Fakultet hayoti
🎓 "Graduated: Endi ular magistr!"
May 16 , 2025
24
Xalqaro Nordik Universitetida magistratura dasturining tantanali bitiruv marosimi bo‘lib o‘tdi
2025-yil 16-may kuni Xalqaro Nordik Universitetida ilmiy va amaliy jihatdan tayyorlangan, yetuk bilim va ko‘nikmalarga ega bo‘lgan magistrlar safi yana kengaydi. Ushbu sana — nafaqat diplomlar topshirilgan rasmiy marosim, balki orzular, intilishlar va mashaqqatli mehnat samarasining yorqin timsoli sifatida tarixda qoladi.
Bitiruvchilar qo‘lida diplom, qalbida esa ishonch va kelajakka ishtiyoq bilan bu bosqichni yakunladilar. Ular ilm-fan, innovatsiya va kasbiy mahorat yo‘lida yangi bosqich sari qadam qo‘ymoqdalar.
📚 Ushbu bitiruv — yakun emas, balki yangi ilmiy izlanishlar, kasbiy rivojlanish va shaxsiy taraqqiyot sari boshlanishdir.
Xalqaro Nordik Universiteti o‘z bitiruvchilarini nafaqat nazariy bilim, balki zamonaviy talablar asosidagi amaliy ko‘nikmalar bilan ham qurollantirgan holda, xalqaro mehnat bozorida raqobatbardosh mutaxassis sifatida yetishtirishni o‘z oldiga maqsad qilib qo‘ygan.
🎓 Bugungi kunda magistr darajasiga ega bo‘lgan bitiruvchilarimiz — ilmiy izlanishlar, ta'lim, texnologiyalar, iqtisodiyot va boshqa muhim sohalarda o‘z hissasini qo‘shishga tayyor yetuk mutaxassislar safidadir.
Xalqaro Nordik Universiteti jamoasi barcha magistr bitiruvchilarni chin yurakdan tabriklaydi va ularning kelgusi faoliyatida ulkan yutuqlar tilaydi. Siz bilan faxrlanamiz!
So'nggilari
2025-yil bitiruvchilari uchun unutilmas voqealardan biri — sirtqi taʼlim yo‘nalishi bitiruvchi-talabalari bilan universitet rektori, hurmatli Sherzod Mustafakulovning ochiq va samimiy uchrashuvi bo‘ldi.
4-kun, “TasIMO-2025” xalqaro matematika olimpiadasi o‘zining eng hayajonli va tarixiy lahzalaridan birini boshdan kechirdi — g‘oliblarni taqdirlash va yopilish marosimi poytaxtimizdagi Yoshlar ijod saroyida tantanali tarzda bo‘lib o‘tdi.
“TasIMO-2025” olimpiadasining uchinchi kuni ishtirokchilar uchun unutilmas taassurotlar va ajoyib kayfiyat baxsh etdi! TasIMOchilar navbatdagi manzilga — Green Hills resort, Bo‘stonliq tog‘larining bag‘riga yo‘l olishdi.
“TasIMO-2025” fan olimpiadasining ikkinchi kuni o‘zining qizg‘in va ilhomlantiruvchi lahzalari bilan davom etdi. 10–11-sinf o‘quvchilari o‘rtasida bilim, tafakkur va izlanuvchanlik maydoniga aylangan musobaqa har bir ishtirokchida katta umid va yuksak maqsadlarni alangalatmoqda.