"O‘zbekiston - Estoniya xalqaro biznes forumi" start oldi!
March 14 , 2024
392
O‘zbekiston - Estoniya xalqaro biznes forumi XNUda boshlandi, B2B muzokaralar va hamkorlik shartnomalari imzolanishi kutilmoqda.
🎙 Sherzod Mustafakulov
🎓 Xalqaro Nordik universiteti rektori, iqtisodiyot fanlari doktori, professor
Assalomu alaykum, bugungi biznes forum ishtirokchilari!
📌 "O‘zbekiston - Estoniya xalqaro biznes forumi" yangi global sharoitda har ikki mamlakat biznes rahbarlarini kelajak maqsadlari yo‘lida birlashtirishga xizmat qilishi, shubhasiz.
💼 Forum doirasida:
✅ Yetakchi eston kompaniyalari bilan mahalliy biznes vakillari o‘rtasida B2B muzokaralar tashkil etiladi.
✅ O‘zaro hamkorlik shartnomalari imzolanadi.
✅ Istiqbolli loyihalar bo‘yicha hamkorlik qilish uchun shart-sharoit yaratiladi.
🌍 Hamkorlik doirasida muhokama qilinadigan yo‘nalishlar:
🔹 Xorijiy tajribalar va ilg‘or texnologiyalarga asoslangan qo‘shma savdo ob’yektlarini yaratish.
🔹 Iqtisodiy sohalarda yuqori malakali kadrlar almashinuvi.
🔹 Biznes kooperatsiya aloqalarini mustahkamlash.
🤝 Fursatdan foydalanib, forum ishida barcha tadbirkorlarga muvaffaqiyat tilayman!
🌐 Xalqaro Nordik universiteti har ikki davlat ishbilarmon doiralari uchun yangi global platforma vazifasini o‘tashga tayyor!
So'nggi yangiliklar
Nordik va DAAD: Germaniya universitetlari bilan yangi istiqbollar
Uchrashuvda DAADning Markaziy Osiyo bo‘yicha mintaqaviy rahbari Gisella Zimmermann va akademik hamkorlik bo‘yicha mutaxassis Kanybek Sydykbekov bilan muzokara o‘tkazildi.
Muloqot davomida Germaniya universitetlari bilan hamkorlikni kengaytirish, ochilishi rejalashtirilayotgan yangi taʼlim yo‘nalishlari bo‘yicha ustuvor maqsad va vazifalar, talabalar uchun DAAD stipendiya dasturlari imkoniyatlari muhokama qilindi.
Shuningdek, nemis tilini chuqur o‘rganishni rag‘batlantirish va OnSET xalqaro til imtihonida qatnashish imkoniyatlarini kengaytirish, professor-o‘qituvchilarning Germaniyada malaka oshirish istiqbollari yuzasidan fikr almashildi.
Ushbu uchrashuv ikki tomonlama akademik hamkorlikni mustahkamlash, taʼlim va ilmiy tadqiqotlar sohasida yangi imkoniyatlar yaratish, xalqaro ta’lim, grantlar va akademik almashinuv yo‘lida yana bir muhim qadam bo‘ldi.
“Miss Nordic – 2026”: Nordik toji o‘z egasini topdi!
Talaba-qizlarimiz nafaqat go‘zalligi, balki bilimi, nutqi va ijodiy yondashuvi bilan ham o‘ziga xosliklarini namoyish etishdi.
Tanlovda dastlab insho yozish – fikr va tafakkur sinovi o‘tkazildi. Tanishtiruv shartida ishtirokchilarning o‘zini erkin tutishi va jozibador namoyon etishiga ahamiyat qaratildi.
Milliy obraz yaratish shartida esa milliy qadriyatlar keng tarannum etildi. Erkin mavzu bahsida ijod va sahna mahorati sinovdan o‘tkazildi.
👑 Bi yilgi Miss Nordic toji 1-o‘rin sohibasi Xusniyabonu Maxmudovaga nasib etdi!
