Xalqaro Nordik universiteti bo‘yicha ko‘p beriladigan savollarga bag‘ishlangan ushbu rukunda abiturientlar kirish jarayoni, hujjatlar ro‘yxati, imtiyozlar, ta'lim dasturlari va boshqa zarur ma’lumotlarni qisqa va aniq shaklda topishlari mumkin.
1. Diplomini yo‘qotganlar qanday yo‘l tutishi kerak?
My.gov.uz platformasi orqali diplom yoki attestatning dublikatini yuklab olish mumkin.
2. Hujjatlarning aslini topshirish shartmi?
Hujjatlarning asli topshirilgandan so‘ng talabalar safiga qabul qilinganlik to‘g‘risida buyruq chiqariladi.
3. Maxsus daftarga kiritilganlar uchun imtiyozlar bormi?
Xalqaro Nordik Universiteti faqat iqtidorli, musobaqalarda faol qatnashib, g‘olib bo‘lgan va GPA koʻrsatkichlari yuqori talabalarga imtiyozlar taqdim etadi, rag‘batlantirib boradi.
4. Talabalar ham o‘qib, ham ishlashi mumkinmi?
Talabalarga darsga halal bermagan vaqtlarda ishlash imkoniyati yaratib beriladi.
5. Sirtqi ta’lim shaklida o‘qish vaqtlari qanday?
Ta’lim jarayonlari bir semesterda 4 oy, yaʼni 16 hafta davom etadi. Semester oxirida 10 kun yoki ikki hafta davomida yakuniy nazorat imtihonlari o‘tkaziladi.
6. Kunduzgi ta’lim shaklida o‘qish vaqtlari qanday?
O‘qish dushanba – juma kunlari dars jadvali asosida soat 9:00 va 18:00 oralig‘ida bo‘lib o‘tadi.
7. Darslarga qatnashish majburiymi? (Sirtqi ta'limdagilar uchun)
Sirtqi ta’lim shakli talabalari darslar gibrid tarzda amalga oshiriladi. Ya’ni, onlayn tarzda ZOOM platformasi orqali ta’lim olinadi. Fanlarni o‘zlashtirish majburiy. Yakuniy nazorat imtihonlari universitetga kelib topshiriladi.
8. 11-sinf yoki litseyning 3-kursini tamomlayotganlar o‘qishga kirishi mumkinmi?
Universitetda o‘qish uchun 11-sinfni tamomlaganlik to‘g‘risidagi attestat yoki kasb-hunar kolleji, akademik litsey diplomlari (ilovasi bilan) talab qilinadi. Agar ular mavjud bo’lmasa so’nggi kurs yoki sinfda o’qiyotganligi tog’risida ma’lumotnoma kerak bo’ladi.
9. Qabul qachon boshlanadi?
Qabul jarayonlari har yili 1-maydan 1-oktyabrgacha bo'lib o'tadi. Hujjatlarni offlayn yoki onlayn shaklda topshirish mumkin. Onlayn tartibda topshirish uchun universitet qabulining quyidagi rasmiy veb saytidan foydalaniladi: https://admission.nordicuniversity.org/
10. Maxsus imkoniyatlar asosidagi sirtqi yo‘nalishlari kimlar uchun?
- Bakalavriat yo‘nalishlarining ushbu ta’lim shakliga 5 yillik ish stajiga ega bo‘lgan nomzodlar mulk shaklidan qat’iy nazar tavsiyanoma asosida oʻqishga qabul qilinadi. - O‘qish ish joyidan ajralmagan holda masofadan tashkil etiladi.
11. XNU ga xorijiy yoki mahalliy universitetlardan o‘qishni ko‘chirish mumkinmi?
O‘qishni ko‘chirish masalalari yoz oylarida ko‘rib chiqiladi. Ko‘chirish mumkin.
12. Davlat OTMlariga o‘qishni ko‘chirsa bo‘ladimi?
Oliy taʼlim, fan va innovatsiyalar vazirligining oʻqishni koʻchirish bilan bog‘liq Nizomiga muvofiq o‘qishni koʻchirish mumkin.
13. Ta’lim krediti olish mumkinmi?
Universitet shartnomasi bilan banklarga murojaat qilib, ta’lim krediti olish mumkin.
