Helsingin Suomalainen Yhteiskoulu maktabi delegatsiyasining yurtimizga tashrifi kutilmoqda

Pushkin olamiga sayohat: qiziqarli adabiy bellashuv o‘tkazildi

Anjumanda talabalar Pushkin hayoti va ijodi haqidagi turli intellektual hamda ijodiy sinovlarda o‘z bilim va salohiyatlarini namoyish etdilar.

Qiziqarli tanishtiruv, mantiqiy rebuslar va adabiy topshiriqlarni ishtirokchilar katta qiziqish bilan bajardilar. Ayniqsa, mashhur multfilm qahramonlariga ovoz berish jarayoni tadbirga ijodiy ruh va ko‘tarinki kayfiyat bag‘ishladi.

Bu uchrashuv talabalarning ijodiy fikrlashi, jamoada ishlash ko‘nikmalari va madaniy dunyoqarashlarini boyitdi.

🏆 G‘olib jamoalar:

🥇 “Пульс” — 1 TM 25

🥈 “Говорунчики” — 1 JK 25, 2 JK 25

🥉 “4 слога” — 1 ML 25, 4 Ji 25, 1 MT 25

🏅 “Красная строка” — 1 EK 25, 1 PS 25, 1 BM 25.

Talabalar Pushkinning o‘lmas satrlari mohiyati bilan kengroq tanishib, tafakkurlari charxlandi va o‘zlari uchun yangi ilhom manbalarini kashf etdilar.

Universitet kelajagini belgilovchi muhokamalar — Kengash yig‘ilishida

Unda ta’lim sifati monitoringi, qabul jarayonlarini takomillashtirish, talabalar bilan ishlash samaradorligini oshirish hamda universitet faoliyatining ustuvor yo‘nalishlariga oid qator masalalar muhokama qilindi.

Yig‘ilish kun tartibidan o‘rin olgan muhim masalalardan biri — ta’lim sifatini ta’minlashning ichki monitoring tizimini yanada takomillashtirish va uni yuqori saviyada tashkil etishga tayyorgarlik ko‘rish bo‘yicha hisobotlar tinglandi. Ta’lim jarayonining sifat ko‘rsatkichlarini muntazam baholash, natijadorlikni oshirish bo‘yicha takliflar ko‘rib chiqildi.

Shuningdek, “Qabul–2026” kampaniyasiga tayyorgarlik masalalari muhokama qilinib, yangi marketing strategiyasining ahamiyati, “Nordic-CRM” platformasidan samarali foydalanish hamda abituriyentlar bilan ishlashning zamonaviy yondashuvlarini joriy etish bo‘yicha vazifalar belgilab olindi.

Yig‘ilishda talabalarning bo‘sh vaqtini mazmunli tashkil etish, yozgi maktablar va turli klublar faoliyatini rivojlantirish masalalariga ham alohida e’tibor qaratildi. Bu borada talabalarning ilmiy, ijodiy va ijtimoiy faolligini oshirishga xizmat qiluvchi tashabbuslarni qo‘llab-quvvatlash zarurligi ta’kidlandi.

Kengashda HEMIS platformasida fanlar bo‘yicha o‘quv-uslubiy materiallarni joylashtirish holati monitoringi hamda professor-o‘qituvchilarning reyting ko‘rsatkichlari yuzasidan taqdim etilgan ma’lumotlar ko‘rib chiqildi. Ta’lim resurslarining to‘liqligi va sifati bo‘yicha mavjud holat tahlil qilinib, kamchiliklarga yo‘l qo‘ymaslik yuzasidan tegishli topshiriqlar berildi.

Yig‘ilish davomida "TasIMO–2026" xalqaro olimpiadasini tashkil etish doirasida amalga oshirilgan ishlar va natijalar sarhisob qilinib, kelgusida musobaqaning ilmiy salohiyati va qamrovini yanada kengaytirish bo‘yicha chora-tadbirlar belgilandi.

Shuningdek, universitet professor-o‘qituvchilari, xodimlari va talabalarini xorijiy davlatlarga yuborish tartibini belgilovchi nizom loyihasi ko‘rib chiqildi.

Bitiruvchi talabalarning yakuniy davlat attestatsiya imtihonlarini tashkil etish masalalari ham ko‘rildi.

“Xalq so‘zi” va “Народное слово” gazetalari bosh muharriri, taniqli adib va jamoat arbobi O‘tkir Rahmatga universitetning “Faxriy professori” unvonini berish taklifi bir ovozdan yoqlandi.

Kun tartibidagi asosiy masalalar bilan bir qatorda o‘quv-uslubiy va ilmiy adabiyotlarni nashrga tavsiya etish tizimini takomillashtirish, pedagog-o‘qituvchilarni dotsent vazifasini bajaruvchi lavozimlarga o‘tkazish hamda dotsent ilmiy unvonini olish uchun nomzodlar hujjatlarini elektron platformaga yuklash bilan bog‘liq masalalar ham muhokama qilindi.

Yig‘ilish yakunida kun tartibidagi barcha masalalar yuzasidan tegishli qarorlar qabul qilinib, mas’ullarga aniq vazifalar va ijro muddatlari belgilab berildi.

Kengash yig‘ilishida yangi ilmiy yutuqlarga erishgan ustozlarga professorlik va dotsentlik diplomlari taqdim etildi. Kengash aʼzolari diplom egalarini bu yutuqlari bilan samimiy tabrikladilar.

