Asilabonu Hamidova - davlat stipendiyasi sohibasi!

Asilabonu Hamidova - davlat stipendiyasi sohibasi!

December 13 , 2024

|

262

Bizning faxrimiz!

Biznesni boshqarish yo‘nalishi talabasi Asilabonu Hamidovaga Islom Karimov nomli davlat stipendiyasi tayinlandi! 


Asilabonu maktabni oltin medal bilan tamomlagan. Universitetda ta’lim va ish faoliyatini a’lo darajada olib bormoqda. 


U yaxshi xulqi va ilmli talaba sifatida talaba-do‘stlari, universitet jamoasining hurmatini qozongan.


Coursera, Udemy platformalarida xalqaro kurslarni ijobiy yakunlab, ilmini boyitib boryapti. Iqtisodiyot fanlari doktori Xasan Sabirov ilmiy rahbarligida o‘z mutaxassisligi bo‘yicha ilmiy tadqiqotlar olib bormoqda. 


Stipendiat talabamizni muborakbod etamiz!

Chop etish

So'nggi yangiliklar

Mustaqil izlanuvchilikka navbatdagi kirish imtihonlari o‘tkazildi

Mustaqil izlanuvchilikka navbatdagi kirish imtihonlari o‘tkazildi

Tanlovda 08.00.03 – “Sanoat iqtisodiyoti”, 08.00.07 - “Moliya, pul muomalasi va kredit”, 08.00.13 - “Menejment” hamda 13.00.02- “Ta’lim va tarbiya nazariyasi va metodikasi (sohalar boʻyicha)” ixtisosligi bo‘yicha talabgorlar suhbatdan o‘tkazildi.


Imtihonda mustaqil izlanuvchilikka talabgorlarning mutaxassislikka oid bilimlari, innovatsion yondashuvi va ilmiy salohiyati sinaldi hamda baholandi.

Nordikda dasturchilar bahsi!

Nordikda dasturchilar bahsi!

🏆 G‘oliblarimiz bilan tanishing:


🥇 1-o‘rin:

Lochinbek Abdullayev – 1-KI-24-guruhi talabasi

Imomjon Nazarov – 1-KI-24-guruhi talabasi. 


🥈 2-o‘rin:

Dilmurod Almurotov – 1-KI-23-guruhi talabasi. 


🥉 3-o‘rin:

Shahzod Mirzarahmatov – 1MDS-24-guruhi (magistratura) talabasi. 


IQ, ijod va innovatsiya sinovlarida yuqori natijalar ko‘rsatgan talabalar taqdirlandilar.


Shvetsiya delegatsiyasi Nordik universitetida: ta’lim va sanoat integratsiyasi yo‘lida muhim uchrashuv

Shvetsiya delegatsiyasi Nordik universitetida: ta’lim va sanoat integratsiyasi yo‘lida muhim uchrashuv

Shvetsiya Tashqi ishlar vazirligi Savdo siyosati departamenti bosh direktori Kamilla Mellander boshchiligidagi delegatsiya O‘zbekistonga tashrifi doirasida Nordik universitetida bo‘ldi. O‘zbekiston Respublikasi Investitsiyalar, sanoat va savdo vazirligi hamda Tog‘-kon sanoati va geologiya vazirligi mutasaddilari hamrohligidagi delegatsiya va Nordik universiteti rahbariyati o‘rtasida samimiy muloqot o‘tkazildi. 


Delegatsiya tarkibida "EOL Vent Mining", "Sandvik", "Epiros", "Scania", "Skf", "Ericsson", "Atlas Copco" kabi Shvetsiyaning yirik, ilg‘or sanoat kompaniyalari rahbarlari va menejerlari ishtirok etdilar. Mazkur kompaniyalar konchilik, mashinasozlik, axborot texnologiyalari va energetika sohalarida innovatsion yechimlari bilan tanilgan.


Uchrashuvda ikki tomonlama aloqalarni mustahkamlash, innovatsion, taʼlim va sanoat hamkorligi asoslarini shakllantirishga ahamiyat qaratildi. 


Tashrif doirasida mehmonlar universitet infratuzilmasi, ilmiy-tadqiqot faoliyati va xalqaro loyihalari bilan tanishtirildilar. Uchrashuvda ta’lim va sanoat integratsiyasi, talabalar amaliyoti, qo‘shma ilmiy loyihalar, hamkorlikda inkubatsiya markazlari yaratish, soha mutaxassislarini tayyorlash kabi dolzarb masalalarda fikr almashildi va kelishuvlar amalga oshirildi. 


Nordik universitetining xalqaro aloqalarni rivojlantirish borasidagi strategiyasi Shvetsiya kabi ilg‘or davlatlar bilan hamkorlikda zamonaviy, raqobatbardosh va amaliy bilimlarga asoslangan ta’lim tizimini shakllantirishga xizmat qiladi.

Sharhlovchilik sanʼati: Qobilbek Karimbekov bilan ijodiy uchrashuv!

Sharhlovchilik sanʼati: Qobilbek Karimbekov bilan ijodiy uchrashuv!

Uchrashuvda u siyosiy sharh tayyorlash bo‘yicha o‘z tajribalari, ko‘plab ommaviy axborot vositalaridagi faoliyati, yangi nashr - "Sharhlovchining mashaqqatli yo‘li" kitobi haqida so‘z yuritdi.


Sharhlovchilikda muvaffaqiyatga erishish uchun nima kerak? Bu borada ustoz-sharhlovchi talabalarga zarur tavsiyalar berdi: 


🟢Tarixiy, siyosiy, geografik bilimlar; 

🟢diplomatiya asoslarini o‘rganish; 

🟢xalqaro materiallar tayyorlashda tashqi siyosatni chuqur bilish; 

🟢xalqlarga xos urf-odatlarni bilish; 

🟢savol berish madaniyati va tahliliy yondashuvga ega bo‘lish. 


Uchrashuvda har bir jurnalist har doim izlanishda bo‘lishi va xalqaro maydonda sodir bo‘layotgan voqealarga befarq bo‘lmasligi kerakligi taʼkidlandi. 

Universitetning Telegram'dagi rasmiy kanalini kuzatib boring

YouTube kanalimizga obuna bo'ling

Facebook sahifamizni kuzatib boring

LinkedIn profilimizga ulanish