14. To‘lov-kontrakt summasini bo‘lib to‘lash mumkinmi?
To‘lov-kontrakt summasini o‘quv yili boshida va davomida 4 ga bo‘lib to‘lash mumkin.
15. Kontrakt to‘lov summasini qancha muddatda to‘lash kerak?
Shartnoma olingach, 15 kun muddat ichida 25 % toʻlov amalga oshirilishi kerak.
16. Shartnoma qanday olinadi?
Universitetning veb-sayti orqali onlayn ro‘yxatdan o‘tilgach, qabul komissiyasi talabaning hujjatlarini tekshirib chiqadi va shartnoma yuboradi.
17. Kontrakt to‘lovi qanday amalga oshiriladi?
O‘qishga kirib, shartnoma olgach, banklar yoki ularning filiallari orqali to‘lovni amalga oshirish mumkin.
18. Universitet qayerda joylashgan?
1-manzil: Toshkent shahar, Chilonzor tumani, Bunyodkor ko‘chasi 8/2 uy 2-manzil: Toshkent shahar, Sebzor ko'chasi, 22A-uy
19. Magistratura imtihon suhbatida nimalar so‘raladi?
Suhbat savollari talabgorning ixtisosligi doirasida tuzilgan.
20. Magistraturaga kirish imtihon asosidami?
Magistraturaga mutaxassisliklariga kirish sinovlari ogʻzaki suhbat va yozma shaklda tashkil etiladi.
21. Qabul platformasida ro‘yxatdan o‘tish yoki imtihon topshirish to‘lovi bormi ?
Hujjat topshirish, ro‘yxatdan o‘tish va imtihonda ishtirok etish – bepul.
22. O‘qishga hujjat topshirishda IELTS yoki boshqa chet tillarini bilish to‘g‘risida Sertifikat kerakmi?
Sertifikat bo‘lishi talab qilinmaydi. Agar mavjud bo‘lsa kirish imtihonlarida ustuvorlik beriladi. O‘qish jarayonida til o‘rganish imkoniyati mavjud.
23. Mehnat daftarchasidan koʻchirma topshiriladimi?
Mehnat daftarchasini my.gov.uz sayti orqali yuklab olish zarur va bunda kadrlar boʻlimi mutaxassisi yordam berishi mumkin.
24. Tavsiyanoma kimdan olinadi?
Talabgor o‘zi ishlab turgan muassasa rahbar-xodimlaridan o‘qishga Tavsiyanoma oladi.
25. Bakalavriat yo‘nalishlariga (kunduzgi, sirtqi) o‘qishga kirish uchun qanday hujjatlar kerak?
Kerakli hujjatlar: ✔ Fuqarolik pasporti yoki ID-karta (passport yoshiga yetmaganlar uchun tug‘ilganlik to‘g‘risidagi guvohnoma); ✔ umumiy o‘rta ta’lim (11-sinf negizida) yoki o‘rta maxsus, kasb-hunar ta’limi muassasasini tugatganligi haqidagi hujjat (ilovasi bilan); ✔ Rasm – 3x4 sm (rasmga tushgan muddati 3 oydan oshmagan bo‘lishi lozim. Maxsus imkoniyatlar asosidagi sirtqi yo‘nalishlariga quyidagi hujjatlar ham kerak: ✔ Mehnat daftarchasi (my.gov.uz platformasi)dan ko‘chirma; ✔Mulk shaklidan qat'iy nazar ish joyidan tavsiyanoma (asl nusxasi).
26. Xalqaro Nordik universiteti nodavlat oliygohmi?
Shimoliy Yevropa mamlakatlari, xususan Finlandiya ta’lim modeli asosida oliy ta’lim xizmatlari ko‘rsatuvchi Markaziy Osiyodagi yagona xalqaro xususiy universitetdir.
27. Universitet litsenziyasi bormi?
Xalqaro Nordik Universiteti 2022-yil 8-avgustda Vazirlar Mahkamasi huzuridagi Ta’lim sifatini nazorat qilish Davlat inspeksiyasining №034528 raqamli litsenziyasi asosida o‘z faoliyatini boshlagan.
28. Universitet diplomi o’tadimi?
Ha, universitet diplomi xalqaro miqyosda tan olinadi va bitiruvchilarga turli sohalarda ish topish imkonini beradi.