Toshkent xalqaro investitsiya forumi: O‘zbekiston global iqtisodiyot xaritasida

Mazkur maqolada O‘zbekistonning jahon iqtisodiyotidagi yangi o‘rni, investitsiyaviy jozibadorligi va iqtisodiy islohotlar natijalari ilmiy-tahliliy yoritilgan.

Toshkent xalqaro investitsiya forumi oldidan ushbu nufuzli anjumanning mohiyati ochib berilgan. Forum Markaziy Osiyoning eng yirik investitsion maydonlaridan biriga aylanib, global investorlar, xalqaro moliya institutlari va biznes vakillarini bir nuqtada jamlayotgani qayd etilgan.

Forumning 2026-yildagi mavzusi — “Investitsiya barqarorligi: yangi ufqlar, yangi sherikliklar” bo‘lib, bugungi global iqtisodiy noaniqliklar sharoitida kapitalni himoya qilish va yangi hamkorlik mexanizmlarini shakllantirishga qaratilgan.

Maqolada forum mamlakatning global iqtisodiy tizimdagi o‘rnini mustahkamlovchi strategik platforma sifatida talqin qilingan.

Muallif bunga bir nechta omillarni sabab sifatida ko‘rsatgan. Maqolaning batafsil mazmuni bilan "Yangi O‘zbekiston" gazetasining 6-iyun kungi sonida tanishishingiz mumkin.

Universitet — texnopark — startap ekotizimi: talabalar uchun laboratoriyadan biznesgacha

Innovatsion o‘quv-ishlab chiqarish texnoparkiga tashrif davomida loyihalar va g‘oyalarni amalga oshirish va rivojlantirish uchun yaratilgan barcha sharoitlar ko‘zdan kechirildi. Yuqori texnologiyali mashina va uskunalar bilan jihozlangan ishlab chiqarish, ofis va kovorking, VR zonalari, biotexnologik va standartlashtirish laboratoriyalari, mashhur jahon brendlari KUKA va FANUC sanoat robotlari bilan jihozlangan elektronika va robototexnika zonalarida innovatsion infratuzilma bilan tanishildi.

Quvonchlisi, Nordik universitetining “Bo‘lajak olim” ilmiy g‘oyalar tanlovi g‘oliblariga Sertifikatlar topshirildi, "Mirzo Ulug‘bek vorislari" respublika tanlovi g‘olibi bo‘lgan talabamizga vaucher taqdim etildi.

Tashrif natijasida Xalqaro Nordik universiteti va “INNO" texnopark shuningdek, O‘zbekiston Respublikasi Oliy ta’lim, fan va innovatsiyalar vazirligi huzuridagi Yoshlarning innovatsion tashabbuslarini qo‘llab-quvvatlash ofisi rahbariyatlari o‘rtasida hamkorlik memorandumlari imzolandi.

Bugungi kunda zamonaviy universitetlarning muvaffaqiyati faqat auditoriyadagi ta’lim bilan emas, balki ilm-fan, innovatsiya va ishlab chiqarish integratsiyasi bilan baholanadi. Imzolangan memorandumlarda aynan shu jihatlarga ahamiyat qaratildi.

Talabalar texnopark laboratoriyalari, robototexnika markazlari, zamonaviy texnik bazalar va ishlab chiqarish maydonlarida amaliyot hamda stajirovka o‘tash imkoniyatiga ega bo‘ladilar. Bu orqali real kasbiy tajriba uchun ta’lim olish modeli yanada shakllantiriladi.

Hamkorlik doirasida sun’iy intellekt, robototexnika, 3D modellashtirish, dasturlash va innovatsion muhandislik yo‘nalishlarida qo‘shma loyihalar amalga oshiriladi. Bu esa Nordik talabalarining mehnat bozorida talab yuqori bo‘lgan kompetensiyalarni kengroq egallashiga xizmat qiladi.

Shuningdek, “g‘oya–tadqiqot–prototip–startap–mahsulot” zanjiri talabalarning innovatsion fikrlarini real biznes va texnologik mahsulotga aylantirish imkoniyatini yaratadi. Bu esa oddiy loyihagina emas, kelajakdagi texnologik kompaniyalar uchun poydevor vazifasini bajaradi.

Kelgusida grant loyihalari, xalqaro dasturlar, xakatonlar, tanlovlar va ilmiy tashabbuslarda hamkorlikda ishtirok etishga kelishildi. Nordik talabalari uchun nafaqat mahalliy, balki xalqaro innovatsion maydonga chiqish imkoniyatlarini kengaytirish uchun muhim kelishuvlarga erishildi.

Hamkorlik maqsadlarida patentlar, foydali modellar, innovatsion mahsulotlar yaratish hamda ularni amaliyotga joriy etish va tijoratlashtirish mexanizmlari ham nazarda tutilib, kelgusida talabalar va yosh tadqiqotchilarning ilmiy ishlanmalari iqtisodiy qiymat kasb etishiga asos qo‘yildi.

Mazkur hamkorliklar Nordik universitetining ta’lim modelini yangi bosqichga olib chiqadi. Endilikda talabalar uchun faqat bilim oluvchi emas, ilmiy tadqiqotchi, startap asoschisi, innovator va texnologik loyihalar ishtirokchisiga aylanish imkoniyati yanada kengayadi.