o‘tkazilmoqda.

Toshkent viloyati bosqichiga Xalqaro Nordik universiteti mezbonlik qilyapti. 1-smenada 5–8-sinf o‘quvchilari ishtirok etdi.

2-smena (soat 14:00)da esa 3, 4, 9, 10 va 11-sinf o‘quvchilari bellashadi.

Taʼlimda sheriklik: Nordik va BUEM

Uchrashuv Slovakiya Respublikasining O‘zbekistondagi Favqulodda va muxtor elchisi Viktor Borecký mezbonligida tashkil etildi.

Muzokaralarda Bratislava Iqtisodiyot va menejment universiteti (BUEM) vakillari — xalqaro aloqalar bo‘yicha prorektor, dr. Martin Kovač va xalqaro aloqalar bo‘limi direktori dr. Radka Straková ishtirok etdilar.

Suhbat davomida O‘zbekiston va Slovakiya o‘rtasida oliy ta’lim sohasidagi hamkorlikni kengaytirish masalalari muhokama qilindi. Tomonlar talabalar va professor-o‘qituvchilar almashinuvi, qo‘shma ta’lim dasturlari va double degree loyihalari, yozgi maktablar hamda qisqa muddatli treninglar yo‘lga qo‘yish bo‘yicha kelishuvga erishdilar. 

Mazkur uchrashuv ikki davlat va universitetlar o‘rtasida ta’lim diplomatiyasini yangi bosqichga olib chiqish, akademik integratsiyani kuchaytirish va yoshlar uchun xalqaro imkoniyatlarni kengaytirishda muhim qadamlardan biri bo‘ldi.

"Голос поезии": Nordikda “She’riyat ovozi”!

Adabiyot ixlosmandlari sevimli sheʼrlarini ifodali o‘qib, tinglovchilarga satrlar ortidagi maʼnolarni obrazli va taʼsirchan taqdim qilishga intildilar. Har bir chiqish alohida mazmun-mohiyat kasb etdi. 

Eng munosib ishtirokchilar e’tirof etildilar. 

🥇 Xikmatova Ruxsora

🥈 Axadbekov Nodirbek

🥉 Kutbiddinova Solixa. 

G‘oliblar va barcha ishtirokchilar sertifikat va esdalik sovg‘alari bilan taqdirlandilar. 

Bu she’riyat kechasida so‘zning sehrli kuchi barchani birlashtirdi.