2-o‘ringa Marjona Maxmudova, 3-o‘ringa Muborak G‘ayratova sazovor bo‘ldilar.
🌟 Tanlovda faol ishtirok etgan talabalar nomlarini ham alohida e’tirof etib o‘tamiz:
💫 Nasibaxon Mirsodiqova
💫 Mohinur Mirobidova
💫 Shahzoda Ergasheva.
💐 “Miss Nordic – 2026” yana bir bor shuni isbotladi: Nordik qizlari — nafislik, bilim va iste’dod uyg‘unligining yorqin timsolidirlar!
📸 Tanlovning eng yorqin lahzalari — fotosuratlarda.
Amaliyot — kasb o‘rgatuvchi maktab bo‘lmoqda
Talabalar U.Q.Qurbonov nomidagi respublika bolalar ruhiy-asab kasalxonasida amaliyotda bo‘ldilar.
Mashg‘ulotda ular rivojlanishida nuqsoni bo‘lgan bolalar bilan ishlash jarayonini kuzatdilar. Logopedik reabilitatsiya usullari bilan yaqindan tanishdilar.
Shuningdek, tashxis qo‘yish va kompleks korreksion yordam jarayonlari bo‘yicha mutaxassislar tavsiyalarini tingladilar.
Eng muhimi, talabalar nazariy bilimlarini haqiqiy amaliy jarayon bilan bog‘lash imkoniga ega bo‘lishdi. Uzoq muddat davolanayotgan bolalar uchun tashkil etilgan kasalxonada inklyuziv ta’lim tizimi haqida ham batafsil ma’lumotlar olishdi.
Bu tajriba kelajak logopedlarini insoniylik, sabr va mehr bilan ishlashga o‘rgatuvchi maktab ham bo‘ldi.
Talabalar va tadqiqotchilar uchun muhim manbalar: uch yangi kitob
Mazkur darslikda milliy identivlikning nazariy asoslari hamda uning ommaviy axborot vositalarida namoyon bo‘lishi chuqur tahlil qilinadi.
Kitob jurnalistika yo‘nalishi talabalari, tadqiqotchilar va media sohasida faoliyat yuritayotgan mutaxassislar uchun nazariya va amaliyotni uyg‘unlashtirgan muhim qo‘llanmadir. Ushbu asar milliy identivlikni anglash va uni media makonida ifodalash masalalariga yangi ilmiy qarashlar olib kiradi.
Muallif — Yulduz Artikova.
“Xalqaro iqtisodiyot” — global iqtisodiy jarayonlarni tushunishga yo‘l ochuvchi qo‘llanma.
Ushbu o‘quv qo‘llanmada zamonaviy dunyo iqtisodiyotining nazariy asoslari va amaliy jarayonlari tizimli yoritilgan. Unda xalqaro savdo nazariyalari, investitsiyalar, global iqtisodiy integratsiya, tashqi savdo siyosati hamda xalqaro moliyaviy munosabatlar kabi muhim masalalar batafsil tahlil qilingan.
Kitob iqtisodiyot yo‘nalishida tahsil olayotgan talabalar uchun muhim akademik manba bo‘lib, global iqtisodiy jarayonlarni chuqur tushunishga yordam beradi.
Muallif — A.Nigmanov.
“Maktabgacha pedagogika” — bolalar rivojining ilmiy asoslariga bag‘ishlangan.
Mazkur o‘quv qo‘llanmada maktabgacha yoshdagi bolalarning psixologik, biologik va ijtimoiy rivojlanish qonuniyatlari hamda ta’lim-tarbiya jarayonining pedagogik asoslari yoritilgan.
Kitob maktabgacha ta’lim yo‘nalishi talabalari, pedagoglar va ilmiy izlanish olib borayotgan tadqiqotchilar uchun nazariy bilim va amaliy tajribani uyg‘unlashtiruvchi muhim manba hisoblanadi.
Muallif — M.Egamberdiyeva