Amerikada o‘zbekona anʼanalarimiz namoyish etiladi!
March 28 , 2025
910
AQShning Michigan shtatida joylashgan Lourens texnologiya universitetida Navro‘z bayramiga bag‘ishlangan tantanali tadbir o‘tkaziladi.
🏛 O‘zbekiston Oliy taʼlim, fan va innovatsiyalar vazirligi, Xalqaro Nordik universiteti hamkorligida tashkillashtirilayotgan anjuman turli millat vakillarini birlashtirib, o‘zbekona qadriyatlarni dunyoga namoyish etish imkonini beradi.
Ushbu nufuzli universitetda taʼlim olayotgan talabalarimiz tomonidan tashkillanayotgan bayram tadbirida 50 dan ortiq davlatlar, turli millatlar vakillari bo‘lgan talabalar ishtirok etadilar. Mehmonlar o‘zbekona urf-odatlar, anʼanalar bilan tanishib, sumalak, palov, milliy pishiriqlarimizdan bahramand bo‘ladilar.
🔥 Barchani mehmondo‘stlik, betakror taʼmli noz-neʼmatlar, mehr va xush kayfiyat, musiqiy chiqishlar zavqi kutmoqda!
🗓 3-aprel, payshanba, 12:00.
🌸 Navro‘zning quvonchli lahzalarini biz bilan kuzating!
So'nggi yangiliklar
Sohibqiron ruhi — yoshlar tafakkurida!
Iqtisodiyot va biznesni boshqarish hamda Sanoatni boshqarish va raqamli texnologiyalar kafedralari hamkorligidagi tadbir davomida talaba-yoshlar Sohibqironning bebaho merosi — Temur tuzuklari asosida bilimlarini sinovdan o‘tkazdilar. Jamoalar Temuriylar davlatchiligi falsafasini anglash sari intilishlarini har jihatdan namoyish etishdi.
Bellashuv 2 bosqichda kechdi:
🔹 1-bosqich — tarixiy bilim va mantiq sinovi
🔹 2-bosqich — ijodkorlik maydoni: tuzuklarni rasmlar orqali jonlantirish.
5 ta jamoa o‘rtasida intellektual madaniyat doirasida bahslar qizg‘in kechdi.
Ishtirokchilar bilim, topqirlik, tezkor fikrlash va jamoaviy hamjihatlik namunasini ko‘rsatdilar.
Tadbir yakunida barcha qatnashchilarga sertifikatlar topshirildi, eng kuchli jamoalar esa munosib taqdirlandilar.
1-o‘rin — World economics
2-o‘rin — 1-EK-24
3-o‘rin — Space
4-o‘rin — 5-JI
5-o‘rin — Liderlar.
Sohibqiron merosini o‘rganish yoshlar tafakkuriga kuch va yetakchilik bag‘ishladi.
Deputatlar va yoshlar: g‘oya, tashabbus va imkoniyat
Tadbirkorlar va ishbilarmonlar harakati — O‘zbekiston Liberal-demokratik partiyasi Toshkent shahar Kengashi hamkorligidagi uchrashuvda ochiq va samimiy muloqot muhiti yaratildi.
Unda Oliy Majlis Qonunchilik palatasi deputatlari Gulshana Xudoyarova va Aziza Aminova, shuningdek, O‘zLiDeP Toshkent shahar Kengashi Yoshlar va tadbirkorlikni qo‘llab-quvvatlash bo‘limi mudiri Dilnoza Tajieva o‘z maʼruzalari bilan ishtirok etdilar.
Yoshlar tadbirkorligini rivojlantirish, yangi loyihalarni qo‘llab-quvvatlash mexanizmlari, talabalar tashabbuslarini amaliyotga joriy etish yo‘llari, davlat va yoshlar o‘rtasidagi hamkorlikni mustahkamlash masalalari muhokama markazida bo‘ldi.
Uchrashuvda bugungi yoshlar faqat bilim oluvchi emas, jamiyatdagi o‘zgarishlar tashabbuskori sifatida shakllanishi zarurligi taʼkidlandi.
Nordik ustozlarining qo‘llanmalari rasmiy tasdiqdan o‘tdi!
Tasdiqlangan qo‘llanmalar:
🔹 “Ma’lumotlarni boshqarish tizimlari 1”
Mualliflar: Istoraxon Abdusalomova, Doniyorbek Usmanbayev, Fotima Sofoyeva.
🔹 “Tarbiyaviy ishlar metodikasi”
Muallif: Fotima Islamova.
🔹 “Musiqa o‘qitish metodikasi”
Muallif: Dilnozaxon Sabirdjanova.
🔹 “Psixologik trening asoslari”
Muallif: Mansur Xolmatov.
🔹“Maktabgacha ta’limda etnopedagogika”
Muallif: Marg‘uba Xasanova.
💡 Ushbu qo‘llanmalar nazariya va amaliyotni uyg‘unlashtirgan, zamonaviy ta’lim talablariga javob beruvchi, talabalar uchun qulay va samarali metodik manba sifatida xizmat qiladi.
Bu yutuqlar universitetimiz ilmiy salohiyati va ta’lim sifatiga qo‘shilayotgan navbatdagi muhim hissalardir.
Mamlakatlar paradi: turli xalqlar qadriyatlari — talabalar nigohida
Har bir jamoa bir xorijiy davlat vakillari sifatida namoyon bo‘ldilar. Har bir chiqish bir xalq tarixini aks etdi, taomlar ko‘rgazmalarida esa milliy taomlar boyligi, gastronomik xilma-xillik o‘z aksini topdi.
Amerika, Fransiya, Finlandiya, Turkiya, Koreya, Italiya va boshqa davlatlar oshxonasi taqdim etildi va talqin qilindi.
Ayniqsa, jonli musiqa, talabalar ijrosidagi kuy-qo‘shiqlar bayramni bezadi.
Anjumanda talaba-yoshlar ijodiy mehnat va mahoratlari bilan birga keng dunyoqarashlarini ham namoyish etdilar.
Eng yaxshi dasturxon, kostyum, sahna g‘oyasi, dekoratsiya, ta’m va boshqa nominatsiyalar bo‘yicha g‘oliblar aniqlandi. Har bir jamoaning mehnati, tafakkuri va jamoaviy ruhiga munosib baho berildi.
“Mamlakatlar paradi” bu butun dunyoning kichik modeli ham bo‘ldi. Madaniyatlararo chegaralar yo‘q, til to‘siqlari yo‘q. Ijod, hurmat va o‘zaro qiziqish hamda qarashlar uyg‘unligida bayram qilindi.