“Bitiruvchi–2025”: Rektor va bitiruvchi talabalar uchrashuvi
May 22 , 2025
75
2025-yil bitiruvchilari uchun unutilmas voqealardan biri — sirtqi taʼlim yo‘nalishi bitiruvchi-talabalari bilan universitet rektori, hurmatli Sherzod Mustafakulovning ochiq va samimiy uchrashuvi bo‘ldi.
Mazkur tadbir do‘stona muhitda, iliq kayfiyatda o‘tdi. Rektor talabalar bilan yuzma-yuz muloqotda bo‘lib, ularning fikr va mulohazalarini tingladi, berilgan savollarga batafsil va hayotiy javoblar berdi. Uchrashuv davomida bitiruvchilarga kelajak hayot yo‘lida zarur bo‘ladigan maslahatlar, professional o‘sishlari va shaxsiy taraqqiyotlari uchun foydali tavsiyalar berildi.
Ilm olish yo‘lida fidokorona mehnat qilgan, aʼlo baholari va universitet hayotidagi faol ishtiroki bilan ajralib turgan iqtidorli bitiruvchilarga Rektor nomidan “Rahmatnoma”lar tantanali ravishda topshirildi. Bu e’tirof nafaqat ularning o‘qishga bo‘lgan mas’uliyatini, balki jamiyat oldidagi burchini yuksak darajada anglaganliklarini ham ko‘rsatdi.
Tadbir yakunida ustozlar bitiruvchilarga o‘z tilaklarini izhor etib, ularning kelgusida jamiyatimiz uchun kerakli, halol, bilimli va tashabbuskor mutaxassislar bo‘lib yetishishlariga ishonch bildirdilar.
Mazkur uchrashuv nafaqat bitiruvchilar uchun muhim ruhiy dalda bo‘ldi, balki universitet va talabalar o‘rtasidagi o‘zaro ishonch, hurmat va mehr-muhabbat rishtalarini yanada mustahkamladi.
So'nggilari
DIQQAT! DOKTORANTLAR VA MUSTAQIL IZLANUVCHILAR! O‘zbekiston Respublikasi Vazirlar Mahkamasining 2017-yil 22-maydagi 304-sonli qarori bilan tasdiqlangan “Oliy ta’limdan keyingi taʼlim to‘g‘risidagi Nizom”ga muvofiq, 2025-yil II chorak uchun ilmiy faoliyat monitoringi bo‘yicha MAXSUS KOMISSIYA yig‘ilishlari quyidagi tartibda o‘tkazilishi belgilangan:
Bu imkoniyatlar kimlar uchun?
Xalqaro Nordik Universitetining eng faol, iqtidorli va tashabbuskor talabalarini taqdirlash marosimi bo‘lib o‘tdi!
1-iyun, Xalqaro bolalar kuni munosabati bilan barchaning qalbi va e’tibori yana bir bor jamiyatimizning eng mehrga loyiq aziz farzandlari — bolajonlar atrofida birlashdi. Ayniqsa, alohida g‘amxo‘rlik va e’tiborga muhtoj bolalar uchun bu sana yanada muhim va quvonchli bo‘ldi.