Yangiliklar
Nordik rektori Sherzod Mustafakulov - "Eng yaxshi maqolalar" muallifi!
January 24 , 2025
273
Nordik olimlari kunning eng dolzarb mavzulari bo‘yicha o‘z nuqtai nazarlari, sharhlari bilan markaziy nashrlarda faollar...
"Xalq so‘zi" va "Народное слово" gazetalari tahririyatida bosh muharrir O‘tkir Rahmat va eng faol mualliflar, xususan rektorimiz Sherzod Mustafakulov o‘rtasida samimiy suhbat bo‘lib o‘tdi.
"Eng yaxshi maqolalar" tanlovi doirasida chop etilgan dolzarb mavzulardagi maqolalari uchun professor Sherzod Mustafakulov tahririyat Diplomi va qimmatbaho sovg'alar bilan taqdirlandi.
O‘tgan 2024-yil davomida professor-olimning “Sehrli diyor”dagi unutilmas muloqotlar”, “Yo ilmli bo‘ling yoki ilmga tayanib ish tutadigan...”, “Вести дела с опорой на науку", “O‘zbekiston - Estoniya: tizimli aloqalarning yangi bosqichi”, “Uzoq istiqbolga mo‘ljallangan loyihalar” sarlavhali qator maqolalari nashr etildi.
Shuningdek, “Yangi O‘zbekiston ishbilarmonlar uchun qulay, iqtisodiyoti baquvvat va farovon mamlakatga aylanmoqda”, "Yevropa Ittifoqi – Markaziy Osiyo yosh yetakchilar konferensiyasi: o‘zaro hamkorlik va birdamlikni mustahkamlashdagi yangi odimlar”, “Mehnat barometri: kasbiy bandlikni baholash O‘zbekistonga qanday naf keltiradi?” kabi qator dolzarb mavzulardagi ilmiy-ommabop maqolalari gazetalar sahifalarida yoritildi.
So'nggi yangiliklar
Koreya bilan hamkorlik: Dongseo University bilan yangi kelishuv
Busan shahrida joylashgan, mintaqada va mamlakat miqyosida yetakchi innovatsion universitet vakillari bilan qiziqarli muloqot bo‘lib o‘tdi. Unda integratsiyalashgan qo‘shma taʼlim dasturlari ochish, talabalar va professor-o‘qituvchilar almashish, amaliy o‘rganish imkoniyatini oshiruvchi virtual taʼlim strategiyalari bo‘yicha tajriba almashish xususida so‘z bordi.
Tashrif davomida har ikki tomon uchun manfaatli yo‘nalishlarda dastlabki kelishuvlarga erishildi.
Nordik dunyo investorlari bilan!
30 dan ortiq yetakchi hamkor davlatlardan 200 dan ziyod kompaniya rahbarlari, Toshkentdagi diplomatik korpus vakillari, mutaxassislar va olimlar ishtirok etayotgan forumda investitsion, turizm salohiyati va yuqori inson kapitali ustunliklari namoyish etilmoqda.
Shuningdek, tadbir doirasida "yashil transformatsiya", agrosanoat rivojlanishi, investitsiyaviy loyihalarni o‘zlashtirish darajasi xususida so‘z bordi.
Xalqaro Nordik universiteti rasmiy delegati N.Islamov B2B formatdagi muzokaralar davomida O‘mon Sultonligi biznes vakillari, xususan "Oman Trading Establishment Group" (2021-yil Forbes ro‘yxatiga kirgan) kompaniya rahbari S.Mohamed va "GreenOasis AG" direktori S.Muhammad bilan istiqbolli loyihalar bo‘yicha uchrashuv o‘tkazdi.
😎Endilikda hamkorlarimiz qatorida Forbes ro‘yxatidagi investorlar ham bor!
Zulfiya Xamidova dotsent ilmiy unvoniga ega bo‘ldi!
U "Iqtisodiyot nazariyasi" ixtisosligi bo‘yicha O‘zbekiston Respublikasi Oliy attestatsiya komissiyasi tomonidan tasdiqlangan dotsentlik diplomiga sazovor bo‘ldi.
Zulfiya Xamidovani ushbu yutuq bilan muborakbod etamiz va kelgisi ilmiy faoliyatida ham muvaffaqiyat tilaymiz!
Xorijdagi vatanparvar farzandlarimiz uchun hayotiy ahamiyatga ega loyiha
"Xalq so‘zi" gazetasida O‘zbekiston Oliy taʼlim, fan va innovatsiyalar vazirligi, Xalqaro Nordik universiteti, Shvetsiyadagi elchixonamiz va uning huzuridagi Milliy madaniyat markazi hamkorligida Yevropa davlatlari, xususan Nordik mamlakatlaridagi vatandoshlarimizning farzandlari uchun katta hayotiy ahamiyatga ega loyiha haqida maqola nashr etildi.
Bu loyiha ona tilini asrash va avlodlar orasida milliy qadriyatlar uzviyligini taʼminlashga qaratilganligi bilan ahamiyatli. Shunchaki ona tili darsi emas, balki chet ellarda ham milliy o‘zlikni unutmaslik, O‘zbekiston va uning qadriyatlarini qalblarda bardavom saqlash harakatidir.
Gazetaning bugungi sonida XNU rektori Sherzod Mustafakulovning maqolasini o‘qing.