Muhim kelishuvlar amalga oshirildi

Nordic Talk: gapirish vaqti keldi

Ushbu innovatsion akademik platforma Chet tillari kafedrasi katta o‘qituvchisi Durdona Azizova va dekan o‘rinbosari Zafar Uralboyev tashabbusi bilan yo‘lga qo‘yildi.

Nordik ta’lim qadriyatlariga uyg‘un loyihaning maqsadi kreativ tafakkurni uyg‘otish, nutq taʼsirchanligini oshirish va eng muhimi, o‘z fikrini erkin, dadil ayta oladigan yetakchi yoshlar safini kengaytirib borishdir. 

Talabalar ingliz tilida o‘z hayotiy tajribalari va qarashlariga asoslangan nutqlar bilan chiqish qilib, tomoshabinlarni o‘ylantirib ham qo‘ydilar. 

G‘oliblar bilan tanishamiz:

✨ Eng yaxshi spiker — Elvira Abdumalikova, “Biz qo‘llab-quvvatlayotgan kontent, biz yaratayotgan hamjamiyat”

✨ Eng ilhomlantiruvchi nutq — O‘g‘iloy Kubayeva, “Haqiqatan fikrlayotgan kim? Sizmi yoki sizning miyangiz?”

✨ Eng yaxshi g‘oya — Nodirabegim Xamidova, “Zerikishning ahamiyati”

Barcha ishtirokchilar sertifikatlar bilan, g‘oliblar esa diplom va esdalik sovg‘alari bilan taqdirlandilar.

Tadbir tomoshabinlar tomonidan iliq kutib olindi va bu faqat boshlanishi! Nordic Talk — yangi g‘oyalar, yangi ovozlar va yangi liderlarni kashf etishda davom etadi.

Ilmiy kengash majlisi: navbatdagi dissertatsiya himoyalari o‘tkazildi

Mazkur ilmiy yig‘ilishda oliy ta’lim va ilm-fan integratsiyasini mustahkamlash, ilmiy tadqiqotlar samaradorligini oshirishga eʼtibor qaratildi. 

Majlis davomida tadqiqotchi Nigmanov Azizbek Ulugbekovich tomonidan “O‘zbekiston sanoat tarmoqlarida energiya sarfini kamaytirish bo‘yicha xorijiy tajriba (Xitoy Xalq Respublikasi misolida)” mavzusidagi dissertatsiya ishi taqdim etildi.

Tadqiqotda sanoat korxonalarida energiya samaradorligini oshirishga qaratilgan ilg‘or xorijiy yondashuvlar tahlil qilinib, ularni milliy sharoitga moslashtirish bo‘yicha ilmiy asoslangan taklif va tavsiyalar ilgari surildi. 

Himoya jarayonida ishning nazariy va amaliy ahamiyati keng muhokama qilindi.

Shuningdek, tadqiqotchi Xalmatov Turg‘unbay Qo‘chkarovichning “Yengil sanoat korxonalari faoliyatida raqamli texnologiyalardan foydalanishning uslubiy jihatlarini takomillashtirish” mavzusidagi dissertatsiyasi ham kengash raisi va a’zolari tomonidan atroflicha ko‘rib chiqildi. 

Mazkur ish raqamli transformatsiya jarayonlarining yengil sanoat tarmoqlariga tatbiqi, ishlab chiqarish samaradorligini oshirish va boshqaruv mexanizmlarini takomillashtirish masalalari chuqur tahlil etilganligi bilan ahamiyatlidir. 

Muhokamalar yakunida har ikki dissertatsiya ishi ilmiy yangiligi, amaliy ahamiyati va dolzarbligi nuqtai nazaridan ijobiy baholanib, Ilmiy kengash qaroriga muvofiq munosib ravishda tasdiqlandi.

Nordikda betakror bayram — "Nafosat olami"

Bayram davomida milliy kuy-qo‘shiqlar jaranglab, sahnada rang-barang, mazmunli va badiiy chiqishlar namoyish etildi. Har bir chiqish o‘ziga xos ruh, nozik did va yuksak iste’dod uyg‘unligida tomoshabinlar qalbidan chuqur joy oldi.

Talabalarning ijodiy yondashuvi, sahnadagi ishonch va jo‘shqinligi, turli shartlarga qo‘l mehnati, did va mahorat uyg‘unligidagi yechimlari ustozlar tomonidan ijobiy baholandi.

G‘oliblar nomlari e’tirof etildi:

🥇 Eng mahoratli ishtirokchi — Oydinoy Alimbayeva (1-MXT-25)

🥇 Eng epchil ishtirokchi — Mo‘tabar Norqobilova (2-MXT-25)

🥇 Eng shijoatli ishtirokchi — Shahzoda Turg‘unova (3-MXT-25). 

Bu unutilmas ayyom qalblarni yaqinlashtirib, mehr-oqibat va birlik tuyg‘ularini yanada mustahkamladi. Samimiy tabassumlar, iliq muhit, bahoriy taomlar esa bayramga o‘zgacha tarovat bag‘ishladi.

Savol: nega Amir Temur oddiy lashkarboshi bo‘lib qolmadi?

Tarixiy manbalarga ko‘ra:

✓ Temur har bir yurishidan oldin kengash o‘tkazgan

✓ har bir amirga aniq vazifa yuklagan

✓ va eng muhimi — natija uchun shaxsiy javobgarlikni belgilagan.

🔰 “Davlat ishlarini maslahat va tartib bilan olib bordim.”

🔥 Eng muhim jihat: u lavozimni nasabga emas, qobiliyat va sodiqlikka qarab topshirgan.

📌 Natija: tarixdagi eng samarali boshqaruv jamoalaridan birini tuzgan. 

💭 Endi esa bugungi kun…

Ko‘pincha quyidagilarga duch kelamiz:

❌ Reja bor — ijro sust

❌ Hisobot bor — natija yo‘q

❌ Lavozim bor — mas’uliyat noaniq. 

📌 Temuriy yondashuv nima deydi?

✔️ Har bir lavozim = aniq vazifa

✔️ Har bir vazifa = o‘lchanadigan natija

✔️ Har bir natija = shaxsiy javobgarlik. 

⚙️ Hatto uning qo‘shin tizimi (10 lik, 100 lik, 1000 lik) —

bugungi boshqaruv strukturasi va KPI tizimining ildizi edi.

💡 Eng muhim xulosa:

Temur kuchli bo‘lgani uchun davlat kuchli bo‘lmagan.

👉 Tizim kuchli bo‘lgani uchun davlat kuchli bo‘lgan.

✅ O‘zimizga savol beraylik:

Tizim quryapmizmi… yoki shunchaki faoliyat yurityapmizmi?