Yangiliklar
Professor-o‘qituvchilar, tadqiqotchilar va talabalar uchun vebinar!
March 27 , 2023
69
XNU va Yonsei universiteti hamkorligida ijtimoiy tadqiqotlar bo‘yicha vebinar o‘tkaziladi.
🖇 30-mart kuni soat 16:00 da Janubiy Koreyaning Yonsei Universiteti Iqtisodiyot maktabi bilan hamkorlikda ilmiy vebinar o‘tkazilmoqda.
🔖 Mavzu: Ijtimoiy tadqiqotlarda tabiiy eksperimentlar: RDD misolida
🎙 Spiker: Ulug‘bek Tursunov – Yonsei universiteti doktoranti, “El-yurt umidi” jamg‘armasi stipendianti.
📌 Vebinar davomida quyidagi mavzular muhokama qilinadi:
✅ Bugungi tadqiqotchilarning oldidagi asosiy vazifalar
✅ Tabiiy eksperiment muhitini yaratish usullari
✅ Zamonaviy amaliy ekonometrikaning asosiy metodlari
👉 Vebinarda ishtirok eting va mavzu bo‘yicha savollaringizga javob oling!
🔗 ZOOM orqali ulanish:
So'nggi yangiliklar
Koreya bilan hamkorlik: Dongseo University bilan yangi kelishuv
Busan shahrida joylashgan, mintaqada va mamlakat miqyosida yetakchi innovatsion universitet vakillari bilan qiziqarli muloqot bo‘lib o‘tdi. Unda integratsiyalashgan qo‘shma taʼlim dasturlari ochish, talabalar va professor-o‘qituvchilar almashish, amaliy o‘rganish imkoniyatini oshiruvchi virtual taʼlim strategiyalari bo‘yicha tajriba almashish xususida so‘z bordi.
Tashrif davomida har ikki tomon uchun manfaatli yo‘nalishlarda dastlabki kelishuvlarga erishildi.
Nordik dunyo investorlari bilan!
30 dan ortiq yetakchi hamkor davlatlardan 200 dan ziyod kompaniya rahbarlari, Toshkentdagi diplomatik korpus vakillari, mutaxassislar va olimlar ishtirok etayotgan forumda investitsion, turizm salohiyati va yuqori inson kapitali ustunliklari namoyish etilmoqda.
Shuningdek, tadbir doirasida "yashil transformatsiya", agrosanoat rivojlanishi, investitsiyaviy loyihalarni o‘zlashtirish darajasi xususida so‘z bordi.
Xalqaro Nordik universiteti rasmiy delegati N.Islamov B2B formatdagi muzokaralar davomida O‘mon Sultonligi biznes vakillari, xususan "Oman Trading Establishment Group" (2021-yil Forbes ro‘yxatiga kirgan) kompaniya rahbari S.Mohamed va "GreenOasis AG" direktori S.Muhammad bilan istiqbolli loyihalar bo‘yicha uchrashuv o‘tkazdi.
😎Endilikda hamkorlarimiz qatorida Forbes ro‘yxatidagi investorlar ham bor!
Zulfiya Xamidova dotsent ilmiy unvoniga ega bo‘ldi!
U "Iqtisodiyot nazariyasi" ixtisosligi bo‘yicha O‘zbekiston Respublikasi Oliy attestatsiya komissiyasi tomonidan tasdiqlangan dotsentlik diplomiga sazovor bo‘ldi.
Zulfiya Xamidovani ushbu yutuq bilan muborakbod etamiz va kelgisi ilmiy faoliyatida ham muvaffaqiyat tilaymiz!
Xorijdagi vatanparvar farzandlarimiz uchun hayotiy ahamiyatga ega loyiha
"Xalq so‘zi" gazetasida O‘zbekiston Oliy taʼlim, fan va innovatsiyalar vazirligi, Xalqaro Nordik universiteti, Shvetsiyadagi elchixonamiz va uning huzuridagi Milliy madaniyat markazi hamkorligida Yevropa davlatlari, xususan Nordik mamlakatlaridagi vatandoshlarimizning farzandlari uchun katta hayotiy ahamiyatga ega loyiha haqida maqola nashr etildi.
Bu loyiha ona tilini asrash va avlodlar orasida milliy qadriyatlar uzviyligini taʼminlashga qaratilganligi bilan ahamiyatli. Shunchaki ona tili darsi emas, balki chet ellarda ham milliy o‘zlikni unutmaslik, O‘zbekiston va uning qadriyatlarini qalblarda bardavom saqlash harakatidir.
Gazetaning bugungi sonida XNU rektori Sherzod Mustafakulovning maqolasini o‘qing.