"Work and travel" dasturi uchun saralash boshlanmoqda!

Oliy ta’lim, fan va innovatsiyalar vazirining madaniyat hamda san’atni rivojlantirish bo‘yicha maslahatchisi Jenisbek Piyazov - Nordik universitetida

Nordik universitetida mashhur o‘zbek va qoraqalpoq opera xonandasi, O‘zbekiston, Qoraqalpog‘iston, Boshqirdiston va Tatariston Xalq artisti Jenisbek Piyazov bilan uchrashuv bo‘lib o‘tdi. 

Universitet rahbariyati va Jenisbek Piyazov o‘rtasida kechgan suhbatda Nordik universitetining Musiqa taʼlimi yo‘nalishi va mutaxassisligida sifatli taʼlim masalalarida so‘z bordi. 

Jenisbek Piyazov talaba-yoshlarning sanʼat, madaniyat, musiqa sohasidagi iqtidor va qobiliyatlarini ro‘yobga chiqarishda maslahatdosh bo‘lishga tayyorligini maʼlum qildi. 

El suygan sanʼatkor talabalarga musiqa sirlarini o‘rgatishda zarur tavsiyalari bilan bo‘lishdi. Musiqa taʼlimi kafedrasi jamoasi bilan ham samimiy suhbatda bo‘ldi.

Rektor Amerikaga yo‘l olayotgan magistrantlar bilan suhbatlashdi

Nordik universiteti Ma'lumotlar ilmi (data science) magistratura mutaxassisligining 3 nafar talabasiga o‘qishning 2-semestrini Amerikada davom ettirish imkoniyati yaratilmoqda. 

Amerikaning Lawrence Texnological universityda taʼlim uchun yo‘l oldidan rektor Sherzod Mustafakulov talabalar va ularning ota-onalari bilan suhbatlashdi. Amerikada yashash va taʼlim olish borasida ularga zarur tavsiyalar berdi. 

Oldinda talabalarimizni Amerikada bir asrga yaqin tajribaga ega, 2025-yilda eng yaxshi universitetlar mintaqaviy reytingida 54-o‘rinni egallagan nufuzli oliygohda zamonaviy dasturlar bo‘yicha o‘qish kutmoqda!

"Work and travel" dasturi uchun saralash boshlanmoqda!

2025-yil yozgi taʼtilida Finlandiya va boshqa xorijiy davlatlarda ishlash hamda sayohat qilish uchun hozirdanoq harakatni boshlang! 

Kimlar uchun❓

✅ Bakalavriat yo‘nalishlari (kunduzgi va sirtqi) talabalariga mo‘ljallangan. 

📌 Dasturda ishtirok etish uchun ushbu so‘rovnomani to‘ldiring:

https://forms.gle/8CigdDaZkU34qVh5A

⏳ Oila aʼzolaringiz bilan maslahatlashish va ro‘yxatdan o‘tish uchun 20-yanvargacha vaqtingiz bor!

https://t.me/NIU_International_Affairs

Dissertatsiya ishlari himoyasi o‘tkaziladi

Oliy ta'lim, fan va innovatsiyalar vazirligi huzuridagi Oliy attestatsiya komissiyasi tomonidan Yo‘ldoshev Jahongir To‘raboyevichning 08.00.07 – "Moliya, pul muomalasi va kredit" ixtisosligi bo‘yicha “O‘zbekiston Respublikasida oliy taʼlim muassasalarini moliyalashtirish amaliyotini takomillashtirish" mavzusidagi dissertatsiya ishi himoyasi e’lon qilindi.

Dissertatsiya himoyasi Xalqaro Nordik universiteti huzuridagi ilmiy darajalar beruvchi PhD.03/29.12.2022.I.157.01 raqamli Ilmiy kengashning 2025-yil 15-yanvar kungi soat 14:00 dagi majlisida bo‘lib o‘tadi. 

Shuningdek, Isoqov Zafarjon Zokirovichning 08.00.07– "Moliya, pul muomalasi va kredit" ixtisosligi bo‘yicha “Mahalliy korxonalari innovatsion salohiyatini oshirishning tashkiliy-iqtisodiy mexanizmlarini takomillashtirish” mavzusidagi dissertatsiyasi himoyasi o‘tkaziladi. 

📍Toshkent shahri, Sebzor ko‘chasi -22 А uy, XNU 2-binosi 1-qavatidagi majlislar zali. 

Tel.: (99855) 508-44-00

e-mail: info@nordicuniversity.org